鮨真

營業中

休息中

因為唔想係十月一日國慶同人逼餐死，所以約左另一半係二號先一齊食個飯。本身訂左枱但因為大家都早放所以早左到。亦因為咁店員安排左我地坐係窗口位！接近180度嘅維港夜景映入眼簾，心情同胃口都大大加分。比起坐吧枱睇師傅製作，今晚嘅安排更有情調。點左兩SET菊嘅廚師發板，慢慢嘆。前菜係汁煮花螺。雖然係凍食，但沒有半點泥腥味，醬煮過後嘅螺肉爽口入味，令人開胃。刺身拼盤：大拖羅／左口魚／ 石垣貝／銀鱈魚／深海池魚／鯖魚／秋刀魚／金目鯛店員先附上一塊岩鹽板，示意係用黎伴左口魚食的。因為左口魚本身味道偏淡，食時先放上鹽板之上再配以日本細蔥，捲埋一齊食可以同時得到岩鹽嘅咸甘味及蔥香。鯖魚及秋刀魚味道偏重，入口肉質微軟結實，可以伴上一點山葵沖淡一點魚味。但原味黎食可以品嚐到其特有嘅甘香。石垣貝脆度十足，咬落鮮甜，沾上少許醬油更突顥其甜味。深海池魚肉質爽彈，魚味啱啱好又帶點橘子香味，不愧係秋季嘅當造漁獲。銀鱈魚油分十足，必須加上山葵及柚子醋黎減低油膩感，但食落的確有驚喜。大拖羅油脂最均衡，鮮甜味濃所以經常都係我地嘅最愛。用紫蘇葉包住食更能提升滋味。金目鯛以川燙後再炙燒，令到魚香味道更出。肉身紮實有咬口。壽司六

XO仔生月中居然打敗仗，其中四份一時間仲要留咗喺家中休養，碰巧遇著五一唔洗返工，終於可以眠過夠本。為食貓假後當然係身痕啦，所以即約同契妹去老友記推介間「鮨真」度食魚生，屈佢幫契哥補祝生月。樓上壽司屋以螢光藍燈展示招牌，門面再加個流水池，新潮中明顯仍堅持相信風水學。店內以木條造出o既流線形間隔型格得黎有種好溫和o既感覺。走廊有招財貓照住。架上亦曬出不少靚酒o既酒樽。不過最可愛都係壽司吧枱一角o既Q版十二生肖陣。食魚生就硬係要揀坐壽司吧啦！除咗可以觀賞兩位師傅表演之外，最重要就係近廚得食。埋位先有熱茶及熱毛巾，暖手又衛生。多頁電子版餐牌及酒牌夠光又夠清晰。屈契妹還屈契妹，XO仔都好有良心地任由主人家決定食邊款「廚師發辦」；結果三個入面佢就揀咗每位$1,180，包有七款刺身及五款壽司o既「菊」。點好晚餐，師傅迅即準備數款顏色鮮美o既開胃漬物。兩款醃蘿蔔均爽脆清新，蕎頭則醒胃多汁。每當食完一款後，師傅仔都會即時另配其他漬物，絕對屬眼明手快之人。漬物中個人最愛必選超級爽潤o既淮山。帶甜o既酸薑都唔錯。前菜之冰菜沙律：冰菜沙律同芝麻醬分開上，以便食客可自行控制所需之沙律醬份量。形態猶如露水掛滿綠葉

股票大時代靜雞雞又來了，唔怪之得老父又吹雞叫去吃好西。之不過，我都希望父天天吹雞去吃飯，總希望他天天股場得意，我們就大有口福了。.今天我們二人，又來到鮨真，一家專吃厨師發辨-Omakase的日式料理店，吃的當然是時令新鮮魚生刺身。.店裡環境寧靜，對著維港夜景，激光滙演。這個景不是間間有，坐吧枱吃，還可以一路看厨師怎樣替你發辨，前面激光夜景怎樣替你發放，真的是雙重享受，一時無倆。.今天吧台滿客，我倆只能坐在窗邊，還好維港夜景仍在眼廉。.今天和爸吃這店的季節推介 - 櫻，厨師先來客頭盤 - 前菜是 白梅貝，這貝我真的是第一次吃，之前聽也没聽過這貝，當然是日本貨色，味道不太濃，不像香港常見之東風螺般濃烈螺味，這貝勝在鲜甜爽口，值得再試。這季節推介，共七款魚生- 左口鱼，鯖鱼，野生鰤鱼，秋刀，粒貝，新鲜銀雪魚和拖羅。懂吃的，當然將拖羅放在最後才吃，雖然拖羅油份高，但確實令人甘香回味。值得一提的是那左口魚刺身的吃法，吃前侍應递上一塊岩鹽板，板上厨師已先磨了一些柚子皮粹在當中，將小小的葱段卷在左口魚片内，在岩鹽板上轉佢兩轉，鹽份+柚子皮粹，带出了左口魚的鮮味提升，這樣的配搭，是厨師的造詣和吃的觸覺

超高質嘅日本野 又係廚師發辦 唔想失禮又想食好野 可以叫廚師定好既set 咩都有 坐定定就冇問題日本野除咗新鮮 仲有貼心服務依間店真係貼心到一個點！ 男朋友餐廳之選呀～基本上就係坐喺度 師傅就會放底食物俾你 完全live 冰鯛堅係有冰😂 冰上面仲有柚子皮 魚本身味道好light 加咗柚子之後 好fresh 勁提鮮 銀鱈魚熟既食得多 生既真係未試過( *｀ω´) 一試之下不得了 個皮好煙韌 味道好鮮 有甜 呑完仲感受到鱈魚獨特既味道 大愛💖💖💖油甘魚平日都係我至愛 不過個人喜愛油脂較重既部位 依個就淡少少 相對地較light 不過質感依舊一流海膽壽司終於到重頭戲 見到師傅整既時候 內心已一萬個期待 睇到個樣就知唔係野小 一入口 口感爆cream 又甜 口感滿分 味道滿分 配埋紫菜脆脆口感 爽！💖💖💖💖💖💖想encore ahh🙈左口魚邊壽司入口既溶既感覺 令人好舒適😌😌 好有油脂 配上醋飯 超合適😹蓮藕蝦餅蓮藕好爽脆 但蝦肉又打到好彈牙 咬落去食感好得意 蝦肉唔會好濃味 配落蓮藕度 就食得到蝦好清好鮮 加少少鹽 已經吊起所有味 得！野菜烏冬有得揀野菜定牛肉 想貫徹清淡口味 所以野菜了

當朋友間事業開始有成的時候, 再不會像往時為買波鞋而找最平的午餐, 甚至罷食。今次與多年的朋友相約, 除了聚舊, 就當然為我們準備開的一門小生意相討一下。地點朋友選, 日本料理一向大愛, 這裡環境好, 坐位不多, 要一早book, 地點於地鐵及西鐵中間, 交通算方便。餐廳在商廈頂層, 夜景不俗, 入店時已有兩對情人入座。不知是否日本人愛潔淨，或愛用手食壽司，令這店會不時給予熱毛巾，每款食物上前都會換碟，雖多工序但顯得細心。點了一個set, 只知有刺身, 壽司, 燒物等, 但完全不知有什麼魚類海鮮, 對每一樣食物都有一份神秘的期待感。******冰菜沙律******從未食過的菜，感覺好爽脆翠綠，加芝麻醬添味道******刺身******愛日本料理但見識少，唯有聽聽職員講解。刺身七款，分別有剝皮魚，粒貝，油甘魚，銀雪魚，針魚，生蠔剝皮魚原本無味，師傅薄切後用魚肝及蔥卷起，入口方便，魚肝唔腥又滑，魚油香由此出。針魚漂亮地用魚肉做成一塊葉，粒狀魚肉頗彈牙，魚肉味偏淡。油甘魚最出色，厚切之餘又大片，啖啖肉，而且好新鮮，色澤又光亮，吸睛度好高！銀雪魚刺身咁大個仔都未試過，灰色的魚皮配合進食，魚肉滑

雖然平時星仔成個師奶，喜歡格到至抵，但對於吃他從不吝嗇，今次他就帶我來一間高級日本餐廳慶祝拍拖周年。＊＊＊＊＊＊＊＊＊＊＊＊＊＊＊＊＊＊說的就是鮨真，它為於亞士厘道一銀座商廈的高層，不單交通方便，而且還能俯瞰整個尖沙咀的夜景。平時西餐廳有落地大玻璃配夜景不驚奇，不過日本餐館，特別是鮨店印象中就未見過。鮨真晚市都是吃廚師發辦，而食得廚師發辦當然要坐壽司吧枱，可以邊吃邊欣賞師傳的刀工吧。甫坐下不久，侍應就細心地為我們掛在凳背的外套套上套子，非常貼心呢。另一貼心位是，席間去了一次洗手間，發現竟連潤手霜和衛生巾也有提供，雖然話高級餐廳，服務貼心是應該，不過恕我見識少，差不多價位的餐廳在我人生之中也到過幾次，但貼心到這個程度也沒見過。經驗話我知，通常越高級的餐廳餐牌選擇越少，鮨真的晚市就只提供兩個套餐，一個是相對便宜的「菊」($1,180)，另一個是多了兩款和食、烏冬和水果的「櫻」($1,380)。由第一天相識，就知道我戰鬥力驚人的星仔，說過會有飽飯給我吃，所以來得這裡也不會吝嗇那三兩百，所以我們就點了較貴價的「櫻」，入面包括前菜、七款刺身、五貫壽司、兩點和食、稻庭烏冬或吸物(即是湯)和水菓子。

初嚐鮨真，感覺食材很新鮮、環境很舒適、師傅很專業、服務員很友善，謝謝師傅的用心推介。在師傅的手下，每道刺身、壽司成了精緻的藝術品，散發獨特的魅力。特別推介鮮甜的秋刀魚刺身、入口即融的吞拿魚刺身、油香滿溢的左口魚邊壽司和鮮味非常的海膽軍艦。期待下次再細味品嚐。