M3 Italian (已結業)

早兩個月請家人食鐵板燒後，想起好久沒帶他們食生蠔～～在openrice search了一輪後，就揀了M3 Italian，見其評價不錯啊！約7pm左右到達，店內人客不多，晚一點才陸續增加，8時多離座，就已有客人在店外候位，所以預先訂座比較好。店內佈滿聖誕裝飾，甚有氣氛，座位亦寬敞舒適。生蠔有兩款可選，分別是法國滿月生蠔及愛爾蘭美人魚生蠔N2，生蠔還可以配白酒﹑氣酒或啤酒成為套餐。我們選了稍為便宜的愛爾蘭美人魚生蠔N2 (6隻)，隻隻生蠔都大隻，象牙色的蠔肉飽滿，海水味適中，帶甜味之餘又會回甘，蠔肉肥美Creamy，好食～～～前菜是法式生牛肉他他，有特意加點花作裝飾用，若盛器沒那麼卡通化，感覺會高級一點。牛肉他他細滑香軟得來又帶點咬口，配香脆多士一起吃，口感豐富。牛肉他他份量比多士略多一點，如有多一塊多士，應該能分配得恰好。點選薄餅﹑意粉﹑意大利飯或任何主菜，均可加$88，升級至套餐。套餐是從餐湯﹑餐飲及甜品中，3揀2。餐湯除了有黑松露野菌忌廉湯，還有是日餐湯，周打蜆忌廉湯。兩款都有選，周打蜆忌廉湯味道幾乎淡如水，又稀，難飲！黑松露野菌忌廉湯稍微好一點點，有微微黑松露香，野菌的味道都有，

今日起大圍接男朋友收工，佢d 同事個個推介M3好好食，終於搵到個機會入黎試，對港島人黎講平時真係唔會特登走入黎，太遠了。大約6點3嚟到，本身無訂位，估唔到已經full 晒.....得番bar 枱唯有照殺，所以最好一早book 定位。坐正個風口位超凍😵，等左半粒鐘都未有野食...最後追一追先有野到，唔知係咪因為人多，加上有d 侍應比較新，感覺有d 甩漏。本身想食生蠔話賣晒，之後想食青口又賣晒，最後想改食蜆，都係賣晒.......實在有點失望，最後改左食沙律。_______________✨M3 沙律（$148) : 材料豐富，色彩繽紛，賣相非常吸引。有香草烤雞，花形煙三文魚，parma ham, 芝士，番茄，沙律菜，麵包粒，仲有類似酸蕎頭既東西（超酸的😖）。醬汁有三款，全部都比較杰身，沙律醬味道偏酸帶點蛋黃醬既香味，個人覺得一般。反而我鍾意另外兩款多d,醋汁好醒胃， 另一款醬又係酸酸甜甜都唔錯。✨西班牙烤乳豬（$228): 個皮好薄好香脆😘d 肉仲好嫩滑，正！不過汁醬味道就一般般。鋪底d 薯蓉都好好食，佢入邊撈左d碎蔥皮既嘢，所以食落好香，質感都算滑。✨仲有紅椰菜，味道微微酸，中和番油膩

poly人覓食到大圍！( 為咗食可以去到幾盡， 雖然其實唔太遠)店員推薦M3 Salad， 見啲款沙律用餐廳命名， 就相信佢係餐廳代表作， 於是毫不猶豫地叫了一份， 沙律一端上檯， 直覺就告訴我今次點對了菜！別看沙律只有凌亂美， 以為係廚師隨意發揮藝術感， 仔細看沙律材料鋪陳亂中有序， 由於此為二人份量廚師細心地將每款食材平均分佈於餐碟的兩端， 黑人面對面坐不用伸手到遠處就能品嘗一遍所有沙律的精華食材， 包括煙燻三文魚卷,風乾火腿,車厘茄和蒜蓉包粒， 可見廚師的一番心思💓除沙律附送三款滋味醬料， 有意大利陳醋 ,蜜糖蘋果醋醬以及沙拉醬， 讓客人各取所需！沙律中所有蔬果新鮮十足， 想不到車厘茄脆卜卜，非常鮮甜！十分欣賞餐廳特意將羊奶芝士粒加入沙律中✨蘋果醋就飲得多 ，但將蜜糖加入蘋果醬做沙律醬汁就真係第一次嘗試， 那種酸酸甜甜的感覺清新開胃。青口比想像中鮮甜， 蒜蓉或白酒煮青口食得多， 估唔到原來可以加入忌廉和煙肉， 食落去有幾特別。重頭戲就係呢個...鵝肝雲吞！ 咁大個女都冇食過， 一放落口鵝肝餡料散發出甘香， 香口得嚟唔油膩， 再配上真材實料的番茄蓉， 味道口感層次一樣豐富！睇落雲吞

約了女朋友食晚飯，深知佢喜愛意大利菜，梗係要搵間有口碑既餐廳，所以就搵左M3 italian。 係大圍站落車，行左5分鐘都唔駛就到左間餐廳。一入到去，好多客人，坐無虛席。我同女友被安排坐bar 枱，別有一番風味。 間餐廳既裝飾高尚簡約，空間感好充足。 侍應服務態度簡直係一流。睇完個menu之後，就叫左個M3 salad，阿拉斯加長腳蟹意大利飯，西班牙乳豬配薯蓉和紅菜頭，加埋個飯後甜品巴伐洛娃蛋白餅。個M3 salad非常足料有香草烤雞，挪威三文魚，帕爾瑪火腿，羊奶芝士，蕃茄乾，什菜沙律同埋麵包粒。仲有白醋，黑醋同埋沙律醬，任君選擇。係一碟既開胃又健康既前菜，算是M3 其中一個既signature dish。跟住黎既就係阿拉斯加長腳蟹意大利飯。 我係一個蟹肉發燒友，蟹肉足料鮮甜，呢碟意大利飯真係又香又好好味，一定要俾個like先。再黎既就係全晚焦點乳豬薯蓉伴紅菜頭。好多人一聽到乳豬即刻唸到肥膩呢兩個字。但我想講既係呢隻乳豬一d都唔肥膩，仲要係皮脆同啖啖都係肉，d醬汁非常配合，帶出到乳豬肉既味道，令人一試難忘。呢道絕對係M3既另外一道signature dish。而家唸番起都想再食過。食完