CURATOR Creative Café at M+

營業中

休息中

今日係M+睇展覽，但係未食lunch，而最近嘅餐廳就係呢間Cafe。咁食少少嘢，食個三文治就去睇展覽la~見到啲三文治都幾吸引，叫咗呢個「巴馬火腿烤雞肉意式三文治」店員會幫我焗熱返，啱啱焗好之後，個包表面香脆！而且個包夠厚！而且入面配料好多、好豐富！烤雞肉好香！入面有芝士、意式醬汁，仲有鹹香嘅巴馬火腿調味（但味道唔算突出），加上蕃茄片、生菜片，口感好豐富！係一個輕食嘅好選擇！可以係戶外餐枱慢慢食，靜靜地休閑一下，都係唔錯既時光！

M+終於開左啦！今日突然有心情想去西九文化區扮下文化人，午餐去左M+既CURATOR Creative Café食。呢度得一個counter，隔離室內有四張枱，一張長梳化同幾張凳，可以拎野食出室外坐，邊欣賞美麗嘅維港景色。呢個Café係做輕食多，餐牌有沙律，三文治，小食，咖啡，茶，梳打，朱古力，果汁，水，雪糕。叫左兩份三文治。巴馬火腿烤雞肉意式三文治 $58巴馬火腿烤雞肉意式三文治本身已經係暖，我再請店員幫手加熱，果然係暖笠笠。意式麵包都算脆脆哋，入面堅有雞肉塊同火腿片，算幾足料，仲有番茄同青瓜，味道唔錯。韓式芝士雞肉麥西哥卷 $58店員幫手整熱左韓式芝士雞肉麥西哥卷先，拎上手暖笠笠。麥西哥卷皮算薄，入面有雞肉塊，加左熔化芝士，仲有泡菜同沙律菜，味道都唔錯。蝶豆花蜂蜜青檸蘇打 $68蝶豆花蜂蜜青檸蘇打用膠杯上，分開上紫下黃兩隻顏色，攪拌好之後飲，味道啱啱好有齊青檸同蝶豆花味，蜂蜜味就少啲，因為我叫左少甜。藝術打印咖啡 $88雖然呢度好簡單，不過都有藝術打印咖啡。藝術打印咖啡用紙杯上，可揀咖啡或者朱古力基底，我揀左後者。如果你唔用自己相，可以揀佢哋嘅圖畫3揀1。今次揀左簡單粉藍同粉紅格仔