Route 65 (已結業)

這間喺大角咀嘅小店，名字改得幾特別，全港好似有3間Route字頭嘅食店，小編今次去Route 65，會唔會係因為位於埃華街65號而改為Route 65？有可能喎！店舖牆身橙色，重點係牆上掛了一幅大大最後的晚餐籃球員漫畫版，12個籃球員個個笑容滿面，見到都開心，食慾都返哂嚟。櫈紅色，地板黑白格，又襯得唔錯，整體環境乾淨，又有播英文歌，主要都係比較舊嘅英文名曲，小編非常喜歡。食物方面，小編叫了飯、意粉同薄餅，一次過試晒佢哋三款主打。-🌹塔可飯 牛油果醬酸忌廉莎莎蛋（牛，沙律）這個飯材料好豐富，有牛肉碎，有蕃茄粒，蛋就一片，牛油果唔係切片，而係磨成醬，加上酸忌廉同埋微辣，當然仲有少少菜配搭，味道相當醒胃，無論午餐晚餐都一樣適合，一人份量又剛好，讚。-🌹紫蘇葉蒜蓉辣意粉意粉乾身爽口，入口有香香蒜蓉味，加上配了紫蘇葉，簡簡單單冇多餘嘢嘅一道菜，就係令人喜愛，特別一提係有一些燶咗嘅蒜頭🧄，少少幾片又真係唔錯，抵讚。-🌹巴馬火腿薄餅這薄餅係小編最愛嘅薄薄餅，薄餅邊又焗得好脆，芝士份量唔多，拉開薄餅唔會有拉芝士絲出現，食落唔會膩，仲有芝士偏微燶，好香，而巴馬火腿份量都唔少，整體讚。-🌹布朗尼這個係va

行過大角咀想揾pizza食，見到呢間Route 65有pizza食，即刻上open rice睇吓有冇介紹，點知真係有介紹而且佢嘅食評都唔錯，咁就入去試吓啦，估唔到會有意外驚喜，佢嘅卡邦尼意粉🍝好好食，裏面有個蛋黃汁撈埋意粉食好特別，另外個巴馬火腿薄餅即整嘅，夠脆有水準！佢哋還介紹咗個肉碎薯條同麻香蕉朱古力奶昔，肉碎薯條好特別，香蕉朱古力奶昔又唔會太甜，好啱我唔鍾意食太甜嘅人，員工服務態度亦都好好👍🏻！