壽司藝 (已結業)

最近呢有個好朋友升左職，佢呢就話要請我食一餐好嘅慶祝下，叫我揀下食啲乜野好喎，我諗左陣又唔想食自助餐嗰啲咁行，但係又想食啲好味啲嘅嘢，俾我搵到呢間位於大坑嘅壽司藝，夜晚時段係食omakase，即係廚師發辦。唔需要客人去諗食啲乜嘢，由壽司師傅為客人準備新鮮嘅菜式，未食過梗係想食下啦，所以呢就揀咗呢間。入到去啦首先侍應就俾咗個Menu我哋睇，個Menu好簡單，總括嚟講有三個字，分別係「月」，「彩」同埋「藝」。呢三個係代表三個唔同價錢嘅set，由$1080～$1680，而我哋呢就揀咗$1280既「彩」，係包括左有前菜，刺身，熱盤，壽司，湯同埋甜品。可以睇到餐廳嘅風格係保留好日式嘅感覺，同埋都仲有個包廂仔，可以比想有私隱度高嘅客人坐喺入邊享用美食。佢哋安排左我哋坐喺較中間嘅位置，其實鋪頭座位唔多，相對地可以帶比客人一個寧靜嘅飲食環境。當我地坐低左之後，侍應就立即遞上熱茶同埋熱毛巾，俾我哋飲用同抹手，等候師傅呈上美食。1.北海道大生蠔/螢光魷魚/水雲菜/蟹仔第一道上嘅菜係一個組合嚟嘅，師傅就教我地要食咗生蠔先之後到魷魚之後再係水暈菜最尾就係食蟹仔啦，個生蠔賣相已經好脹卜卜，我加咗少少檸檬汁上去，

今晚同寶慶祝紀念日，見好耐都冇帶佢食一餐好嘢，所以決定帶佢嚟大坑壽司藝品嚐下高級日本壽司料理！大約七點左右，店舖竟然一個人客到冇，嚇得我哋差啲就返出去驚中伏。不過有見有兩位板長好忙咁樣處理緊食材，同埋見佢裝修都好靚，於是都係比次機會佢😂第一樣吸引到寶注意嘅嘢，就係呢個日式茶杯。細心留意番，茶杯底有兩個小洞，令到就算斟左啲好熱嘅茶，我都唔會覺得燙手，成件事好高級😂今晚我哋兩個都揀咗「彩」，有齊前菜刺身壽司熱食湯同埋甜品，完全feel到自己會有幾飽lolR呢位就係我哋今晚嘅板長，幾幽默，又會肯解釋清楚我哋食緊啲乜，仲會先問我地有咩係唔食👍🏻先來嘅係有三款前菜，由於我唔識螢光魷魚，所以板長就幫我轉咗做海鰻魚苗。今次係我平生第一次食呢種食物，感覺上非常爽口，有啲似食緊海蜇，但係質地又比海蜇滑十倍！另外仲有超級creamy嘅生蠔，同埋威化餅加鮟康魚肝！魚肝嘅味殘留起我個嘴入面揮之不去，好香！左口魚刺身（連火灸裙邊）非常鮮甜，今次係我第一次食左口魚嘅刺身，質感厚彈，唔錯！至於個裙邊當然係無得彈啦！赤貝刺身擦一擦檸檬又係超級fresh同爽口，正！呢個深海池魚刺身太吸引我食哂兩舊都唔記得左影佢，所以要

一陣子沒有來到浣沙街，今日舊地重遊又見有新店，面向停車場一家日本料理店非常耀眼，店名壽司藝，尤其個藝字寫得寧捨型格，柚木地板石磚牆，一看便知道是和式餐廳。 晚上只做 Omakase，月、彩、藝三款價錢選擇，首次光顧，我們先嚐彩。 小吃枝豆翠綠脹卜，相等於中國人食瓜子，是等待期間的最佳選擇。 前菜三點 胡麻醬沙律、蝦凍及明太子蓮藕。 胡麻醬沙律，混合秋葵香菇，酸香味美。 蝦凍有特色，面頭以柿醬調味，內裡釀入蟹肉，微酸醒神，鮮甜幼滑。 蓮藕煮至生熟度剛好，有些咬口，明太子輕輕的鹹香正好提味。 刺身八貫 左口魚片及左口魚邊配，先吃薄而清甜的魚片，後吃肥美的裙邊，果然豐腴鮮甜，回甘悠久，蘸些醋汁平衡魚味。 繼而是非常爽脆的赤貝，形態生猛。 魚味濃一點的深池之後，一只修長的甜蝦，肉質細緻如碧玉，新鮮肉彈。 四方玻璃盤子內有蒸毛蟹肉，另一道如瑰寶的展物，黃色的是蟹醋汁啫喱，配生拆蟹腳及手撕蟹肉，鮮甜無比。 新鮮青魚懂得做，與醃漬的大有分別， 但難免始終有點腥，姜戎豉油就是解藥。 中場以一片鮮人掌清洗味蕾，帶少少草青味，酸酸地，爽口的，優點是稱職。 期望的拖羅出場

另一頓生日飯是由好友為我安排，選址大坑的「壽司藝」。趟門而入，便見一張約有十個座位的壽司bar枱。另有一間獨立廂房，約可容納八位客人。放滿林林總總清酒的馬拉松酒櫃，不乏一些難得一見的好酒。充滿「動感」的玻璃球，一羣羣來自築地的泥鰍BB正樂在暢泳中。Omakase 有三款選擇，包括「月」、「彩」和「藝」，價錢分別為$1080、$1280 及 $1680，最後我們選擇了中價的「彩」。先以一碟「鱈魚乾配沙律醬」作開場，香香脆脆的配上沙律醬同吃，幾難會不好吃吧？把伴碟的海帶蘸點酸汁和山葵同吃，好味又健康。Wasabi來自山葵之鄉 ⁃靜岡縣，別看它的的式式，不妨留意那些高級超市；一小個也要價七、八十大圓呢。其矜貴處在於天生的要求多多、難服侍，天生有潔癖，水質稍差即枯萎，適合生長的環境並不多，而靜岡是其中之一；亦是產量最優最豐的地方。鱈魚乾吃得七七八八，前菜也已準備好了。鮮蝦，芡菇片、木之芽麵豉冬筍～蝦爽甜，陪襯的不是薯片；而是現已不多見的芡菇，經油炸後香香脆脆，沒有蒸煮過後帶微苦的弊端。冬筍清甜無渣；好吃！築地泥鰍～話咁快，剛剛還在暢泳的泥鰍BB已成了我們的盤中餐，甘甘脆脆，一口一條實在