十字冰室 (禮頓道)

營業中

休息中

下晝4點去食，有牛柳常餐同豬扒常餐。為左黑松露炒蛋叫左牛柳常餐。因趕時間叫左意粉因為通粉食好耐，個牛柳好淋，都算幾多。唔差喎，唔知係咪去到下晝已經煮淋左…配意粉成件事好好味。黑松露炒蛋係勁好味（雖然咬到粒蛋殻），多士直情唔駛牛油，配個黑松露蛋已經係世一。奶茶無茶苦澀味，好飲。今次第一次食，去個時先睇到前面d留言都驚驚地，但最後係驚喜既。整體95分，上菜勁快，餐牌好多野食都好吸引，如果佢地都可以轉餐就好了。雖然68蚊，但飽到依家，夜晚都接近11點了。

十字牌鮮奶踩過界開冰室都一段時間不過又冇咩機會去附近 而且食評一般 所以都提唔起勁去試今日居然就係附近，一於試下啦！餐牌選擇既唔多 我就揀左常餐 $62十字牌牛奶豬骨湯意粉 配香煎豬扒、牛奶炒滑蛋及牛油多士半塊呢個價錢我覺得係有d貴既 不過而家食個常餐都越黎越貴 湯都其實唔錯既 但未至於我覺得要去試 係屬於冇咁濃既金寶忌廉湯咁囉 豬扒唔算肥 都易咬開 味道普通 意粉份量偏少 都係正常粗幼既意粉 滑蛋其實都幾普通 用左十字牌牛奶🥛但感覺同我自己煮唔落奶唔覺有分別或者滑左 蛋都唔覺係咩靚野 感覺都比較普通 多士就更加唔洗講喇 睇相都知唔係厚多士 呢個價錢 我只能夠話我可以食其他更好食的最最最重要係店員態度超差 個男人一落單時朋友指住圖中既菠蘿包 都仲要話講清楚邊個包 都算 我兩個人 我未落單就走左🤬唔怪得銅鑼灣lunch hour 1pm都唔洗等位仲要大把位！

皇牌餐（$65）番茄湯超濃同埋好多蔬菜👍🏻牛肋肉比想像中腍，同埋好入味。我自己叫咗單點，肉嘅份量多好多。牛油多士唔夠脆。黑松露炒蛋好滑有味，但係比較細份。常餐（$62）豬排得一細塊，見到單點係有兩塊😶。但係湯都幾濃味。牛油多士唔夠脆。炒蛋好滑，但係比較細份。鮮茄燴牛肋條飯（$65）雖然牛肋條腍，但係唔夠皇牌餐嗰啲咁入味，可能因為佢煮左牛肋骨之後先淋啲番茄汁係上面。呢碟份量都唔係好多，男人可能唔夠食😓。美祿山（+$15）幾大杯，同埋好多美祿粉係上面，仲有啲朱古力醬係杯邊。熱檸檬茶茶幾濃，得兩片檸檬。食物都唔錯👌🏻但係午餐晚餐冇乜餸揀😕建議大家嚟食早餐或者下午茶。普通常餐都幾貴。