民華餐廳

營業中

休息中

今日我去旺角的茶餐廳吃早餐。他們的早餐稱常餐，而且不會有時間上的限制。餐牌上可以從A項、B項及C項加飲品拼湊成一個自己食的常餐。今次我點常餐，主打薑絲牛肉米粉。當然你可以選擇米粉之外的通粉或即食麵。雖然你不能期望他的薑絲會有很「薑」的味道，但是份量也中規中矩，不會令你失望。整個早餐味道算不錯，多士脆口，不是做定擺放很耐的。服務亦很好即刻舉手就會有侍應來協助落單。另外一提，這個茶餐廳特別之處是會提供少量廣東中式點心及中式蒸飯。在難找酒樓的旺角，經常只吃茶餐廳，偶然一次吃點心蒸飯也是不錯的選擇。

想食平同地道嘢食，所以我哋就揾咗茶餐廳啦！因為疫情嘅關係，入餐廳之前大家都要量咗體溫先。茶餐廳內部都算整潔同坐得舒服嘅。我點咗個常餐（鮮茄叉燒通粉、香腸炒蛋、即烘牛油多士、熱茶走），再同朋友分享咗份西多士。先講常餐，通粉湯底非常足料，茄味濃郁，令我意外嘅係叉燒仲有蜜糖味😛炒蛋炒得滑仲有啲甜味，再配埋即烘牛油多士好好味😋熱茶走同香腸就不過不失。再講西多士，可以配煉奶或者糖漿，我就撰咗煉奶！西多士入面無塗花生醬，但都超好味，甜味啱啱口又香口！整體我好滿意依一餐😆

上一次是下午去食民華這次晚上去旺角，晚餐通常比較貴了，但民華都是一樣價錢的！.好吧，如其不停在找餐廳，就吃去過的餐廳吧。.這一次吃「優惠套餐」- 即飯餐⭐️秘制豬軟骨飯（$56）豬軟骨煮得很稔，也得很入味。醬汁配上飯食更是滋味。飯是另用碟上的，用美美的煎蛋在包著飯，頗有心思的。.⭐️飯套加$16有個魚湯菜心，會食到淡淡的魚鮮香。.⭐️雞扎十分足料，除了有雞肉、芋頭，還有豬肚及豬皮。味道與酒樓的差不多。.⭐️燒賣啖啖肉，也有蝦，也是足料的，不錯。.⭐️豉椒鳳爪份量好似比一般酒樓多呢。.⭐️西多士我都個肥膩，不過他們切好成9份方便share，食一小粒過一下口癮吧！.⭐️常餐一律是$46元的除了一款麵（我今次選了鮮茄牛肉麵）還有蛋、餐肉/腸仔、厚多士，還送熱飲呢。

作為茶記粉絲的男朋友好久沒吃茶記，在旺角逛街常經過民華也沒有吃過，這次便和他來滿足他的茶記胃😂茶餐廳絕不能不點的當然是它的常餐，民華常餐選擇頗多，男朋友選了他最愛的蕃茄牛通拼餐肉炒蛋多士😛番茄牛通份量十足，湯底不濃，是新鮮蕃茄熬製而成。通粉吸了蕃茄湯配上牛肉一起吃，味道不錯！炒蛋卻是一大驚喜，毫不遜色於一些炒滑蛋名店😎炒蛋嫩滑蛋味重，多士鬆軟充滿牛油香，最愛的吃法便是把餐肉也夾上，一個足料的餐蛋治就此誕生🤤單單一個常餐有怎可能滿足了男朋友🙊想吃飯的他還叫了一碟豬軟骨飯，豬軟骨的份量超多，還有一隻荷包蛋在包住白飯，作為一個午餐絕對夠飽😏豬軟骨燜得軟淋，入口即化，配醬汁送飯一流😌食完正餐男朋友仍是戰意旺盛😂我們點了一個火腿炒蛋菠蘿包和西多士🤪火腿炒蛋菠蘿包這個很少見，炒蛋跟常餐的一樣也是非常滑溜，菠蘿包新鮮熱辣，表皮鬆脆口感卻相當鬆軟，這個組合鹹甜的滋味男朋友不是太習慣，我卻十分受落😂基本上整個包也是我吃光的😛至於茶餐廳的邪惡之首西多士自然是男朋友的最愛😉民華的西多士可選沾煉奶還是糖漿，我們選了煉奶之後看到遞上來的成品著實嚇了一跳，煉奶的份量不是象徵式的在上面劃幾筆，而是整個底盤都是煉奶🤤

這裏的常餐有頗多的選擇，由ABC各選一款。.⭐️鮮茄牛肉通粉共有9款麵可選，一樣價錢。通常鮮茄湯底都是比較貴的，但這裏不用加錢。湯底有濃郁的蕃茄味，健康又好食。.⭐️蛋- 值得一提，除了圖示的炒蛋，服務員都很有耐性地問「想要什麼蛋」。我們問，有什麼蛋？原本還設有很多款式讓人選擇，例如太陽蛋、荷包蛋等等（有mention 其他的，但我忘了）。通常其他茶餐廳只會提供炒蛋或太陽蛋，這裏像高級餐廳食早餐般，會問清楚你個蛋想點煮 - surprised!我就選了炒蛋，creamy 是半熟帶流心的，高質！.⭐️多士- 不是hea交貨，是用了厚多士，塗上牛油，而且烘底不用加錢！還可加$2配其他醬，有煉奶、花生醬及果占。.另送飲品的，而我加$4轉牛奶-早餐少不了鮮奶！.⭐️西多士- 很邪惡的小食，這樣做得不錯。很有心思切開9塊，底下沾滿煉奶，邪惡地很滋味！.這裏還有蒸飯及點心食，也十分不錯。

以前因為收工收得夜, 民華開到凌晨又平靚正, 所以係我昔日既飯堂! 但隨住冰室越開越多, 又轉左工收早左之後, 就少左好多黎食! 今晚夜左食飯, 就黎民華黎番個平靚正晚餐。蕃茄牛肉米+煎雙蛋多士本身設定係通粉黎既, 不過我中意食米粉而店員都好樂意幫我轉, 蕃茄湯濃郁有蕃茄粒粒係入面, 最中意米粉掛哂d汁, 牛肉係平時打邊爐個種鮮牛多士外脆內軟, 面頭搽左牛油, 太陽蛋煎得好靚, 最愛少少燶邊加橙黃生蛋黃鱆魚肉餅飯依度既鱆魚肉餅飯係出色既! 肉餅唔會鬆鬆散散, 有鱆魚粒食落味道好香, 記得撈埋佢既甜豉油西多士以前食親都會叫多個西多, 厚西多加大片牛油, 可以揀配煉奶或者糖漿, 個人喜歡煉奶。西多外脆內軟, 蛋香味濃, 雖然邪惡但點埋煉奶真係正只係廿蚊, 依個質素絕對抵食!凍檸茶同咸檸7, 不嬲都好欣賞依度既檸茶, 凍檸茶茶底夠哂濃但唔會澀, 加上碎冰使其温度天凍又唔會溶到淡哂! 至於咸檸7就第1次係度飲姐, 佢杯碎冰簡直係消暑良品! 出色!民華都算係老冰室品牌, 就算而家越開越多唔同既冰室, 依度仍然係好多客, 証明左依度既食物水準同埋價值, 支持

去旺角逛街，累了就隨便選一家餐廳餵飽個肚。見到這間茶餐廳人多，食物選擇也多，就決定試下新意思～——————————🔹常餐 $46去茶餐廳，當然要食地道的常餐啦！叫了碗沙爹牛肉通粉、餐肉炒蛋、即烘牛油多士及奶茶；通粉湯底偏甜不辣，不夠惹味，加點辣椒油食就剛剛好！整體來說，每款水準都不錯，份量也多。🔸咖哩牛筋腩飯 $59 配奶茶驚喜之作！咖哩是典型的茶餐廳咖哩，香濃微辣，夠惹味；牛筋、牛腩份量極多，煮的軟焾入味，配上炆軟的薯仔及白飯，真的好正！🔹鵪鶉蛋燒賣 $17 估唔到茶餐廳都有點心食，仲要是鵪鶉蛋燒賣，當然要試試～燒賣肉質彈牙，每粒頂部都有一粒鵪鶉蛋，有蛋香也有肉香，雖然比不上酒樓的出品，但$17算是好抵食！🔸秘製金錢肚 $17朋友最愛內臟，見到金錢肚即刻落order！金錢肚煮得入味，掛滿醬汁，吃起來甜香甜香，不錯。

同阿女去旺角行街順便醫肚，路經呢間民華，其實平時都唔多幫襯茶記，所以入黎睇下有咩食。選擇都幾多，叫左個常餐($46)，揀左番茄牛肉通粉配煎雙蛋，個通粉好濃蕃茄味，D湯成碗飲哂！而且牛肉份量都多，多士烘得夠脆，太陽蛋煎得靚！另外叫左個牛腩牛筋河($37)都唔差，夠腍而且入味！仲有菜附送！估佢唔到係連點心都有！叫左個雞扎($18)試下！裡面有芋頭、豬肚、雞肉等，都唔錯呀！至於個秘製金錢肚($17)就有點辣，但十分入味！食唔停！見到有人叫西多士又想食，原來係呢度既主打，個西多士($20)好厚，炸到金黃色，中間有一片牛油，而枱上有糖醬任落，食到阿女lam lam脷！

返工返又一城，但成日係商場食飯都食到厭😞…所以今日同同事搭一個站火車去旺角搵D茶記☕食，可以轉一轉，又唔駛咁貴😜落到去女人街搵食，其實都好快就到，見到呢間民華餐廳，門面好光猛，地方大D，以茶餐廳黎講佢都好乾淨，坐得都唔迫。😇中午食飯時間當然好多人，好彩佢都好多位，唔駛等好耐😙同事想食西多🍞，咁兩個人都可以share一份既~ 佢主食就叫左個常餐🍜🥪，都好多野可以配搭。我就揀食盅飯🍚，好少有茶餐廳同時又有點心食! 落左單先見有一籠籠點心! 想叫個鵪鶉蛋燒賣🥟 落單冇幾耐就黎左盅飯同常餐，出餐都真係快手。盅飯既份量唔大，但個牛肉好香，彃牙得黎有肉汁，好食! 個煎蛋🍳流心可以撈飯食，味道真係唔錯! 29蚊呢個價都好合理，女仕黎講份量剛好，男人的話就會厭太細盅了😬不過! 咁樣我地就可以叫埋個鵪鶉蛋燒賣!17蚊份都真係好抵食😍都試左同事個茄牛通，湯底夠甜🍅，肉片🐮都幾香，唔錯! 係個通粉🍝唔係好淋，咁呢個就好個人喜好，應該浸耐少少先開始食就冇問題了。我亦欣賞常餐入面個方包🍞，厚身得黎又好軟熟，抵食又好食😋西多士都唔錯，睇黎呢間餐廳D麵包都有返咁上下水準。西多士可以揀跟糖漿🍯或煉奶🍼，我地揀煉奶，滑

有去開通菜街的朋友都知，尼條街比較多港式餐廳🍴而且有兩間聽落同名嘅「民華」同「文華」，後者依家改左名做「敏華」。去開茶記/冰室，我都傾向叫常餐，因為熱愛炒蛋多士～😂😂民華嘅常餐選擇好豐富，基本上就係自選1. 湯底、2. 餸、3. 麵、4. 配料，同5. 多士重點一提，揀多士唔係淨揀烘定唔烘咁單調，仲可以+$2加煉奶/花生醬/果占，自制多士！！我就自制左半份奶油多😂 好抵———-1. 鮮茄叉燒米+餐肉炒蛋+奶油多 （$46+2）🗯首先講下個湯底，鮮茄湯係真係食到一瓣瓣的蕃茄🍅，湯夠味而唔係稀水。不過同某幾間出名食煲爛哂嘅蕃茄湯底唔係行同一路線，相信迎合大多數人嘅口味🥴 （🍅🍅🍅🍅 愛好者或者覺得未夠濃，各花入各眼啦～）🗯叉燒肉厚而不鞋，有驚喜！（千祈唔好同燒味蜜汁叉燒mix up😂）🗯至於奶油多，落單果時我叫多煉奶，冇收多錢冇呃秤，大滿足🤟🏻🗯炒蛋係傳統茶記式，純蛋香！又滑 🤤2. 咖哩牛筋腩蛋飯 （$50+12凍飲）牛筋腩炆得夠焾夠入味！份量又多，抵食🥴🤟🏻咖哩汁夠香夠惹味又唔會過辣，淨汁送飯都得！如果配埋炆到焾哂嘅入味薯仔，嘩，冇得輸呀 🤤3. 西多士（$20）重點黎啦！ 西。多。士

香港的茶記選擇眾多，質素參差，其中民華可算是少有用心製作的連鎖式茶記。它的食物款式頗多元化，既有常餐，也有咖喱飯、湯河、蒸飯和點心類等，滿足了不同食客的需要。同時，食物的味道也相當出色，新鮮製作讓人感到誠意滿滿。自幾年前嚐過民華的製品後，我便一直念念不忘。直到最近，友人相約我到民華，令我終於又有機會重溫那滋味。·我們二人分別點了以下的食品作分享：{{ 常餐：火腿蕃茄通粉 $46 }}蕃茄湯紅彤彤的，味道酸爽，十分開胃，表面更有少量香草調味，令人很有食慾。通粉的軟硬度適中，不會煮至過腍，仍保有口感，值得欣賞。至於火腿一絲絲的，入口軟腍，味帶微鹹，正好中和了蕃茄湯的酸度。·{{ 餐肉炒蛋配即烘牛油多士 }}蛋炒得頗為嫩滑，甚具蛋香，而餐肉則煎至微微香脆，入口不油膩又充滿鹹香。塗滿牛油的多士經烤焗後變得香脆可口，富牛油香之餘亦帶微微的鹹味，不會過於淡口。把少量炒蛋加適量的餐肉放在多士上，一口咬下去，實是滋味無比。·{{ 火腿炒蛋菠蘿包 $30(跟餐價) }}菠蘿包外皮微脆，

喺旺角同太子中間金魚街嘅街頭，民華餐廳每日由上午七點開到凌晨三點，所有時段都供應常餐。我就真係早餐，午餐，下午茶，晚餐同宵夜都食過啦~供應嘅食品就一樣啦，係早餐平少少38蚊，其他時段就46蚊。常餐分ABC三個部分選擇，A部分揀湯粉，我通常都會揀比較濃味嘅鮮茄湯跟火腿跟通粉~B部分就揀一個配菜同埋揀個蛋，就睇下你鍾意點樣食個蛋，有炒蛋，太陽蛋，全熟蛋都得。C部分呢就係睇你想唔想烘多士，定係冇烘過嘅方包。然後揀嘢飲，凍飲加三蚊。常餐其實好多人食過都知道好食㗎，但係特別真係需要推介呢就係西多士，又厚又脆熱辣辣食真係好好食!!

今日要到旺角處理銀行野，所以要找地方食下午茶。民華餐廳好多分店，抵食又美味！滿滿客人，好受歡迎的茶餐廳喔！之前黎過一次，今次又是食常餐（星期一至五有折呀，$38包餐飲又有粉麵）點了最愛常餐，轉食麵（叉燒清湯麵+火腿炒蛋多士）常餐：今日想食清清地，所以點了清湯叉燒，之前次次食通粉，今次就轉食麵，好喜歡這裡的自由度，可以不同配搭；叉燒唔肥又軟腍，麵軟硬剛剛好；更可加辣醬更野味火腿好香，配上最滑最靚的無得頂金黃炒蛋，還有好好好食的多士，今次我更加了花生醬，滿滿的花生醬塗滿多士部分，好香脆好厚身）飲品最愛是熱奶茶，好香好濃茶味又滑滑的，不用加糖已經夠哂好飲，我的最愛服務生快手快腳，友善又合拍的團隊！

六點左右閒逛至旺角街頭，無咩事做當然就要開始覓食。同行人大力推薦民華餐廳嘅蕃茄湯，無咩想食嘅我一於試下到底有幾好味。常餐：烘烤牛油多士、香腸、炒蛋由於我好鍾意烘烤過嘅多士，見到當然要點啦～仲要唔使加兩蚊烘底，非常好。多士烘得香脆，唔會太硬。配以薄薄一層牛油，更添牛油香，但唔會太有罪惡感。香腸應該係廚師腸，無咩特別，純粹懷舊下。炒蛋頗滑，都食到蛋香味。常餐：蕃茄叉燒通粉蕃茄湯底較一般餐廳濃稠，酸酸甜甜。個人而言比較欣賞叉燒，因為真係幾香，唔似普通連鎖快餐店嘅頹叉燒。肉質唔乾，又唔會太肥，揀得幾靚。小食：西多士簡單一碟西多士，但食完一塊就令人好有滿足感。即使食完明知好高熱量，都忍唔住繼續食。厚多士上碟時已斬開九小件，夾層應該有搽少少牛油，面層則有煉奶及牛油，邪惡程度與美味程度成正比。多士炸至金黃脆口，咬落綿香，煉奶及牛油充分滲入多士。重點係20蚊就食到，真心覺得抵食。點心：雞扎雞扎相對地普通，不過不失。算幾大件，雞肉滑嫩，芋頭份量都不吝嗇。總括而言，呢間嘅叉燒同西多士真係值得一試，價錢唔貴都係我回頭原因之一。

每次去開花園街買嘢，必定要到〈民華餐廳〉吃飯才安樂，最難忘他的鮮番茄湯底，炒滑蛋還有濃郁咖喱。除了可以堂食，還有蒸飯和點心可以外賣，夠曬多元化。每次嚟無論乜時間都係人氣鼎盛，茶餐廳都有咁既口碑同食客量，真係唔到你唔服。〈火腿炒蛋菠蘿包〉一坐低就聽到隔離侍應姐姐話菠蘿包新鮮出爐，當然要趁熱辣辣整返個！！熱辣辣嘅菠蘿包面層甜甜地又夠酥脆，底層麵包就軟棉棉，再加埋火腿同炒滑蛋吊一吊味，無論口感同味道都超正。〈魚湯灼菜心〉冇菜食就絕對不行，所以本兔另一件重要的事就是點了這個新鮮爽脆嘅菜心好清甜，加埋鮮甜嘅魚湯，清淡得來又不寡，絕不乏味。〈常餐〉另外民華必食嘅一定係常餐，因為有齊我最愛嘅鮮番茄湯底，炒滑蛋同即烘多士。真係講起都流曬口水。🤤🤤🤤〈花生醬多士〉今日想吃花生醬，所以+$2變成花生醬多士。花生醬唔會話〈傑撻撻〉黐住個口，但又非常香濃，加埋外脆外棉嘅即烘多士，真係民間美食最高享受。文華另一出名之作必定係炒滑蛋！！淨係睇圖都知有幾滑啦。仲有鮮番茄湯底真係濃郁到一個點！！真係有鮮番茄粒喺裏面嫁！！所以先會咁濃茄味，正！！！〈咖喱雞飯〉民華另一名物絕對是咖喱可惜咖喱豬扒飯未準備好，唯有點咖喱雞飯