御品·千之味 (深水埗) (已結業)

今日喺深水埗行街，好想食番餐清新嘅晚餐，突然間見到呢間平實嘅日本料理，於是就走入去試吓。入邊嘅裝修實而不華，光線充足，一坐低已經有一種清新嘅感覺。我哋首先點左一份蟹柳魚子沙律，醬汁選咗我最愛嘅胡麻醬，一黎就refresh下個口腔。再嚟一分蟹柳玉子燒，據說都係呢度嘅名菜之一。沙律醬略嫌多咗少少，但係口感味道都係非常豐滿，咬落去魚子嘅脆、玉子嘅柔軟，再加埋蟹柳嘅鮮味，令到口腔來嘅味覺非常有層次，觸覺非常充實。再嚟就係重頭戲一份御品壽司拼盤，有15件不同嘅壽司。服務員同我地講有兩種豉油，一種係點刺身，另一種係點壽司。估唔到呢間日本料理同其他唔同，連豉油都咁講究。再嚟就係Wasabi，呢度嘅Wasabi係真嘅即磨Wasabi，並唔係出面唧牙膏唧出嚟嘅假Wasabi，所以已經對呢間小店充滿好感。壽司食落非常鮮甜。，尤其是係甜蝦、帶子同埋左口魚，質素非常接近我喺東京築地食到嘅嗰份新鮮。今次主要係黎食壽司，不過食咗咁多生冷野，都想食返啲熱食暖一暖胃，於是就點左兩串串燒，一串係燒冬菇，另一串係燒雞軟骨。兩串都係非常之有水準，唔會太鹹，亦唔太燶，食落去好有火候。最後仲加送一人一粒雪米糍比我地嘅味蕾收一收

又要為旅行做足準備到深水埗買電話卡， 經過這間日式食店，心血來潮入去食壽司。 入到店內地方不大，但光線充足。 因為午餐食得太少的關係唔想再諗食咩，所以一於點了一個御品壽司拼盤$258， 一個拼盤有 15件，方便又快捷，再點多一碟蟹柳玉子燒$38。御品壽司拼盤～ 總共有15件，包括有三文魚兩件，油甘魚，鯛魚， 甜蝦，赤蝦，吞拿魚，帶子，墨魚，左口魚，海膽，魚子，吞拿魚蓉，龍蝦沙律，辣味三文魚各一件。 咁多件入面我最欣賞是海膽壽司和帶子壽司， 味道新鮮甜美。蟹柳玉子燒～ 如果玉子可以做得再軟熟一點比較好吃。好開心有甜品送！整體而言刺身壽司都算新鮮，價錢屬於平價親民。

醬油有兩款，左邊的是比較咸，適合配刺身食。右邊的是比較甜，適合配壽司食。炸生蠔 $52 4件有驚喜的小食！🤩炸得好鬆脆，蠔味好重。推薦大家必點！御品壽司拼盤$178 🍣種類超多的拼盤：三文魚、油甘魚、鯛魚、甜蝦、赤蝦、吞拿魚、帶子、墨魚、左口魚、海膽、魚子、呑拿魚蓉、龍蝦沙律、辣味三文魚。壽司拼盤是平民的價格但質素不會比高檔餐廳差喔！個人最喜歡海膽，鮮甜不會有腥味，龍蝦沙律和辣味三文魚的醬汁都好惹味呀！🤤鰻魚忌廉芝士卷$48 4件芝士炸蝦卷$38 4件鰻魚忌廉芝士卷的芝士份量超大‼️食落口滿口濃濃芝士味，再加上鰻魚的油香，好滿足呀😚係連鎖壽司店都曾經食過鰻魚芝士卷，但覺得味之千的做得比較扎實，而且芝士味較出，芝士控的我對這個卷物表示大讚👏🏻芝士炸蝦卷的芝士味則較淡，以炸蝦🍤的味道較出。無論是否是套餐，最後都會送上雪米池作甜品！

友人聲稱自己係刺身大王，所以帶佢黎呢間深水埗既御品·千之味，好讓他過一過癮﹗牆身有食物相片，睇食物相真係好吸引﹗侍應特別提我地，枱上兩枝豉油分別係刺身同壽司豉油，刺身豉油較濃味，而壽司豉油較水身帶有甜味。五品刺身$128:入面有三文魚、甜蝦、油甘魚、帶子、墨魚各三件，下面有冰舖底，保持新鮮。睇個樣就知道呢度刺身幾咁新鮮肥美，點埋刺身專用豉油真係一絕﹗御品壽司拼盤$98:共十件不同款式既壽司，件件都相當高質，甜味豉油令飯味更突出。海膽軍艦$40/2、鰻魚壽司$18/2、三文魚壽司$16/2特別推介海膽軍艦，上層有甘甜肥美海膽，中間夾住青瓜，十分清爽~~鰻魚壽司惹味另外，呢度坐得舒服，而且刺身壽司抵食又新鮮﹗