影片
更多
2021-09-08
452 瀏覽
是日來到bookmark左有一段日子嘅無邊，星期日1點幾左右到埗有啲擔心會唔會要等好耐位，點知去到門口竟然無人😲？入到餐廳得幾枱客，心諗唔通又中伏？！果然抱住中伏心態食係會有驚喜🤣-🥫德國煙燻腸蕃茄汁長通粉 $78除咗面頭大大條嘅煙燻腸，仲有好多腸片夾雜左喺長通粉之間，非常足料，我覺得腸同長通粉嘅比例可能係一半一半🤣-🥫蕃茄汁肉醬煎蛋意大利飯 $78呢個飯睇落好似平時茶餐廳食嘅肉醬煎蛋飯，不過餐廳加左本菇同芝士整，食落係有分別嘅😬而且肉醬都唔會好肥，絕對唔係茶餐廳感覺。唯一缺點係比較多油，食落比較膩，個人偏好煙燻腸長通粉多啲。-➕$38 upgrade set跟餐無野飲，散叫一杯好多都$40起跳，即係叫你跟個set啦～呢個set包左garlic toast + soup of the day + 自選飲品一杯，其實都係合理價錢🤔Garlic toast係脆身果款，食落好似冇乜蒜味不過唔係難食，正常發揮。是日soup of the day店員無講我又無問，睇顏色同飲落似南瓜湯。呢個幾好飲有啲驚喜，唔食南瓜平時一定唔會叫南瓜湯嘅我都乖乖地飲曬🤣飲品簡左iced strawberry cho
-
🥫德國煙燻腸蕃茄汁長通粉 $78
除咗面頭大大條嘅煙燻腸，仲有好多腸片夾雜左喺長通粉之間，非常足料，我覺得腸同長通粉嘅比例可能係一半一半🤣
-
🥫蕃茄汁肉醬煎蛋意大利飯 $78
呢個飯睇落好似平時茶餐廳食嘅肉醬煎蛋飯，不過餐廳加左本菇同芝士整，食落係有分別嘅😬而且肉醬都唔會好肥，絕對唔係茶餐廳感覺。唯一缺點係比較多油，食落比較膩，個人偏好煙燻腸長通粉多啲。
-
➕$38 upgrade set
跟餐無野飲，散叫一杯好多都$40起跳，即係叫你跟個set啦～呢個set包左garlic toast + soup of the day + 自選飲品一杯，其實都係合理價錢🤔
Garlic toast係脆身果款，食落好似冇乜蒜味不過唔係難食，正常發揮。是日soup of the day店員無講我又無問，睇顏色同飲落似南瓜湯。呢個幾好飲有啲驚喜，唔食南瓜平時一定唔會叫南瓜湯嘅我都乖乖地飲曬🤣飲品簡左iced strawberry chocolate milk（+$12），第一啖飲落去完全飲唔到有朱古力味，反而係滿滿嘅士多啤梨味同果肉，大推比鐘意士多啤梨奶嘅朋友仔🍓另外當日唔知點解跟餐仲有杯細細地嘅cranberry juice，幾清新唔錯～
-
題外話當日上完餐湯同飲品餐廳就停咗電，無燈無冷氣，到食完走果刻都未恢復電力供應。店員都有say sorry不過整體用餐體驗一定有扣到分因為夏日中午其實無冷氣之下食野好易身水身汗🥵而無冷氣嘅用餐體驗絕對唔係食客所expect，認真如果去到餐廳嗰下已經停咗電我唔會食會直接走人。所以如果餐廳offer番少少discount etc免加一比客人感覺會好啲，始終落左單食到一半走又走唔到真係有啲無奈。
-
總結：主食大大份，兩個人兩個餐都食唔曬😳味道唔錯，會考慮encore，不過會想試希雲街分店～荃灣分店就未必了。
德國煙燻腸蕃茄汁長通粉
$78
17 瀏覽
0 讚好
0 留言
德國煙燻腸蕃茄汁長通粉
$78
11 瀏覽
0 讚好
0 留言
蕃茄汁肉醬煎蛋意大利飯
$78
7 瀏覽
0 讚好
0 留言
張貼
