Beans the Rambler

營業中

休息中

今次試左蟹肉牛油果他他、BEANS 小食拼盤、德國燒豬手、卡邦尼黑松露煙肉意大利粉、焦糖香蕉熱烘窩夫全日早餐。蟹肉牛油果他他 面嗰層全部都係蟹肉，味道鮮甜，份量足，蟹肉下面嗰層就係牛油果🥑，味道清新，記得要mix 埋一齊食，層次感豐富。BEANS 小食拼盤（香辣雞翼、焦糖雞翼、啤酒洋蔥圈、肉醬薯條）諗唔到食咩小食可以同朋友share，一次過可以試晒四款小食，雞翼係先炸過然後再沾上焦糖/香辣汁，雞翼沾左炸汁，炸得香脆，肉質嫩滑，焦糖汁甜甜地，香辣汁少辣，2種汁同雞翼都好夾。德國燒豬手 配煙肉薯仔、酸椰菜、黑醋燒汁可以揀原隻上，或者由廚房幫你切開一件件，豬手表皮燒得超級脆，肉質吾會太鞋口，黑醋燒汁少少咸，加埋黑醋嘅甜酸味，中和返燒豬手嘅油膩感，黑醋燒汁同豬手好夾。卡邦尼黑松露煙肉意大利粉 意粉汁非creamy，配料mushroom 好多，意粉軟硬度剛好，汁份量好夠。焦糖香蕉熱烘窩夫全日早餐 焦糖香蕉有驚喜，表面好脆，仲有煎煙肉同埋炒滑蛋，炒滑蛋仍然有少許蛋漿，窩夫鬆軟。

好多年前就已經係荃灣幫襯過荳子，當時仲未有咁多分店，不過印象中食物質素唔錯。Beans(荳子)現時有8間分店，2021年進駐青衣喇！餐廳保留一貫清新、簡約、光猛設計，環境舒適。難怪吸引到大家排隊都要幫襯。周末晚上輪候20mins才能入座，人氣滿滿～＊－。－。－。－。－。－。－。－。－。－＊🔸黃金蟹肉意大利粉 $102賣相一流！原隻蟹殼上碟，加2條脆卜卜餅乾，醬汁濃稠程度剛好，夠Creamy，蟹肉唔少，醬汁撈起意粉食唔錯。🔸德國燒豬手 $198 (伴碟配煙肉薯仔、酸椰菜、黑醋燒汁)燒豬手原隻上，份量大到隔離枱都望住！皮層香脆惹味，肉質幼滑，充滿膠原蛋白。沾上黑醋燒汁及酸椰菜一同入口，酸味可減低肥膩感。荳子既甜品選擇多，好吸引。每一份ALL DAY MENU，可加$25叫一客"HOME MADE CAKE"。跟餐甜品絕不馬夫！上碟賣相同正價叫既甜品無分別。🔸馬達加斯加 雲呢拿焦糖燉蛋 配 自家製馬德蓮蛋糕 (跟餐+$25 )焦糖燉蛋好好食！焦糖金黃脆身，燉蛋蛋味濃厚，滑到入口即溶，見到落左唔少雲呢拿籽。馬德蓮蛋糕係抹茶紅豆口味，口感比海綿蛋糕實。🔸Pearl (跟餐+$25 )一粒淺粉紅色