Manecy's Studio Restaurant (已結業)

麻甩的我一向喜愛夜浦，不過現在當然修心養性中。和三五知己飲一兩杯還可以，某夜和好友聊聊近況，去到想當年不醉無歸的銅鑼灣，在這條駱克道的一家樓上小酒吧餐廳【Manecy's Studio Restaurant 】，現場氣氛良好，便坐下吃個晚餐再慢慢喝一杯吧。餐廳位置設置於中威商業大廈的1樓，從電梯一出已經是餐廳的範圍可以說是全層！知道餐廳前身是一間德國餐廳所以裝演上非常充滿德國風情，牆身均用採用深紅色磚頭堆疊成，感覺置身於古堡當中用一餐一樣。但其後稍微換裝後老問加入了一些西班牙風格，即刻帶點偏英倫及歐陸風。本身想坐在近窗邊嘅位置，可惜滿了，未能一路食一路望街景，那就沒辦法了。餐廳除了提供德國的名菜外現在則融入了多國菜式，其中包括多款西班牙小吃，增添了歐陸文化，選擇又多了...飲品則有多款外面較少見的啤酒等等...知道【Manecy's Studio Restaurant 】招牌菜是爆脆鹹豬手🐽！聞名不如一試吧！德國脆爆鹹豬手🐽$248網上有報導說被譽為：銅鑼灣最好吃的鹹豬手...店員都特別推介據聞鹹豬手醃左大約三日，入爐前仲要再浸一浸湯半日，先再拎去焗，此做法是要保持肉質爽嫩。眼看鹹豬手

我個friend係一個豬手狂，無論去到任何一間食店，只要見到有豬手一定會食。今次我哋係慕名而來，一試銅鑼灣第一鹹豬手。入到餐廳，歐陸式裝修，大大的酒水吧，設計像扒房。前菜我們點了西班牙24個月黑毛豬火腿配蜜瓜，風乾的鹹火腿捲著清甜的蜜瓜吃是絕配，份量也不少，足夠二人食。主食點了脆爆鹹豬手和自家制pizza; 鹹豬手外面很脆，一如其名脆爆，內裏肉質唔會又乾又"鞋", 連皮食非常香口，我個friend都讚好正。招牌自家制pizza是薄批的，有6件，每件都放上風乾鹹火腿，裏面唔係太多芝士，唔會好"漏", 一個人食3件都可以。甜品要了特式紫蕃薯朱古力盤栽，整到好似真植物一樣，上面一層係朱古力泥，裏面有紫薯；呢個甜品唔算太甜，兩個人share食幾好。飲品我哋點了玫瑰樂園和凍檸茶；玫瑰樂園係玫瑰花茶，我好鍾意啲顏色，愈飲愈濃愈深色，享受花香味的同時也有視覺享受。

有位好耐冇見既朋友話找我飲酒吹水，但剛剛食完晚飯，唯有推卻佢既好意奈何佢苦苦哀求，一於出來聚吓佢介紹來呢間餐廳話氣氛情調好好，而且嘢食好味，尤其是鹹豬手，去到見餐廳環境同情調都唔錯睇餐牌都好多嘢食，但真係太飽只叫個德國脆爆鹹豬手和啤酒，一路吹水一路止囗痕我叫個支係：史耐德陳釀小麥啤（經過紅酒酒桶釀製）飲落除左好重麥味，還有一種清新既果香味，幾特別德國脆爆鹹豬手，呢個餐應該係即叫即炸，因為見吹左好耐水都未送上枱但送到來就知值得，見到幾大隻幾多肉，而且望落已知個皮好脆，我哋急不及待試吓，入囗個皮真係超脆、肉嫩、彈牙，真係正！味濃最啱送酒，豬手底有d醃製既鹹蘿白絲幾惹味，如果覺得肥膩好滯，可食d配菜，酸青瓜仔和蕎頭解肥膩想減鹹就食蕃茄仔，d蕃茄仔落左少少鹽來增加清甜度，另到入囗更甜，這樣既配搭真係一流在我目測見好多張枱都叫左呢個，今次個fd真係冇介紹錯，下次可以晚餐來再試

今日一整日係港島區遊蕩，晚上睇推介所以選擇了此西班牙餐廳。我和男友和細佬一行三人決定豪吃西班牙菜；來終結星期日～哭..明天係blue monday黑松露薯蓉：哈哈！男友最愛！份量非常多～而且口感很棉，又唔會加太多奶油太膩！德國脆爆鹹豬手：真係如題！真係脆爆！而且啲肉好嫩啊～我終於食肉，男友同細佬就鍾意食外層既脆皮🤩西班牙墨魚汁海鮮飯：食完記得抹嘴！因為會成個嘴都黑色～海鮮好多！而且非常新鮮～配以檸檬汁，唔會腥～我地食曬！男友同細佬兩個男人各嗌一支酒，而我就飲熱茶。好鍾意哩到坐得舒服（卡位係超級大沙發），而且飲得酒仲可以食到異國風情！最重要係計算我唔飲酒都可以有熱嘢選擇～推介週五或者假日同朋友來聚餐😌