帝樂 - 德國餐廳 (美麗華廣場) (已結業)

兩頭食肉獸在尖沙咀閒逛遊蕩完畢，到了德國餐廳大蠔大肉啤一啤。先蠔一蠔的乃是生蠔拼盤。生蠔處理得好，蠔味盡情被鎖住，奶滑豐盈的蠔肉充滿海洋的味道，直接俘虜了兩頭食肉獸的心！再蠔一蠔的是芝士煙肉焗蠔。另一種的煮法，另一版本的格調。芝士及煙肉的份量無需多，只要薄薄的一層已能發揮作用，增添香口感覺；而蠔亦保存到本身的鮮美。餐廳提供很多不同款式的德國腸，我們當然不會放過。腸衣是脆的，肉餡一些有香草、一些原味、一些有芝士的吧，皆是結實緊致；無奈多吃幾條已漲滯不堪，好像條條都差不多似的，連食肉獸也差點招架不住。食物基本上是不俗的，極度的超滿足。

訂位安排混亂，我訂20:30，我20:15去到，佢話要等等，咁我就係門口坐埋一邊等，中途都有問過佢得未，佢又問我留貴姓，跟住又等，到左20:40，我見遲過我地到d人都一黎就直入有位，咁我就再埋去問佢，佢又問我貴姓，電話。呢次堅有點火，我咪同佢講，你問左我三次啦喎！跟住佢先帶我入坐，入到去都有3張吉檯係到，你話咁既情況，無火都呃你啦⋯⋯一坐低，一陣臭味撲面而來，發現係抹檯條毛巾出事，咁佢過黎跟跟，話埋俾佢知咩原因，結果佢抹完，都係臭...算...到左點菜，諗住試下佢個情人節set，但佢話已經賣晒，要單點其他野食，但仍然要收最低消費。問題係，我地係訂檯，訂檯時又同人地講當晚有情人節set，我地既時間應該都屬第二輪檯姐，咁你唔係應該預返足夠既貨供應架咩？真R爆頭...最後散叫左以下幾樣野囉⋯⋯一。德國腸拼盤（同預期差不多，唔錯🙂)二。周打魚海鮮湯（睇得出有比心機製作，周打魚同蝦都有煎封過再煮，鮮味十足）三。簿餅，另加蒜片蝦，火箭菜（全自家製，味道不錯，略嫌餅底不夠脆）四。德國豬手（皮脆，味道不錯）五。四杯啤酒埋單$1,400總括黎講，環境ok，食物合格，但就係遇到以上問題囉⋯⋯希望可加以改善