Awesome Bar & Cafe

營業中

休息中

黃昏和太座閑逛尖沙咀東在尖東廣場看見這吸睛又趣緻的酒吧茶座西餐廳，吸睛的是店內向著廣埸方向的(BE@RBRICK)庫柏力克熊擺設，老遠就睇見，趣緻的是入口樓梯兩旁放滿各式各樣此熊公仔裝飾，同好者必爱👏正值晚餐時候好奇地走一走，内裹佈罝頗潮，被安排在窗邊開揚寬敞馬蹄型卡座，窗外景觀一覽無遺, 十分舒適😃餐牌內款式繁多，可以散點或加配餐湯+雞尾酒(別加收50至60)先來飲品:Mai Tai, Virgin Colada冧酒類傳统雞尾酒Mai Tai，酒香濃烈，入口富冧酒味， 香醇濃沃, 有別一般含果汁的雞尾酒😋無酒精的Mocktail, Virgin Colada(椰林飄香), 椰汁味足而不過火，入口绵滑甘甜😋是日餐湯: 椰香南瓜湯，滑溜但有口感，南瓜味甜，椰子味香😋主菜:西班牙海鮮意大利飯，飯底軟硬度合心意及口感，用料到位😋德國豬手配香檸蜜汁蔬菜，全餐至愛，侍應原隻豬手先上枱觀賞後再交廚師切件，吃得更開心，豬手皮脆肉嫩，配菜中加了燒白甘筍片，甘甜爽脆😋Chill, 有得睇有好食的Awesome Bar & Cafe

尖東多左幾間新餐廳，Awesome Bar & Cafe係其中一間，之前經過樓下見到條樓梯，就已經好想上去試下，終於約到閨蜜陪下我試試啦！首先睇下環境相先，係咪睇到已經好吸引好想去呢？美式炸雞件配自家香橙蜜糖芥末汁一上菜個陣覺得好似dry左d，點知原來咬開後非常juicy，香脆嫩滑，即刻影多相張為炸雞平凡，真係好好味，又脆又嫩！必食呀！西班牙海鮮意大利飯海鮮又多又新鮮，侍應仲介紹話係刺身帶子，比平時既普通帶子更好味，飯面上既芝士都好多，香濃美味，蕃茄醬同海鮮飯亦好夾喔～德國豬手配香檸蜜汁蔬菜呢個豬手係重點推介，唔可以唔叫！個皮脆卜卜，入面既肉非常嫩，比炸雞更嫩滑！蔬菜有用牛油煎香，非常吸引～另外可以加$40蚊就有湯同飲品今日餐湯係薯仔忌廉湯，餐飲可以揀無酒精飲品，我地就揀左"Nothing"，有椰子檸檬同菠蘿，酸酸甜甜，好啱女仔飲呀！題外話，餐廳2月開張，店內環境好新淨，亦好寬敞，侍應態度好好，又有耐心介紹食物，絕對係近期新愛既餐廳之一呀！

尋日經過尖沙咀科學館道，見到有好大嘅 Mickey 同 Bearbrick，原來喺新開嘅西餐廳 Awesome Bar & Cafe，於是就同朋友決定晚餐就食呢間啦～ 樓梯兩邊都展示咗唔同款式嘅 Bearbrick，上到一樓店內嘅座位闊落，仲有沙發座位、高腳椅同卡位，可以一邊食嘢一邊打卡呀！✨藍青口羅勒忌廉意粉 🍝藍青口粒粒都大大粒，鮮味又彈牙，而意粉吸收咗忌廉湯嘅味道，食落又香又滑，配搭埋藍青口超鮮甜呀！✨冬陰功意大利飯球平時食意大利飯就食得多，第一次試意大利飯球，飯球有香濃嘅海鮮味，加埋冬陰功嘅煮法，香濃惹味。✨德國豬手配香檸蜜汁蔬菜餐廳都好細心，事先將豬手切細件少少再上菜，仲擺得好整齊呀～咸豬手嘅外皮超脆，切落仲有卜卜聲！除左皮脆之外，豬手肉質嫩滑仲有鹹香味，完全唔會覺得油膩，仲有烤薯角、蔬菜做配料，好吸引呀～我哋仲加多$40 有埋餐湯加餐飲。✨薯條 1/2薯條 1/2即係甜蕃薯🍠條＋薯條，最鍾意食蕃薯🍠條，好味又健康，仲香脆可口！✨Mocktail - Bartender Choose 🍸調酒師根據客人嘅口味調製，本身鍾意甜甜嘅果味，於是調酒師調製咗呢杯以士多啤梨同荔枝為主要元