吃扒

營業中

休息中

同朋友旺角行完街食晚飯，朋友話想鋸扒，於是帶咗佢嚟之前食過嘅吃扒。餐廳裝修懷舊風，播放經典流行曲，格外有情調。雜扒配薯菜 $196轉餐 +$25 有餐包、湯、飲品、甜品餐湯揀咗羅宋湯，呢度羅宋湯唔似一般餐廳咁稀。羅宋湯材料足，味道濃，酸酸地好開胃。軟熟嘅餐包烘到暖暖地，可配上牛油。雜扒真係好抵食～ 上枱時，不禁「嘩」一聲，份量勁多，成個小山丘。雜扒有牛扒、豬扒、雞扒、煙肉、司華力腸、魚柳仲有煎蛋。每塊扒都好大塊，牛扒多肉汁、豬扒肉質好腍，雞扒嫩滑，煙肉煎得卜卜脆。20cm吉列豬扒配薯菜 $178轉餐 +$20 有湯、飲品吉列豬扒係餐廳必點推介，20cm 大過我隻手。吉列豬扒炸得香脆，一切落去就聽到好脆嘅聲，炸漿好薄，食落酥脆可口，外脆內軟。再配上黑椒汁，食落感覺惹味。甜品 +$28心太軟配雪糕焗得剛剛好，有流心效果。朱古力唔太甜，配上冰凍嘅雲呢拿雪糕，滿足。

之前與朋友經過，立即被它紫色的門面吸引。作為💜紫控💜，在心中暗暗發誓，必會一試😂，而家同大家來匯報一下😊。凱撒沙律$88大碗，超級新鮮。青綠的羅馬生菜非常爽口、煙肉粒香脆同香口的帕馬臣芝士😍 ，讓人回味無窮。但靈魂在它的醬汁，非常好味，讓我在肉食世界找到一點平衡🤣。水牛城雞翼$72 （爆推🌟🌟🌟🌟🌟) 必推‼️是我食過最好食的其中之一😍😍。即叫即炸，非常大隻，足足有六隻。一啖咬落去，醬汁非常濃郁，香辣但帶絲絲甜味，確實香脆可口，十分惹味❤️。熱熔芝士紐西蘭牛柳配薯菜 （10oz） $206（爆推🌟🌟🌟🌟🌟) 驚喜度十足🤩‼️服務員會在你的面前點火，將半融的芝士倒在牛柳上面，猶如一場小型的表演show。看着芝士在你面前傾瀉而下，真係好開心😍。牛柳真的做到五成熟，厚身但有肉汁，配上芝士醬及紅酒汁，每一啖肉都有雙重享受😍，食到舔舔脷😋😋。轉為套餐（包餐包、湯、甜品、飲品）$25羅宋湯非常足料，濃稠適中，配上圓形小餐包，經典的西餐組合。心太軟配雪糕（+$28） （爆推🌟🌟🌟🌟🌟) 必推‼️下單後即叫即焗，上枱已經有着濃濃的朱古力香氣。在冰凍的雪糕及熱辣辣的心太軟上，灑上彩虹脆糖，兒時回憶瞬間湧現😊。輕