Mini Friday (The Wave)

營業中

休息中

外母生日飯，初頭book咗另外一間餐廳，因為間餐廳原來得戶外，沒有冷氣，依幾日每日都36度左右，冇冷氣真係頂唔順，所以book咗依間try on ，起初打電話去嗰陣時都擔心因為驚去酒吧會有DJ，小朋友費事佢哋唔太喜歡，跟住原來疫情期間取消所有表演，，一上到去不用等，直接坐低，整個過程都係非常之順利，但價錢偏貴份量唔多，我哋total6個大人，都唔係食得好飽，好多價錢都偏高，不過觀塘區西餐廳有質素，又坐得舒服，都係差唔多價錢！正常餐廳食物水平，最驚喜就係個豬手有一個淋火表演，小朋友睇得好開心🥳！

同事收工前突然話不如今晚去食飯，諗起這家好想再去食。6個人可以食多啲唔同嘅嘢。要飲啤酒又可以滿足了同事，女就可以叫一渣moctail ，叫幾個小食，叫4個main course，已經餵飽。 一份威靈頓牛可以等於兩個main course。 叫埋甜品滿足曬所有人

今日同個fd慶祝特別嘅相識週年紀念，揀咗呢間餐廳食~ 一入去原來同雞煲一齊， 右邊雞煲，左邊西餐。 雞煲嗰邊竟然有live band 好好笑~ 佢今晚d歌都好啱我地聽，仲有唱榮光，真係好黃.我地兩個女仔都唔係好肚餓， 所以唔叫set dinner, 我地叫小食， 沙律同叫甜品就啱啱好. 我叫咗個溫泉蛋菠菜大啡菇，d味好夾， 好好味。個維尼雞翼真係要大贊 真係好好味， 其實係柚子蜜糖雞翼， 真係好好味， 濃濃嘅柚子， 正！！！ 我地仲叫咗個田園沙律， 但係有d後悔， 因為大啡菇同雞翼都有沙律on a side, 都係田園沙律咁嘅樣， 早知揀過第二款沙律啦。。。。 不過我地都係食晒之後叫甜品， 叫咗個心太軟同菠蘿sorbet, 個菠蘿真係好開心， 原個菠蘿仔上， 好靚又好好味！ 甜品作結就大滿足！！呢餐book枱仲有88折， 抵呀

同朋友2個人食左4樣野每樣都好好食呢Salty egg yolk 薯角，好多蛋黃呀，新鮮整，熱辣辣食勁正，份量好大，同朋友兩個食哂好辛苦西班牙海鮮飯，似炒飯底多，有意蝦（食得出唔新鮮），魚，蝦，尤魚仔，蜆，一食就知雪藏海鮮，不過咪道幾好，應該係香草味，魚就太salty，極體都幾好食嘅，但下次我會選擇意粉兩個人食完以上，係勁飽，但堅持要食甜品所以選擇pineapple sorbet ，因為食落無咁heavy，另外無咩選擇，所以食心太軟。心太軟中間係雪糕，濃度幾岩岩好，唔會好漏最正係sorbet，食得出用新鮮pineapple整，仲原個菠蘿上，好得意，sorbet係有果肉的，完全唔夠喉，大份啲就好啦。餐廳好快滿座，9點都仲好多人，唔限時，推介！