Three on Canton

之前同屋企人慶祝生日，就去左食呢間自助餐。之前已經食過幾次，都係覺得呢間最好食。今晚嘅主題係和牛，所以多左好多和牛菜，包括和牛壽司，燒和牛等等。而食物總類真係有好多，首先我個人最推薦嘅就係鵝肝，即燒即食，真係好好食，忍唔住攞左幾舊，雖然唔係好健康。而佢個即燒嘅和牛我個人認為係最好食，雖然要排好耐隊，但係我都攞左兩次。牛味好重，而且無渣，真係入口即溶。另外個羊架亦值得推薦，十分大隻。而甜品方面，我個人認為最好食嘅就係心太軟，配埋雪糕食就更一流，而且心太軟係新鮮出爐，真係熱辣辣嘅朱古力會係個心到流出黎。食呢間自助餐真係會好飽，飽到最後連生蠔都無食到。

第一次寫食評，點列式啦~簡潔D環境：食物區燈火通明，座位則暗暗的頗有情調。衛生：食客頗自律，經理又勤力執拾，食物夾、容器等都好乾淨。水杯：水杯就系一般茶餐廳的凍飲杯，已經花曬了，舊舊的，比起cafe kool、the market品位差太遠了。餐飲：等左四十五分鐘才來餐飲！！！凍檸茶水準不錯，完全沒有澀味；鐵觀音就系下欄野，一點香味都沒有，同跟大陸團團餐的茶水一樣，苦澀得很。最推薦的食物 生蠔：即開生蠔！頗鮮甜！排一次隊可以拎3只，開蠔的哥哥仔勁辛苦，不斷開，但還是細心地用過濾水沖洗一下，以免有蠔殼。但有香港食客，一個家庭，經常阿媽排隊，中途插入個女；阿女排隊，中途插入個阿媽，十分沒教養。如果個阿媽都系openrice食家，又或睇到呢篇食評的，麻煩反省下！鵝肝多士：即煎的鵝肝配上酸酸甜甜的桃醬，非常美味！可惜塊法包太硬了。心太軟：外層鬆軟，裡面的軟心系黑朱古力，真系會流出來尬！整個味道剛剛好，不會太甜。迷你馬卡龍：細細粒，大概拇指指甲甘大，有好多種口味，放在甜品最上一層，開始仲以為系裝飾品haha~試左熱情果、咖啡味，不太甜，果味、咖啡味濃，細細粒真系試曬八種都不過分芝士與法包：食bu

又喺一年一度嘅公司周年飯，雖然，今年嘅限額又再多啲，但啲自助餐價錢又再升啲，幸好老細俾嘅預算都算鬆，大部份五星酒店嘅自助晚餐都足夠應付。自從周年飯老細俾我哋放手搞「自己食自己」，無老細同枱，自然食得夠自由，夠輕鬆，經大家嘅篩選，定好晌Three on Canton大擦一餐（星期五晚，$628一位，另有78折）。環境方面就唔多着墨，總之地方幾大，裝修雅致，除自由組合嘅長枱外，又有啲中型6人圓枱，方便一家人圍埋坐，易啲傾偈。我哋被安排坐近窗口，落地大玻璃，廣東道街景一覽無遺。等同事拎完第一轉嘢食，就喺小弟出場做巡場嘅時間。初時入門口以為得一截長形食物區，原來，掘個彎仲有另一大截食物區，所以，整體食物嘅選擇十分之多。沙律、冷盤雖然最貴價嘅食物肯定喺近門口嘅凍海鮮，不過，見佢不時補充，現場食客斯文，無需要急住食。相反，要延長個戰鬥力，第一轉嘅沙律喺必不可少。6款沙律菜、10多款配料、4款醬汁整齊分區排列好；最有趣喺加插啲蘿蔔仔，又有好健康嘅黑豆、黎麥……等等健康食材。沙律拼少少冷盤切腸喺小弟嘅慣性頭盤，今次嘅亮點喺兩款蘿蔔仔，就咁食爽脆到不得了；而其他材料亦非常新鮮有質素，好似露筍、紅菜頭、巴

今晚難得五位中花可以聚首一堂，當然要食餐好啦！我們選擇左去尖沙咀港威酒店嘅Three擦餐勁嘅！最喜歡就是沒有限制用餐時間，讓我們這班中花可以暢談無阻。因為一星期前已經book左枱，所以不用等已經有位了！一進內已是分得清楚嘅Bar位，首先是海鮮Bar,跟著是沙律Bar，炒麵Bar，甜品Bar, 轉入右手邊是熟食：有中式，印度菜，西式，美式。我本人最愛食海鮮，當然第一時間沖去食即開生蠔，很新鮮但偏細隻。龍蝦和青口很鮮甜，再配埋個泰式汁，prefect match！有長腳蟹，不過偏咸！沙律款式少又普通！甜品選擇多，又精緻，尤其是心太軟，苦甜度剛好，再配上vanilla ice cream 簡直prefect match吖！到熟食區，當然要食鵝肝多士，燒牛肉，燒羊架，燉湯，北京填鴨，四川擔擔麵，喇沙湯麵。因為本人胃部容量有限，未能一一掃哂，唯有寄望下次啦！歡樂嘅時光過得特別快，我們經過3個多小時嘅掃食，除左食飽，仲有笑飽！

上次來都話佢差，但因為朋友搞生日慶祝，想找個中間點，所以選址這個除左我來過的餐廳。今回一行五大一小，小的沒收費，一票作廢，五個有資格的投票，都一致投票，評選入最差餐廳之列。點差，蠔衰過好多開晒預先放係度俾客人取的蠔，我們每人吃了一隻都沒再拿了，魚生無鮮味，Ham 類只可說一個字弱，行了兩轉都無興趣再取食物，片皮鴨又細件皮又不脆肉又實，最討厭海鮮補充超慢，仲要補龍蝦補得寒酸，每次幾隻半邊，一個客都拎晒就無，朋友們行了十幾次，最終成桌五人都只拎到兩邊龍蝦，但又細又沒鮮味！心太軟算最好味食物，但那個負責雪糕的廚師真的好沒品，我們取雪榚時都是每人要一個球啫，又不是麻煩他什麼，但他就每個雪榚球都用盡力的大力拍在碟上，而且憤怒的眼神真的讓我們不好受。話個飯局，除左有個自成一角的窗口位算是安慰獎下，只給個爛字，這個價位的餐，我們除左爛字，沒有更好的形容詞了。

是日為了慶祝自己的生日, 早在一個月前便開始做資料搜集。最後選擇了這間有即開新鮮蠔的自助晚餐。自助晚餐的開始時間是18:30, 我們在開始前10分鐘便到達。環境很寬敞, 座位的數目不是很多, 有利我們選擇食物。時間一到, 取蠔的人龍已有大約10人, 開蠔的師父都很快速, 每人一次可取3隻, 有(Coffin bay, Namibia, 仲有一款忘記了), 不過最好味的都是Namibia, 味道不太鹹, 蠔的尺碼適中。另外的兩款太鹹了, 而且尺寸比較細。由於實在太新鮮的關係, 當晚一共吃了22隻。另外, 刺身方面, 味道由三文魚就最突出, 幾乎我每一次見到都是很肥美的。而且師父用厚切的刀法, 食落很有口感。我在食沙律時和三文魚一同進食, 再加上芝士粒, 實在是絕配。每位客人都會贈送一客, 荔枝汁刺身(有帆立具, 三文魚腩和甜蝦). 實在太好味了, 不過每人只送一客, 不能再ENCORE。我還吃下和牛和燒牛柳, 不過味道是不能接受, 太鹹和太韌。印度咖喱牛腩好味。片皮鴨和羊扒味道一般, 鴨皮已不脆, 羊扒太乾。我覺得最可惜的是鵝肝竟然不是即叫即煎的, 到我夾後再回到位時, 已經凍了, 口感