靠得住粥麵小館 (形點 II)

營業中

休息中

嚟到元朗YOHO靠得住粥麵小館，當然要試下佢嘅粥和麵啦，佢嘅豬潤帶子粥，豬潤煮得剛剛好，帶子亦都淋和鮮味，粥底亦都唔錯；而雲吞麵方面，啲麵除鹼除得唔錯，雲吞雖然細細粒，但係好有傳統廣東雲吞嘅風味，再加上大地魚湯，好有懷舊雲吞麵嘅感覺，食落昔日情懷全部湧現！而送粥又點可以冇油炸鬼呢，佢哋嘅油炸鬼新鮮滾熱辣，剛剛炸完出嚟都仲有煙㗎！用嚟送粥一流，鬆脆嘅油炸鬼索滿濃濃嘅海鮮粥！滋味十足，食落回味無窮！小食方面嗰個蠔仔花生小食，大大碟超多蠔仔，用嚟送粥簡直冇得彈，再加上一個海鮮粉絲煲，海鮮嘅鮮甜味被粉絲索曬，令到粉絲十分和味，啲湯亦都超好飲，飲完完全冇味精嘅感覺，真係唔錯!

嗰日行Yoho II 3樓無意中發現開咗間新嘅中菜館。佢開係Starbucks 隔離行到最入，門口係同其他兩間餐廳連住。唔好睇佢門口細細，其實入面都幾大。而且佢碗碟餸都好好味🥰麻辣小黃瓜 $22 🥒首先帶咗個開胃前菜。小黃瓜爽脆，上面啲麻辣醬都畀得好多，鍾意食麻辣朋友一定好鍾意加咗少少醬都食到佢嘅辣味。🌶心肝寶貝粥 $78 🐖🐚粥真係有驚喜！原本諗住佢會同出邊啲粥差唔多但係一食落去好鮮甜好綿！🤩每一啖都有滿滿嘅帶子海鮮甜味，而且每一粒米都開哂花，好綿，唔會水汪汪。豬膶亦都係我食過最好味嘅！🐷豬潤切成厚切，煮到啱啱好，咬開中間冇血水，食落爽口唔鞋，冇筋。仲要係無血水，帶子亦都好鮮甜，大大粒，好足料！🤤🤤真正東江鹽焗雞 $148🐓果然係米芝蓮推介！👍🏻雞肉好滑好嫩，熟度啱啱好。雖然係鹽焗但係唔會過咸，仲食到鹽嘅鹹香味。呢雞仲要起咗骨，啖啖肉，唔使自己選，食得好開心🤭重慶酸菜魚 $148 🐟酸菜魚一嚟到真係哇一聲！🗣個碟好靚之餘，入面仲有原條䱽魚😳。出面有啲餐廳好吝嗇俾啲雪魚塊仲要得好少，呢度就唔同，睇得出佢係用心煮❤️䱽魚本身肉質比較實，食落又帶一點嫩滑，加上經過油泡食到有炸魚嘅惹味冇醒味。