euro go go

營業中

休息中

細個嘅時候食euro go go覺得好開心，算係貴價食物，依家百物騰貴，人又大咗，覺得佢嘅價錢都還可以接受，出品都不錯，時不時都會食😌今次叫咗全個百寶薄餅 ($108)🍕上面有青椒、菠蘿、蘑菇、辣肉腸同雞肉～醬就係茄醬～食落口都覺得好豐富，不過佢就唔係薄批好脆口果款，但都唔錯嘅😄意粉就叫咗芝士吞拿魚闊條麵 ($72)😌啲芝士同吞拿魚都唔少，好夠汁😆不過啲闊條麵就略淋少少🤣煙韌啲就更好喇～小食方面就叫咗個法式薯蓉焗田螺 ($52)🥔個薯蓉有部分唔夠幼滑，仲有一舊舊薯仔🥲上面芝士都幾多同幾香，而田螺感覺有啲淋，冇咩爽彈口感～重頭戲就係杯凍忌廉朱古力 ($38)🍫🥤次次嚟都一定要飲呢個🤣好好好濃朱古力味，唔會太甜，仲有好大pat cream🤤勁creamy☺️整體嚟講，食物質素尚可，服務都ok，都食得過😆

星期六晚上都多人等位。今晚三號風球但冇落雨， 膽粗粗出去坐露天位，唔洗等就有位。 環境乾淨企理，不過可能係戶外有d暗。叫了半個千島海鮮pizza，卡邦尼意粉， 芝士焗薯蓉及忌廉朱古力。千島海鮮pizza味道濃郁，pizza底都脆，幾好味。 卡邦尼意粉同芝士薯蓉味道適中，好啱小朋友口味，兩個女食得津津有味。仲有小朋友至愛的忌廉朱古力，上面的忌廉溶左落朱古力，味道唔會太甜，兩個爭住飲。今餐都算抵食，百幾蚊。唯一唔好係無bb櫈。

多分店，加左價錢，水準依然唔錯! 下午一點半到，好多人，好彩等左5分鐘有位! 檯比較細，叫多少少食物都無位擺，位唔寬敞，食完就會好快走，因為真係好多人等!雖然咁多唔好，但食物飲料好味道，自然再吸引客人幫襯!等左10分鐘首先黎到係忌廉朱古力(每次都會叫)，忌廉上加左朱古力醬更加靚，鍾意甜既我唔怕咁甜，怕甜就唔好叫依杯! 煙肉蘑菇薯蓉好香，面層既煙肉蘑菇再焗多一陣有少少燒焦會更好，不過薯蓉都好飽滯，所以比較少點! 接住係我最愛的蜜糖雞翼(每次一定會叫)，今次係比較好味，因為上幾次係不同分店食過都唔太好味道，今次做番幾年前的水準，雞翼被香甜的蜜糖甜甜的包圍著，面層更有少少燒焦，所以更好味，食落無燒焦味，內面完全無雪藏的味道，食幾啖再點下盒內的蜜糖，而且大隻左! 相反百寶pizza有d失望，食落無咩味，得少量蕃茄味道，加d芝士粉先好味少少，幸好只係點左半份! 最後係吞拿魚意粉，一個好普通既吞拿魚意粉，出面西餐廳有d分分鐘仲好味d，意粉有d過軟! 2個人叫左4樣食物1杯飲品都只係$167!

約了妹在沙田lunch,，突然很想吃蜜糖雞翼，我們就到了連城的Euro go go，午市時間都逼滿了吃lunch的人。找了個位置坐下後，就點了蜜糖雞翼、鮮茄香腸煙肉磨菇意粉、煙肉焗西蘭花，還有一杯忌廉朱古力。蜜糖雞翼 - 到euro gogo 基本上是必吃！大隻雞翼焗得香口，雞翼的表面都沾上甜甜的蜜糖，即叫即焗，熱辣辣上檯！蕃茄香腸煙肉磨菇意粉 - 很重的鮮茄香！意粉煮得不太硬且不太稔，剛好！香腸略嫌少了一點，索價三十六大元也未免太貴。煙肉焗西蘭花 - 不知道為什麼今天的西蘭花好像頗多渣…忌廉朱古力 - 好多忌廉在凍朱古力上！把一匙cream放進口中，就是喜歡這rich的感覺。凍朱古力的甜度也適中。笑笑說說就吃了一頓午餐，整體來說也deserve一個笑臉，比以往加了價但質素卻有點兒下降，仍需努力。也希望餐廳能改用可清洗的餐具，支持環保。