吉列牛忌廉烏冬專門店 (彌敦道)

營業中

休息中

見到好多人推介呢間餐廳就約朋友去試下 不過揀咗下午茶時間嚟到 坐低睇餐牌係冇下午茶餐單 掃咗QR code先知原來有多啲款式 但係呢度嘅下午茶性價比都比較低 以為寫住下午茶有嘢飲 雖然比原價大約$10 份量少咗又冇野飲 服務態度唔算特別好 有收加一

日式吉列牛興左一排，今次終於比我食到啦話明係專門店，呢間既吉列牛一定唔輸得👑吉列牛本身外層已經炸好左，再放上石燒爐仔上面加熱返d肉，自己控制幾成熟🥩無論燒幾耐，牛肉都好多肉汁，而且一炸一燒後成塊肉都好香～食落口簡直齒頰留香！成份吉列牛定食都好豐富，有飯有湯有配菜，一定夠飽🤣.忌廉烏冬夠哂gimmick，賣相亦好得意喺厚厚既忌廉入面夾返d烏冬出黎，令每條烏冬都一定掛滿忌廉🍜忌廉望上去好creamy，但食落口又唔會heavy，口感唔係白汁咁濃稠，似厚身既牛奶多d🥛忌廉唔算好甜，夾埋烏冬又無咩違和感.牛油蜂蜜單骨雞翼🍖味道不錯，抵讚既係d蜂蜜做到拉絲效果，牛油味唔算好出，整體味道偏甜🍯炸左既雞翼淋上蜜糖食落口無咁熱氣，但保持香脆

吉列牛 同 忌廉烏冬都好好食😛😛吉列牛好酥脆 有得自己好似煎黎食咁幾好玩 忌廉烏冬都好好食 但係d忌廉溶得都幾快仲叫左紫薯飲品 都幾濃紫薯味 如果有朋友生日 可以預先擺個蛋糕上去不過好似要切餅費

因為成日喺社交網站見到呢間鋪頭嘅廣告同埋報道於是尋日就同朋友特登去嗰邊朝下聖 我哋分別叫咗兩個吉列牛餐同埋一個忌廉烏冬share食 吉列牛餐每份($148)入邊有吉列牛飯湯豆腐等等小食 牛嘅份量都可以接受 另外有一個石板下面有火熱著 比客人自己放上去燒 由於牛本身比較生 客人可以跟着自己嘅喜好燒到唔同嘅硬度 但係唔建議熱太耐 每邊大概燒1分鐘左右已經好足夠 最好就係啱啱變色但係仲見到粉紅色之前聽朋友講忌廉烏冬一般但係個人覺得佢個忌廉烏冬都唔錯佢上面係忌廉面入面係咖喱味 烏冬整得都算有嚼口 烏冬分別有牛同埋雞亦都有辣同埋唔辣選擇 價錢就係$78 但係呢個價錢配料唔算多 所以價錢唔算抵 大概七點半到入邊就開始滿座所以建議大家如果想去要早少少去就唔使等位啦

終於到星期三，緊係出去食個lunch 慶祝下！之前黎過冇寫食評，今日再戰睇下有冇進步。。 上次食左吉列牛，算係一般，今次試吉列豬扒飯啦。望住個餐廳風景配上溫暖而陽光明媚嘅天氣食lunch，實在冇得頂！食物方面，同上次一樣，比較普通，價錢偏貴。豬扒炸得唔錯，夠脆但比較細。另外，可能我係茶漬湯底，湯真係比較清淡。同事叫左招牌忌廉烏冬，賣相當然好，最啱打卡額like。但係味度都係普通，肉同其他材料偏小。適合喜歡食烏冬的你。如果係旺角，又唔想逼，可以一試。

之前一直想試弘大的吉列牛，但每次到首爾都沒有機會，現在香港也有，在香港找吃的實在太方便！與朋友點了一客吉列牛、一客忌廉烏冬和一客蟹子帶子釜飯。吉列牛外表炸得香脆，再放在石鍋上燒，雖然有點油膩，但味道還可以，可能之前期待過高，這個吉列牛只屬一般，不過不失。反而忌廉烏冬帶來驚喜，混合忌廉後十分香滑，令咖哩多了點 creamy 的口感，比起吉列牛，我覺得忌廉烏冬更值得一吃。至於釜飯並未有日本料理的釜飯出色，飯底不覺得有特別處理，帶子是已經煮熟的，沒有很鮮甜。餐廳的服務水準一般，座位亦闊落，卡位間格高，與朋友可以自在傾談。食物方面就忌廉烏冬值得推薦，其他則普普通通。

日本旅行時食過當地吉列牛肉，現在竟然在我公司附近開了間餐廳，這晚就必去踩場發掘下先。吉列牛放上石面煎一煎，牛味香濃，入口淋滑溶化感覺極滿足！軟糯日式年糕是最邪惡的日本小食，但同也是我最喜愛食物朋友叫你喜長鰻魚飯，又真係幾長嘩！呢個忌廉手打烏冬超級好食，香滑軟糯，不過應該都幾肥下韓式炸雞，這個終極滋味，醬汁小辣外脆內軟！服務員都是年青一派，服務有很多改善地方！抽風設備欠佳！