金田日式放題 (已結業)

近排惠顧日本放題的次數幾近上年全年的總和，是晚又約了一位喜愛日菜的友人在尖沙咀飽吃放題。今回到訪的餐廳金田日式放題，店內擺位寬敞，近兩邊牆位置各有一排四人檯，中間以木板間場分隔，私隱度更佳。放題供應分兩時段，價錢有少許差異，大概人均消費都是二百餘元左右。食物方面，相較其他放題店不算特別多，但也算足夠合理。先吃刺身，前後點選了兩次，兩次的賣相鋪排差異比較大，建議統一化為佳。刺身試了油甘魚、三文魚、吞拿魚、象拔蚌、海螺、素鮑片、北寄貝、馬刀貝及甜蝦。油甘魚及三文魚食味合預期，鮮度對辦。吞拿魚色澤味道皆淡不太吸引。象拔蚌爽脆帶甜，幾好食。海螺及北寄貝很淡口。馬刀貝和象拔蚌食感差不多，只是鮮甜度不及後者。素鮑片鮑香足。甜蝦甜度稍弱。壽司卷物只淺嚐了軟殼蟹牛油果反卷及火焰三文魚壽司兩款，水準普普通通。至於手卷，則吃了海膽手卷及香蔥吞拿魚腩手卷兩款。海膽色澤一般，香氣足，甜美度普通。香蔥吞拿魚腩都是比較味淡。手卷用上的紫菜半脆半腍，OK喇！串燒燒物時間，雞軟骨串恰如其分夠脆口。豬頸肉串肉厚，略油膩。牛肋肉串肉香甜美不俗。翠玉瓜串爽口，簡單靠面上的甜醬油調味。冬菇串無乜特別。蒜香一口腸面脆香口。燒多

今天是10月31日萬聖節，但我們不是慶祝萬聖節，而是慶祝家姐生日，因為大家都很喜歡吃曰本菜，於是選擇了吃金田日式放题。之前上open rice 比較過幾間食店，這間評分都很不錯，於是訂了6:00~8:00pm 2小時。當日中午職員會打電再確認一次。由於當日下午要到尖沙咀工作，所以未到6:00已到達食店門口。於是於門外等候了一片刻，看見門外張貼了放題的價錢牌，原來也可以選擇吃2小時或3小時，3小時當然會貴些啦! 另外更張貼了食物的種類，如刺身, 壽司, 串燒, 鐵板燒, 軍艦/卷物, 燒物,手卷/沙律, 炸物,沙律/冷盤,一品料理, 天婦羅, 鍋物/麵食等等； 進入食店之前可以先看一下想吃的食物!到了6:00， 服務員陸續安排我們入座，我們被安排到中間的二人枱。枱與枱之間都有段距離，感覺很闊落，比較之前吃過食店的闊落得多! 裝修很有日本感覺，主要以木色為主， 每2個/4個/6個人用木板間開， 感覺很有私穩，我們的座位隔離是4 人枱； 而且燈光柔和， 很有氣氛， 會使人想逗留長一點時間! 餐具以白色及簡潔為主!點食物的紙分門別類的放在枱上的膠架上， 每款都有人氣精選讓客人知道那款較多人選擇

是日, 同男友約定黎到尖沙咀食放題~~ 諗番起, 我地初相識時, 真係個個星期去食放題做晚餐~ 數數手指, 係多到數唔晒咁多間~ XD見識過有D得刺身好, 熟食又未必好食~ (我地都好有要求架)第一次黎, 日式設計裝潢, 配以悠和燈光, 令整個環境氣氛唔錯呀 多人可以坐呢D長枱~4人就可以坐呢D啦~ 我好鍾意呢到加左個屏風, 傾計可以開懷D~BOOK左7:30, 準時開動食番餐蒜香一口腸, 咬一口, 熱騰騰外層薄脆, 入面重油香~ 加埋小小蒜味~ 好食火焰壽司, 放題必點, 輕輕燒過既三文魚, 入口特別香, 油份有少少融化感覺, 正到呢 !而比目魚我同樣蠻喜歉, 肉質彈牙.我係芥辣粉絲, 識我既朋友都知我超愛WASABI XDXD芥辣8爪魚軍艦, 梗係唔可以錯過啦~軍艦即叫即包, 襯住紫菜脆卜卜即刻食啦所有軍艦材料新鮮之外, 仲每一個都把材料放到滿滿, LIKE~*又到大家既重點項目, 刺身篇哇! 刺身有成14款 (油甘魚/ 鱆紅魚/ 三文魚/ 鯛魚/ 希靈魚/ 吞拿魚/ 8爪魚/ 魷魚/ 象拔蚌/ 海螺/ 素鮑片/ 北寄貝/ 馬刀貝/ 甜蝦)種類多, 夠新鮮! 同埋刺身溫度GOOD,

小弟一向都喜歡自助餐、放題，因為想食乜就食乜，輕鬆自在，唔使諗有咩唔啱邊個食，不過，近年都食少咗，因為戰鬥力無後生時咁強，回唔到本感覺總喺無咁抵。但喺，有時就唔喺因為要回本先嚟食放題，就好似今次，一班好姊妹趁快樂星期五搞個放題局，又點可以少我份唔參與。由老友安排好晒一切，嚟到金田日式放題，就要好好盡慶今宵，填滿個肚先好走。餐廳佔地全層，感覺地方幾大，簡潔平實，以4、6人枱居多，最鍾意喺大部份枱櫈都有木板間開，細細哋自成一角，客與客之間嘅騷擾性大減。內裡有數間獨立房，可安坐6-8人，亦可以互相打通，成為更大廂房，不過，只用一般木板相隔，隔音麻麻。先講講收費，晚市放題既分日子，亦分時段，大可按個人需要揀邊個最划算：星期一至四：$198 / 2小時（6:00-8:30 / 8:30-11:00），$228 / 3小時（6:00-11:00）星期五、六、日或公眾假期及前夕：$218 / 2小時，$248 / 3小時我哋希望食得輕鬆，又唔想太急趕，揀「3小時」就最好喇，一來時間長咗，二來唔使指定時段入座同還枱，更能配合大家嘅收工時間，況且，都只不過俾多$30，兼且俾個獨立房我哋，絕對抵俾啦！此外

中學時代零用錢不多, 能與同學們吃日式放題是一件很難得的事, 還記得當一到達放題食店便會馬上拿取各張食物紙, “不理三七二十一”就盡剔各款食物, 食物上枱後便只顧不停食, 食完再點, 務求要回本, 根本不懂細味各款食物和珍惜與同學們相聚的時間。由於當時放題與卡拉OK是盛行的飲食活動, 故食店多數全場爆滿, 還經常漏單, 其實大家都不知點選了什麼, 只知想食而沒有來便不停追單或再次下單, 但當吃飽時又再有食物送到的話, 便會質疑是否自己的, 因為已吃不下去, 要罰錢就不化算。不知今晚回到中學時代的放題夜, 我會否同樣不停下單、追單? 會否吃到嘔都要繼續下單, 務求回本呢? 會否只顧面前各款美食而遺忘與朋友相聚時間呢?食店是樓上舖, 一出電梯便看到牆上貼滿各飲食雜誌的報導, 亦有一張大型海報清楚列明不同時段的收費, 食客必須細閱, 否則很容易弄錯。食店地方不算大, 有數張四人卡位及兩人座位, 亦間了兩間六至八人的獨立房間, 枱與枱之間空間不多, 大家都要坐得親密一點。內裏主要以深啡色的木枱木櫈為主, 設計並沒有特別的和風色彩, 與一般的日式食店分別不大。我們坐下便看到一個插滿色彩繽紛的點選

又好耐冇食食評，今次就同朋友兩個人走左去尖沙咀食放題。第一次去呢間叫金田日式放題，入到去等左兩分鐘就已經有位，真係好好彩。一坐低就好快手咁睇下有咩野好食，呢間食物選擇都唔算少，可以比我盡情食返夠本。我諗我用左五分鐘既時間就已經畫左想食既野，之後就係等食。最先上枱既食物就係呢個忌廉粟米焗蠔，個賣相唔錯，食落既口感唔錯，值得一叫。之後就到呢兩款，我覺得係值得推介比各位一試，芝士年糕同埋一口芝士魚餅。兩款都係一食落口就有啖啖的芝士味，好食之餘又唔會覺得太過膩，而且口感非常好。之後就輪到刺身上場，賣相好，刺身好新鮮，食落口唔會有雪藏味，每一種刺身都好食，食多D都唔會覺得膩。要推介既話就會推介三文魚、希靈魚、油甘魚同象拔蚌。另外，我地仲叫左呢幾款，蒜片牛柳粒、牛油帆立貝同埋香草燒羊架。呢幾款都係唔錯既。呢度既牛油帆立貝比較唔同既就係佢會用鐵板上菜，咁就會keep到食物熱D。而羊架咬落口幾淋，幾容易食，同埋唔會有一大陣羊蘇味，岩哂D想試羊又怕太蘇既朋友仔。我地之後仲叫左好多野食，太多就不能盡錄。最後都再叫左一輪刺身，一樣新鮮一樣好食。呢度既刺身真係唔錯。整體唔錯，食物好食之餘，職員既服務態度又好，