WM Café & Bar (科學園) (已搬遷) 新店位置

好耐冇黎科學園。趁天氣好就帶埋細路入去踩單車。午飯時間就黎左呢間cafe食個light lunch。上次黎可能成年之前，餐牌好似唔同左。周日都有午餐，包一杯簡單熱飲，仲免加一。先到收銀俾錢，然後坐低等野食送上。忌廉菠菜煙三文魚菠菜闊條麵 $68賣相冇期望都冇失望。煙三文魚唔係原塊，撈左入d闊條麵度，d麵夠高温所以d三文魚基本上係熟既。闊條麵質感又ok喎，有d嚼勁唔會過淋，係我鍾意既質感，份量好多，食極都有。菠菜都有唔少，同忌廉汁一齊食幾嫩滑，另外仲有d爽甜洋蔥絲，加d口感。仲有支裝芝士粉俾你自己加。WM安格斯牛肉燒汁雜菇芝士漢堡配薯條 $82呢個漢堡真係唔錯，首先上下兩塊包都有超多黑白芝麻粒，超香，同埋焗得超鬆脆，好食。最底個層包揸左牛油，上面有一塊大生菜同蕃茄片，然後就係漢堡扒同上面既燒汁，再加上一塊芝士同雜菇就完成。呢個漢堡都幾juicy，燒汁味道較出，配合香脆麵包好味道，用刀切開四份都方便食用。薯條係波浪厚切，新鮮熱辣炸起都幾好食。茄汁同芥末醬喺自助調味吧攞。叫左兩杯熱檸水，每杯兩至三塊檸檬。總括而言，今次d食物好食左，特別係安格斯牛肉燒汁雜菇芝士漢堡。下次希望試下其他漢堡。笑臉

呢日去咗科學園行下，一去到當然醫咗肚先～入到主樓第一間就係WM Cafe😹餐廳望落四四正正，又有大電視睇，所以望咗眼餐牌就入去坐低～午餐價錢唔貴，五十幾到七十幾蚊不等👍🏻而且仲有十幾款選擇，包保實有樣啱你食～我地揀咗🍝忌廉菠菜煙三文魚菠菜闊條麵👇🏻望落好似幾健康咁😹跟餐會送一小杯番茄湯(用熱飲杯裝嘅，份量只有杯嘅一半)，另外亦送20蚊樓下嘅野飲(我叫咗熱檸茶就唔洗加錢)煙三文魚有兩塊，正常餐廳嘅份量～不過意粉醬汁唔多，所以有啲啲乾，好似白灼咁😹好在菠菜都多，食落無咁dry～如果多啲汁應該好味好多～👇🏻黑松露雜菇薄餅🍕呢個就幾有驚喜～因為啲黑松露比我想像中嘅多，而且好香濃！每塊薄餅都有～啲菇雖然焗過，但一啲都唔乾，配埋濃濃嘅芝士無得彈，又有咬口～餅底亦都幾得意，唔太厚都幾脆，就好似餅乾嘅口感但冧啲啲😹