忠孝東路

營業中

休息中

今日去開isquare做野,唔想四圍行搵野食就打算喺isquare搵食,扶手電梯一上3樓就睇中咗忠孝東路,咁就入去食啦☺️我地叫咗午市套餐忠孝魯肉飯魯肉飯滿佈魯肉,伴有溏心蛋,炸蒜&酸菜忠孝牛肉湯麵送到嚟擺咗陣都仲係熱辣辣👍🏻湯底夠濃帶少少辣,牛肉唔會好un套餐跟湯同小食,小食我地揀咗香辣小黃瓜🥒個汁酸酸地加埋辣椒好開胃黑魔(黑糖珍珠北海道3.6牛奶)珍珠煙靭有口感,黑糖味突出,成杯好好飲,缺點係太多冰是日特飲#hkfoodie#openrice#zhongxiaoeastroad

試咗佢嘅午餐，麵/飯+小食+飲品價錢由$7x - $8x。環境唔錯(最重要唔會好嘈)，有服務但又唔收加一服務費呢單野就令中環人讚歎不已 👍🏻食物方面：忠孝牛肉湯麵 ~ 牛肉超淋，麵嘅質感好好，成碗野味道唔錯。但午後返到公司勁眼瞓，可能MSG 重手咗吧 😅忠孝魯肉飯 ~ 都係好味嘅，魯肉夠味+汁都充足。 不過都係啦～ 飯氣攻心真係好難頂小食揀咗麻辣牛肚 ~ 個人認為麻辣味唔夠，但牛肚就唔un 👍🏻特飲：咩蜜桃百香果茶... 係好飲嘅

我揀咗呢間平時放lunch都間中會同同事去食嘅忠孝東路，lunch價錢就比較抵，晚市食嘅話就要$100至$150一位左右啦～忠孝蚵仔煎 （$55）蚵仔煎嘅份量都對得住個價錢，而且入面嘅蠔仔好多。食開打冷炸蠔餅嘅我覺得咁食呢個柯仔煎就比較淡味，不過反而可以令蠔嘅鮮味更突出，配埋好味嘅醬嘅話就甜甜哋，更好味！忠孝牛肉湯麵 （$73）牛肉湯麵睇落好似比較細碗咁，其實食落都幾飽吓！麵質煙煙韌韌咁幾好，而且牛肉嘅份量竟然比佢餐牌上幅圖仲要多😆👍🏻清酒海鮮湯麵 （$138）清酒味非常突出，鍾意清酒煮蜆嘅朋友一定大愛呢個麵，因為佢有成十幾廿隻蜆！仲有兩隻大蝦同一啲墨魚圈添！不過我最愛都係個流心嘅溏心蛋😝

今日在尖沙咀工作，一個人食午飯，去左忠孝東路食，尖沙咀有忠孝東路？忠孝東路不是在台北嗎？！原來忠孝東路是店名忠孝牛肉湯麵 - 牛肉湯味道很濃淡適中，牛肉量很多，有三大塊，很淋，亦很有咬口，咬落好重牛肉味。麵條不太粗身，但可掛湯，可謂粗幼剛剛好！麵質煙韌，好有口感但有少少辣，不吃辣的人士要注意跟餐可四選一個小食，分別有涼拌酸辣貓耳朵、炸菜鴨腎、鮪魚沙律和香辣小黃瓜而我選了鮪魚沙律，芝麻醬配合肥美的鮪魚，更能帶出魚的香味，配合沙津能去掉多餘的油膩感，再加多一份清新感加$25可加蒜泥時蔬，我加了一碟試試，今日可選油麥菜或白菜仔，而我揀左油麥菜，一來到與其話是蒜泥油麥菜，倒不如叫炸蒜炸油麥菜，不過味道很好，喜出望外，而且size很大碟招牌忠孝水果茶-每日限量，可能因為水果茶冰波的關係製作需時，水果茶冰波令水果茶就算放耐左也不會變淡，冰波能補充其濃度，配上多款水果，的確好好飲