上海廳1930 (已結業)

終於有時間寫，上海廳。平時自己普通食就食翠x, 今日冬至做節就揀隔離間食店-上海廳，位置都係黃大仙北館門口，右手邊，約人食飯一眼就見到唔使搵到傻，等位唔算耐， 20分鐘左右。被安排坐圓桌， 一早準備好BB 椅子，不錯。先點個冷盤四川怪味雞 $76 - 睇落細細碗，但多肉完整，刀法不錯，不知為何叫怪味。因為和食素的叔仔一齊，點了上海炒拉面（素食）$68 - 紅蘿蔔絲，芽菜，蔥花。素什綿炒年糕 $68 - 比較每片分明上海粗炒 $72 - 同炒面調味，配料一樣，多了肉絲。排骨湯拉面 $56 - 分上， 排骨無被湯浸濕，脆口肉質嫩。咕嚕雞球 $76 - 不太酸，炸粉不多，啖啖肉，三色椒切成方形。清炒時菜- 白菜仔 $66 - 多油， 菜色保持鮮綠。小炒黃牛肉（小辣）$75 - 牛肉味香， 肉質嫩滑，調味不錯。茗茶四位 $5@ ， 食唔晒打包走人。加一服務費都只係合共$635，抵食過茶樓好多。又得體又划算。

琴晚係鑽石山睇完戲 突然好想食上海野 就搵到黃大仙北館有一間上海餐廳 就去左試一試😎一坐落就覺得環境非常闊落 啲発夠我地放埋袋 坐位同坐位之間都好闊 好有私人空間🆓一坐低就叫左上海餐廳必食既野 小籠包 酸辣湯 同炒年糕 呢三樣野個味道都非常好🍴而最值得一提既係怪味雞🐔起初我地以為佢係同口水雞差唔多 上枱之後發覺佢係用豉油浸 貌相同味道同豉油雞差唔多 但好驚喜既係佢個味道非常好 唔會太咸 雞又嫩👍但因為叫左太多野食無encore到 下次黎都會係我地既必食之選😝價錢以晚餐黎講都算平民 平均60蚊一樣餸 分量而都好大份 絕對可以一試❗

早前在OpenRice 搜尋黃大仙食店，比我搵到這家上海廳，今晚約齊二位朋友到來晚膳，一坐下來就給小館內環境吸引了，這裡利用的工業木卡板做上空裝飾，平時在工廠區就見得多，懂得用這種環保方法都好心意，原來上海廳是上海婆婆同一集團的！怪味雞感覺微辣老抽味重，雞都算滑口四小拼當中包括：水晶肴肉、江南小排骨、五香熏魚、三喜烤夫各有特色，我比較喜歡江南小排骨味道甜甜地又食落有小許酸味不肥不膩紅燒麵根素雞豆腐豆腐質細嫩滑盡吸收醬油非常入味素菠蘿咕嚕肉眼測顏色鮮豔已令人食指大動，猴頭菇被炸得外脆內鬆軟酸甜醒胃無比青菜煨麵這個味道比較淡口麵質還可以不得不提這裡食飯時間有限，時晨一到服務員便準時叫你交檯