天 · 悠蔬食 (已結業)

食得太ғᴜʟʟ要食下素食，之前已經聽過呢個名，今次終於的起心肝去食嚕😎環境靚之餘估唔到又幾好食，某啲菜式食落去真係食唔出係咩素菜🥰小朋友仲有得扭蛋抽獎添🥳1️⃣ 悠蔬食小食拼盤🥢次次睇ᴍᴇɴᴜ都會望吓有冇啲咩拼盤可以嗌，今次呢個小食拼盤認真吸引😍因為入邊有腐皮卷、泰式餅、串燒、蒟蒻同牛油果🥑尤其是係吉列牛油果，出面好脆嘅口感加埋入面綿綿密密形成嘅對比好好食😋2️⃣ 乾炒素牛河🐂成日都食牛河，今次試下素牛河🤣 入面都好多料嫁，有冬菇片、芽菜、椰菜、紅椒、素肉……除咗素肉比較細塊之外，論顏色同味道，真係可以媲美出邊嘅乾炒牛河🥳3️⃣ 串燒🍢呢個真係好特別，如果唔係係到食，真係唔知係素肉😂食落好好食，勁似真肉😚蘸埋啲甜甜哋又辣辣哋沙嗲醬好ᴊᴇɴɢ😌4️⃣ 香脆五穀杏仁牛乳🐮呢杯飲品真係好健康，凍凍哋飲落去好舒服，仲有少少五穀咬下添😚

成日都大魚大肉，係時候食下素食啦！素食其實好多樣化！仲有好多菜式比你揀，中式、西式、日式任你揀，今次我就揀左泰式，一樣有得食如餅蝦餅～～🌖悠蔬食小食拼盤 $158拼盤有五款小食，每款兩件共五件。五款小食分別為酥脆腐皮卷、泰式如餅、泰式哈餅、酥炸蒟蒻及吉列牛油果🥑。推介酥炸蒟蒻及泰式如餅❗️酥炸蒟蒻質地較結實，與麥樂雞質感相同，唔講完全唔知自己係食緊素！泰式如餅混入左蔬菜粒，質地較鬆軟多汁。🌗泰式炒飯 $108炒飯炒得油亮乾爽，與平常嘅味道無異，且菠蘿🍍味道較突出，不過少左肉碎就硬係爭少少，如果多返少少辣/九層塔味，有多啲層次會好啲。🌕班蘭千層 $48大推❗️班蘭味超重❗️未食已經聞到陣陣班蘭味～加埋千層之間嘅cream，食落好似食緊椰汁西米糕咁！味道唔會太甜～一次過食三四件都絕對唔係問題😁😁！有無鍾意係椰汁西米糕嘅朋友呀？買黎做生日蛋糕🎂都唔錯😎。

小妹好耐無打食評，疫情下真係少左出街食飯，今次同朋友揀左呢間小店，轉下口味試下特色既素菜先😌😌主要係想揀荃灣區既餐廳，方便大家食完搭車返屋企，咁岩又見到優惠話食滿$200用OP PAY可以減$50，所以二話不說就訂左枱喇😅😅餐廳環境簡約（忘記拍照），本來想食招牌既彩虹健康沙律，點知職員話賣晒（晚上7點已經無得供應），即時有點失落囉😓😓小妹叫左3個餸，分別係黑松露薯蓉大啡菇，百合杞子豆乳浸時蔬和悠蔬食小食拼盤。推介呢個大啡菇，咬落好juicy，薯蓉焗完香口，Yummy😋😋賣相無咩特別，但味道不錯，值得試試☺☺菜名令小妹覺得係招牌菜，感覺就一般但都香脆既😉😉整體感覺不錯，但覺得價錢略為貴左少少囉😅😅