怒茶巷 (已結業)

怒茶巷係位於葵涌廣場3樓嘅茶飲店，佢哋出售嘅茶飲有好多種類同款式，仲不時研發新款飲品🤩 佢哋提供嘅茶飲系列，例如有：怒純茶、怒果茶、怒鮮奶 同 怒芝士，依家仲有牛油果、芫荽系列！🥳 佢哋又點止得飲品？ 除咗飲品，仲有甜品🤩 佢哋新推出咗 👼天使乳酪杯配水果 同 😈惡魔芝士杯，我就緊係要試晒佢哋啲新嘢喇😝🥑 怒·芝牛油果四季春 （$38)可以揀奶或茶底，我就揀咗四季春茶底、走甜、少冰，「怒 芝」系列就係芝士奶蓋咁解，呢個奶蓋好creamy、鹹香，邪惡得嚟令人無可抗拒😆😆 走咗甜嘅牛油果茶飲淳香之餘，仲有原汁原味嘅牛油果香，牛油果lover表示滿意❤️‍🔥😈 惡魔芝士杯 （$16）另外叫咗個惡魔芝士杯，好邪惡呀😝 呢個甜品分成三層，底部有黑糖珍珠，中間係超級多嘅芝士奶蓋，面頭就有oreo餅同餅碎🥰 全部都係我愛嘅邪惡食物呀🤣 黑糖撈奶蓋中和咗甜同鹹味，估唔到係咁夾㗎🥺💓

去葵涌廣場掃街，除咗街頭小食之外，又點少得飲番杯特色飲品。去葵廣都係想支持小店，所以今次就揀咗呢間怒茶巷。Mirror…以小店嚟講，佢嘅選擇都唔算少。仲有最新推出嘅粟粟芝愛。除咗每人一杯飲品之外，我哋仲特別買多個甜品。粟粟芝愛呢個名真係別出心裁，其實佢係粟米汁加咗芝士奶蓋，落單後聽到佢用攪拌機製作粟米汁，絕對真材實料。粟米汁配上芝士奶蓋嘅味道出奇地夾。依家基本上每一間台式飲品店都有黑糖珍珠鮮奶，有比較先有進步，怒茶巷嘅黑糖珍珠味道都唔錯，口感夠Q彈，絕對有水準。除咗飲品之外，我覺得最值得推介嘅就係惡魔芝士杯，佢嘅底層係黑糖珍珠，上面加入厚厚嘅芝士奶蓋，然後再灑上Oreo碎，真係一個又好味又邪惡嘅甜品，而最重要嘅係，佢只係$16就有交易，呢個絕對係我嘅私心推介！