The Stadium (已結業)

終於試到bookmark左好耐嘅美式餐廳😆一間比想像中好多位嘅餐廳 入面好多客人都傾計睇波 野食好豐富 好適合大班朋友聚會😌🌟 意式香菇手搓粉 🌟第一次食手搓粉 唔係講笑 勁surprise!!!手搓粉有咬口 同香草汁好夾雖然佢冇肉 但好香嘅pasta已經好滿足😋🌟 黑松露野菌pizza 🌟黑松露好香 配野菌一鹹一淡好matchpizza有好多芝士薄餅底好薄好脆😚整體嚟講 野食全部都好大份雖然我地只係叫左兩樣野食 但我見隔離枱嘅野食都好大份💜如果人多一齊reu就可以叫好多唔同野食share可以一次過試多幾款野食🤣🤑 意式香菇手搓粉 $138🤑 黑松露野菌pizza $178

同朋友好耐無見， 打算係佢公司附近搵間工廈餐廳🍴試下， 見「The Stadium」係openrice嘅好評如雲， 就試下啦！😏 「The Stadium」係一間運動主題餐廳， 面積好大，集合好多運動元素， 餐廳嘅裝潢都經過悉心佈置， 枱墊是足球場嘅圖案， 牆上掛上球衣，還有球場更衣室嘅locker等， 每個角落都貫徹着運動主題。 除了播放英超、歐聯和不同球賽外， 客人仲可以係場內掟鏢、篤波或者玩足球⚽️機， 仲有露天户外，幾有feel！☺️ 有波睇、有嘢玩、有酒飲， 絕對係一班朋友吃好玩樂嘅好地方，👏🏻 仲可以包場開party添！😏 意式香菇手搓粉（$138） 自家製手搓粉口感獨特，嚼勁十足！ 均勻地拌上松露醬， 加上炒香菇嘅鮮菇香，好味道！😋 美國🇺🇸極黑毛豬（$177） 黑毛豬大大件，仲有2-3cm厚，好足斤兩呀！ 煮到大約7成熟， 食落鮮嫩多汁，散發濃郁嘅肉香， 旁邊還有不少健康烤薯菜， 可以中和一下肉嘅膩感。😊 仲有Happy Hour，梗係要湊下熱鬧啦！ Cocktail、draught beer都係$58， 幾抵喎！😏 我地點左Passionfruit Mo

依間餐廳好啱球類運動愛好者⚾尤其係男生🏸入面有唔同的球類擺設之餘，仲有足球機、飛標、桌球等等比大家尋樂，仲有多部播放唔同運動節目發賽事嘅電視機，大家可以邊食邊所賞🥅⚽1. 炭烤羊排（$268）🐏羊排肉質嫩滑又腍身，不過仍然有D羶味，聞時唔多覺，食落就會聞到，給果大家接受唔到，就建議唔好試啦；但假如你係羊排愛好者，依款菜式係必試！😋彤樂評分：8.5/102. 栗米脆片（$108）🌽彤彤第一試食，好有驚喜😁份量超多，起碼要3-4個人食，栗米脆片大塊又脆，連塊芝士、cream、牛油果醬一齊食，味道好豐富😍彤樂評分：8.5/103. 火辣脆烤雞翼（$88）酸酸辣辣嘅外皮，加上嫩滑肥美嘅雞肉，好惹味，如果雞肉都有重D酸酸辣辣會更正🤤彤樂評分：9/104. 意式香菇手搓粉（$138）👏🏻手搓粉口感好特別，長條煙煙韌韌嘅米條咁，連埋香菇同白汁，味道上似白汁意粉味，不過略嫌偏淡😅彤樂評分：7/105. 美式烤豬肋骨（半：$188/全：$288）🐖半份都已經好大份，豬肋骨都好多肉，如果減少D酸度會好D🙈彤樂評分：7.5/106. 朱古力布朗尼（$78）🍫🍨朱古力布朗尼好香濃，雪糕好凍但甜左少少，所以一定

Friday night黎呢度岩曬，可以一大班朋友飲返幾杯，野食又唔錯，環境氣氛都好，而且仲有戶外吸煙區，食煙吹風兩皆宜。野飲唔多講啦，今次同大家講下野食啦。我哋一行四人先點左個黑松露薯條再黎左兩round happy hour(八點前)先叫野食，飲完都半飽，叫左三樣野都好夠食。首先係豬肋骨，一上枱已經覺得好大份，足足有六條骨，切開一件件都可以啖啖肉既，燒得唔太乾，味道亦剛好；伴碟既有粟米同沙律，平衡返個油膩感。之後呢個黑松露蘑菇Pizza就麻麻哋，餅底太濕唔夠乾身，有少少似麵包，不過配料味道都可以，芝士亦不吝嗇。而個手搓粉就真係好好食，個粉口感好Q好彈牙，而個醬汁就好香忌廉同黑松露味，濃郁地包住每條粉，令人好滿足啊。呢度食物質素中上，環境舒適寬敞，價錢合理，侍應服務良好，值得推薦。

想同成班friend吹水、睇波又有得玩？喺觀塘嘅就啱晒你啦！睇個名都知佢地以體育為主題，去到有好多部電視都播緊體育賽事，仲有足球機、鏢機同桌球玩，甚至連露天位抖氣位都有埋，目測都有成7000呎咁大！一齊睇下有咩好食啦！餐廳內單單係啤酒已經有50種，仲未計cocktail同其他酒類選擇！實有種酒啱你啦，唔知有無人成功挑戰晒佢咁多種酒呢？嚟到想飲酒配返份小食，可以試下，個樣夠晒得意趣緻！用巴馬火腿卷住無花果，食落既有火腿鹹香，又有無花果嘅鮮甜。上面嘅醬係特製嘅蒜蓉沙律醬，味道好特別，啱晒飲酒果陣食。話明係美國菜又點可以唔食Burger呢？牛肉帶有炭燒香味，牛肉味濃郁又多汁，入面仲夾住勁多配料，好似煙肉、芝士同portobello蘑菇，食落口感超級豐富！跟住個漢堡仲會有埋一份厚切薯條，啖啖薯肉夠晒香口又豐富！呢個極黑毛豬煮到大約7成熟，食落鮮嫩又有濃香豬肉味。加埋香草、茄汁同芝士，真係好惹味呀！如果大家怕佢唔夠熟，仲可以落單嘅時候講明要全熟，都一樣好食！手搓粉形狀夠晒可愛，細細條好似螺絲仔咁，扭紋形狀可以輕易沾滿濃香醬汁，食落啖啖都係菇同粉嘅完美結合，就算唔係素食者都會愛上！

星期日下午番左娘家同阿媽食完晏，下午茶就同老公又去觀塘搵食。今次再黎到聖誕黎過既stadium 睇下下午茶有咩食。嘩！一去到都幾多人下，播住relax 既音樂，另一邊又有人打緊snooker，所以感覺正好chill。我同老公叫左《Parma ham 配無花果》$88、《意式香菇手搓粉》$138、《白酒煮蜆》$138。無花果比想像中大，生熟程度剛剛好，再配上佢地既醬汁同Parma ham 一齊食非常夾，老公第一次食無花果就十分喜歡。我地係松露控所以叫左意式香菇手搓粉，加上手搓意粉會比機製有口感同無咁乾身。佢一黎到賣相已紅好好，仲好香菌味，原來佢地既手搓粉係比較短而厚身，松露汁亦好creamy，成個配搭好好，老公好快就KO哂。最後白酒煮蜆黎啦，係比較大隻既蜆，一碟大概廿幾隻（其實都幾多），而且仲好鮮味，d蜆吸哂白酒汁既精華我一個人都食左大半碟。為食總結：食物同餐廳都唔錯，下次同大班朋友黎gathering 先！

今日同老婆去開觀塘區，中間有幾小時空閒時間，所以希望搵一間舒適既餐廳可以慢慢嘆返個下午茶，見佢環境幾靚所以去試下。果然去到冇失望，成間餐廳地方好大，以運動球賽既主題做裝飾設計，而除左裝飾之外真係有桌球枱，足球機，飛標機，同大量既螢幕播放球賽供客人娛樂，成間感覺好似一個俱樂部，好有放左工同班朋友happy hour落club既感覺，好relax.我地坐既位旁邊岩岩有2個螢幕播放緊丁俊暉2017既World Championship桌球賽，我同老婆都鐘意睇桌球，一路食下野一路傾下場波，都幾享受。由於我地夜晚有野做，所以直接叫多D食埋Dinner啦。特式炸物拼盤有4種Sauce跟，外皮炸得比較輕身，唔會好油同好厚炸粉，雞翼係水牛雞翼，醬汁甜甜辣辣，有芝士棒，栗米波，雞塊，洋蔥圈，魷魚圈，好豐富。意式香菇手搓粉店員介紹手搓粉係佢地既特式菜之一，我地都未食過所以試雨，第一個感覺係好足料，隨手一羹已經係好多好多香菇，醬汁有松露，整得好好味，手搓粉口感煙煙韌韌，結實好咬口，都幾飽肚。特式球迷沙律 衣個沙律用料好特別，有無花果，甜橙，松子等nuts. 就算落得唔多黑醋都唔會覺得淡， 成個好有新鮮感。