芋圓一 (已結業)

鋪頭細細地唔算話好大🚪不過都可以睇到廚房既製作過程👨🏻‍🍳唔知點解可以直入🙈 見好多人話排到火🥵望到餐牌反而比芒果🥭吸引住🙈明明呢度既主角係芋圓先岩架嘛😝——————————————————< 愛文芒果🥭甘露芋圓>楊枝甘露😍做底配上幾種顏色🌈既芋圓楊枝甘露口感濃郁😌 唔係好酸個種😛芋圓size黎講算幾大粒😮 咬落堅係幾煙韌😬 愛文芒果肉🥭幾香甜🤤 啖啖果肉好正呀🥰嗯...芋圓配楊枝甘露既感覺唔係最佳拍檔👉🏻👈🏻唔通真係一山🏔不能藏二虎🐯🤦🏻‍♂️

問答題：同女朋友行街行到腳軟又唔想俾機會佢發脾氣可以做乜？叫佢收皮自己坐車返屋企？錯！！（請不要玩命）個答案就係帶佢去食糖水喇！一入去坐低就叫咗兩樣野，傳統仙草芋圓 和 愛文芒果甘露芋圓，呢兩樣應該係招牌黎。傳統仙草芋圓1）有大量芋圓，芋圓控一定要試！2）芋圓有水準，食得出唔同色嘅芋圓有唔同嘅味道！3）有其他配料如紅豆，仙草，薏米，加埋一齊口感都幾特別。4）算係一個比較有特色嘅甜品。愛文芒果甘露芋圓1） 即係楊枝甘露+少量芒果+芋圓，唔算特別。2）味道唔算太甜，芒果亦都新鮮。3）芋圓份量冇招牌芋圓咁多，仲搭左幾粒冇味嘅白色丸子。如果鍾意食芋圓都係食返傳統仙草芋圓吧！後記：我地9點幾去到都要等20分鐘，所以大家唔好咁傻行到腳軟先去食呢間甜品店啊！

早前係Facebook見到介紹呢間芋圓小店，已經好想黎試，但一直都唔得閒，今日同女朋友終於抽到時間黎食，果然無介紹錯！呢個芋香仙草芋圓好少見，入口已經有濃濃既芋香味，亦有出乎意料多既芋圓，平時起其他店只係得幾料，但呢度幾乎每一啖都食到芋圓，完全係真材實料！芋圓亦有少見既栗子芋圓，圖中啡色既就係栗子芋圓，栗子芋圓有淡淡既甜味亦食到有栗子既香氣，煙煙韌韌 ，估唔到食落都幾match至於我叫既愛文芒果甘露芋圓就係六日限定，食落去有好香既愛文芒果味，愛文芒果同其他芒果既香味係好唔同，愛文芒果係有種好獨特既果香味，食果肉時肉質滑而無渣，是確確實實既愛文芒果肉，絕無欺場！而柚子果肉可能唔太當造既關係，食落有少少苦，呢個要扣少少分，但比既柚子肉同樣多，非常足料！用38蚊既價錢食到呢個質素，性價比非常高！下次必定會再黎食，希望唔會有退步！