白宮咖啡室 (已結業)

次次揸車經過都會望下，今次就專登停車入去試下。我一路都以為只有樓下細細地的舖面，原來仲有樓下。環境舒服。店員為我地逐一推介。今次小食方面我就揀左咖哩角及黑松露薯條。咖哩角不過不失，但薯條既黑松露醬真係十分野味，不過一個人一定食唔曬。而主菜方面，慢煮安格斯肉眼扒五成熟，再配上沙律及薯角，不錯既配搭。另外仲有明太子三文魚子煙三文魚意粉。淡淡的忌廉香味配上魚子食落另有一番風味。最後喺飲品方面，我哋選擇咗一杯LATTLE同埋雙魚座特飲。

白宮呢度都幾骨子！除左地下既開放式廚房同幾張枱外，原來樓上仲有一層！牆同周圍都擺左好多舊有既物品，如電話、相同黑膠唱片等，幾有特色。特喜歡樓上個位置，book黎開party都幾正！另一個驚喜係飲品！望見都開心！唔捨得飲添！佢張餐牌上有過三十種卡通人物款式可以揀！咖啡唔止有睇頭，仲幾好飲添，好香咖啡味！咇加咇加！好傳神，好靚！拿破崙烤雞意粉食送都幾多下。烤雞因烤過，所以好香口，肉質好嫩滑。意粉軟硬都ok！有新鮮既蕃茄撈埋一齊煮，醬汁唔算好多。慢煮安格斯肉眼扒好開心配菜係大薯角！炸到好脆！入面林晒，正！塊扒好厚身，用黑椒煎香，好多肉汁！肉偏熟，但好林，有牛味，我估係同慢煮既原理有關，唔錯！蜜糖雞翼好香蜂蜜味，甜甜地，外皮脆脆地！好食！咖啡同朱古力都有好多口味選擇！唔錯既餐廳，卡通拉花好行意，打卡一流！

今日往荃灣中學開會, 之後往附近的白宮食dinner,點了慢煮安格斯肉眼扒(10安士) 配薯角, 沙律、忌廉湯和凍焦糖咖啡, 慢煮安格斯肉眼扒我點了7成熟, 肉質鮮甜, 有油花, 個人認為安格斯肉眼牛扒大小適中, 如果牛筋位少一點會好些, 食落可以啖啖肉；薯角炸得香脆, 但不會燒得太焦, 好香口, 口感不俗；沙律菜好新鮮爽口, 配上胡麻醬食落十分惹味, 而且能中和牛扒的油膩；忌廉湯味道香濃夠熱, 內裡有蟹柳和磨菇食落美味好足料, 口感一流最後凍焦糖咖啡味道香濃, 焦糖甜度適中。餐廳食物美味, 座位舒適, 價錢合理,安格斯肉眼扒味道不俗,值得再來,

上幾個月，已試過同朋友係呢度食下午茶，當時食過蜜糖雞翼，已經覺得回味無窮。今晚突然好想食呢道菜，決定再度回訪，順便食下呢度既主食。蜜糖雞翼 ($40)我最愛的蜜糖雞翼無失準！雞翼醃得入味，而且每隻都唔細隻，但皮都唔會好厚。雞翼唔係以煎炸方式烹調，所以食落唔會覺得熱氣。加上清甜既蜜糖汁，食落唔太甜。炸魚薯條 ($48)炸魚有兩大塊，食落個脆漿唔厚，而且內裏肉質嫩滑，大件夾抵食。薯角都非常大舊，食完都飽左大半。如果可以係醬汁上有啲變化，咁應該會更有噱頭！海膽三文魚籽明太子意粉 ($88)個白汁用左好重忌廉打成，但忌廉本身偏淡，所以加入咸香既木魚絲調高咸味都不錯。明太子份量唔太多，但有海膽同魚子為意粉增加鮮味。由於個汁主要係忌廉，所以要快食，否則凍左會立口。慢煮安格斯肉眼扒 ($128)肉眼扒好大塊同厚實，切開裏面既肉係粉紅色的。吃起來都不算過韌，但牛味稍為薄弱。而且，如果餐廳能夠提供比較鋭利的牛扒刀，相信切起來會較易。阿凡達梳打 ($48)藍色底係藍柑味果汁，而針筒內既係青蘋果醬。雖然唔太飲得出實質係咩味，但夏天飲呢個咁清涼既飲品，然後影下相一定呃到likes!鮮奶咖啡 ($35)Latt

昨天晚上, 我和朋友到了遙遠的荃灣西覓食。我曾經在instagram看到這間餐廳的照片, 看下去 還境很舒適, 很適合拍照, 而且食物的賣相也很吸引。大概七時正, 我們到達這間餐廳, 那時已經有很多人, 我們被安排坐在近門口的一角。 店員有禮貌地遞餐牌給我們, 當我看到餐牌時, 我便已經心裏有數 知道自己想吃什麼了。我點了一份All day breakfast, 配綠茶拿鐵。由於我不吃炸薯餅和香腸, 所以我把它們改了蜜糖雞翼和煙文魚。我的朋友則點了一份 慢煮安格斯肉眼扒, 同樣地, 她也喝綠茶拿鐵。這間餐廳很特別, 綠茶拿鐵或咖啡類的飲品也可以選擇有一種圖案在飲品上面, 我選擇了我最喜歡的比卡超，我的朋友則選了龍貓。套餐還跟上一份田園沙律。我的 all day breakfast 呈上來的時候, 我被它的賣相吸引著, 我認為廚師花了一些心思在食物佈置方面。上面那份炒蛋非常嫩滑, 帶點牛奶香味。綠茶拿鐵上的圖案真的很可愛, 但它的綠茶味不夠突出, 奶味比較重。另外, 我們也點了一個煙三文魚雜菜牛角包 ,牛角包很酥脆, 配上煙三文魚一流。