1523 釗級廚房 (已結業)

馬田路又開咗新西餐，感覺不錯，之前有日行過都要排隊，點知今日星期五居然唔洗等，梗要入去試下😂。店面唔算太大，得十張枱左右，不過環境都幾舒服嘅。宜家做緊優惠，加配套餐可以有cream 酒一杯。Cream wine 質感好厚，味道有啲似拖肥糖，入口嗰下，好滑，酒味係之後至上返黎，如果飲咖啡既人，加落咖啡度飲，一定好夾。！餐湯加完套餐，點少得餐湯，是日餐湯係花椰菜湯，味道好濃郁，好香，好味。不過配一齊既蒜容包至係重點！脆脆既外皮，但內𥚃既麵包仲keep到好軟，食落口好得！慢煮原隻德國咸豬手 $168咸豬手一黎到真係嘩一聲，份量好足，個皮又靚，切落去時，感覺到個皮脆脆嘅，但一落到啲肉，又勁腍，完全順住把刀都切得開。問落至知，依個就係店主慢煮既成果，個皮保持住脆脆，但內𥚃既肉就保持住鮮嫩❤️，真係心心眼呀！BBQ 醬豬肋條 $168個醬唔會太咸，豬肋條都處理得好好，唔會乾，小店黎講，真係性價比超高！重點係，連個side dish 既薯容都調味得好好，有松露既味道，一向唔好薯既我都食咗好多啖🙈。

今天喺元朗探朋友後，順道去食下街頭小吃，想尋回地道美食味道行下行下見到有間餐廳-1523釗級廚房，睇真尐原來食西餐，見到門口擺放住menu, 都幾吸引，於是試下餐廳雖然細細間，裝潢簡㓗，唔會有壓迫感黑松露忌廉磨菇湯，湯唔太稀，磨菇粒粒有口感，好味道蒜蓉飽唔喺一片片，厚件上，外面香脆，入面鬆軟，面上塗上香草蒜蓉味，好惹味，好快食哂添要再叫多一客慢煮德國咸豬手，豬手外表焗得好乾手，豬手皮好香，脆卜卜，好似食緊薯片咁肉質呈粉紅色，幼嫩多汁忌廉汁煙三文魚長通粉，花形煙三文魚放喺中間，賣相唔錯，有心思餐廳食物質素唔錯，下次都會再來