Club Albergue 1601 (已結業)

終於等到長假期完結，與家人一同出外食個lunch.午飯時間排隊嘅唔算多人，加上以往都係食隔離GH.所以今次試下依間.餐廳幾乎滿座，（席間見到好多人埋單是用禮券，可能這就是原因。😛）防疫措施嚴謹。👍客人安心。我地頭盤order了慢煮牛脷.極力推介！外面煎得香脆，咬落口鬆軟多汁。另外order了羊扒同水牛芝士番茄意大利粉。羊扒，medium，略肥但火侯控制得好，味道唔錯，適中。意粉al dente. 亦好好味。小插曲係食左沙律同牛脷之後，就冇再有食物送上，隔了40分鐘追問之下，才知道漏單。😳漏單嘅食物好快送上，都算補鑊補得快，可能已經係2點幾，餐湯已經賣哂，所以送到嚟俾我地嘅餐湯只得半碟😑。結果依餐晏食左兩個鐘，好彩我地唔趕時間。可能佢地人手唔夠，understaff。因為席間不停聽到服務員在談論依個問題，話好多人冇返工，又冇打電話返公司。。。中間還夾雜了不少粗口，可能做到好燥掛。情緒係需要發洩，但最好唔好俾客人聽到囉。😅總括食物質素喺好噶，但服務就有好大既進步空間。

返左成個星期工，終於放一日假，決定食餐好🥰去左時代廣場11樓既西餐廳1601，環境舒適～餐廳中間有個酒吧枱，有情調💛侍應服務週到！如果係慶祝聚餐都很合適。點左一份午餐（香煎比目魚意大利飯$198）餐湯當日係南瓜湯，味道淡淡清新沙律配有數塊鴨胸肉，跟餐嚟講都幾足料餐飲選了荔枝茶，偏甜..一路飲一路加水🥴主食比目魚意大利飯，意大利飯是用龍蝦汁底，味道相當唔錯！不咸而且飯既軟硬適中，比目魚煎得皮脆，魚味亦夠👍🏻無雪藏味！店員推薦我試下小食（慢煮牛脷$148），果然係推薦！一碟有4條，其實都小小貴，不過牛脷夠哂淋，煎得香！配左酸酸既汁，非常開胃😋最後埋單加埋一$381，呢個環境同食物質素嚟講都算合理👍🏻會再嚟光顧。

Club Albergue 1601呢間餐廳我已經幫襯過好幾次，鍾意佢食物質素不錯，亦都坐得舒適，適逢OpenRice 訂位有9折優惠，所以再次幫襯煎法國鵝肝鵝肝煎得岩岩好，再配了兩條脆雞皮，碎杏仁，醋漬珍珠洋蔥，黑醋蜜糖，整體味道十分夾，好食慢煮牛脷次次都會order佢個牛脷，真係煮得好淋好入味，炸牛蒡更能增添口感，反而芝麻醬我就覺得唔太夾，建議醬料另上會好d松露野菌薄餅愛菇之人一定好喜歡，餡料用上黑松露醬，本菇，白菌，冬菇，杏菇，mozzarella cheese, 菇味好濃郁，好香，一件接一件咁放入口炭燒穀飼美國頂級肉眼呢度d牛扒好香炭燒味道，我點了medium well亦都無過熟，肉質仲好juicy, 薯角亦炸得不錯燒虎蝦及香煎北海道帶子意大利飯意大利飯吸晒海鮮湯既精華，啖啖都有海鮮既味道，虎蝦帶子都煎得好香，好好食價錢唔算平但食物質素依舊維持水準，加上宜家times square $50美食卷優惠，一定會再幫襯