影片
更多
2024-03-06
1249 瀏覽
都好一段時間無入嚟新蒲崗食嘢，依家我哋搭屯馬線過嚟真喺超方便，啟德站直入商場Airside，再穿兩條天橋就過到嚟新蒲崗。今晚嚟到「窩子」，純粹帶老婆試吓佢哋嘅「三重朱古力麻糬窩夫」，呢次喺以目標為本。店內地方唔喺好大，不過，裝修好有個性，好似啲枱櫈，張張都唔同，不拘一格，而且，又加入咗好多懷舊元素，整體感覺又好似亂中有序，都幾得意。廚房採用開放式，可以睇到店員做菜，以及咖啡師沖調咖啡。餐牌第一頁有對餐廳介紹，原來餐廳2015年成立，至今都已經9年，經歷過疫情捱得過嘅自然有一定嘅實力。至於食物嘅選擇，都真喺唔少，即使細細間咖啡店，其實菜式都非常之有特色，無論意大利麵、主菜、酥皮薄餅，抑或甜品，都好有創意同心思，所以，今晚我哋都試到好多特色嘢。香煎牛油帶子配自家製椰子雞湯意大利飯 $152我成日講，意大利飯就最能考到師傅嘅手藝，因為煮意大利飯，講難唔難，話易唔易，但煮得夠精就唔簡單。眼前呢一碟意大利飯真喺有水準，首先啲飯粒煮得有咬口，卻唔會有種生米嘅感覺，而且，夠濕潤，加上滲出陣陣清香嘅椰子香味，唔知喺咪加咗啲金不換，有種香氣非常特別。再者，比一般常食到嘅意大利飯，無咁重忌廉，以及混入好多
店內地方唔喺好大，不過，裝修好有個性，好似啲枱櫈，張張都唔同，不拘一格，而且，又加入咗好多懷舊元素，整體感覺又好似亂中有序，都幾得意。
廚房採用開放式，可以睇到店員做菜，以及咖啡師沖調咖啡。
餐牌第一頁有對餐廳介紹，原來餐廳2015年成立，至今都已經9年，經歷過疫情捱得過嘅自然有一定嘅實力。
至於食物嘅選擇，都真喺唔少，即使細細間咖啡店，其實菜式都非常之有特色，無論意大利麵、主菜、酥皮薄餅，抑或甜品，都好有創意同心思，所以，今晚我哋都試到好多特色嘢。
香煎牛油帶子配自家製椰子雞湯意大利飯 $152我成日講，意大利飯就最能考到師傅嘅手藝，因為煮意大利飯，講難唔難，話易唔易，但煮得夠精就唔簡單。眼前呢一碟意大利飯真喺有水準，首先啲飯粒煮得有咬口，卻唔會有種生米嘅感覺，而且，夠濕潤，加上滲出陣陣清香嘅椰子香味，唔知喺咪加咗啲金不換，有種香氣非常特別。再者，比一般常食到嘅意大利飯，無咁重忌廉，以及混入好多菠菜，呢點就更合老婆嘅喜好。至於啲帶子，煎得香口，口感柔嫩，又富鮮味，真喺無咩挑剔位。
香煎牛油帶子配自家製椰子雞湯意大利飯
$152
16 瀏覽
0 讚好
0 留言
慢煮牛面頰肉配扁意粉 $172猶豫緊主菜揀咩嘅時候，同老婆傾傾下先知原來佢完全未食過牛面頰肉，所以，就揀咗呢一道主菜俾佢試試。雖然，賣相無咩特別，但一切精髓在於內涵之中，首先喺啲牛面頰肉經過慢煮，入口真喺超鬆化，一咬即開，而且，甚富肉香，個汁底又香濃，少食肉嘅佢都大讚好正；啲扁意粉都無馬虎hea做，夠咬口，加咗大量蒜蓉，再炒香過，唔喺就咁白烚上枱就算，細節做足就寧舍滋味。
慢煮牛面頰肉配扁意粉
$172
90 瀏覽
0 讚好
0 留言
三重朱古力配朱古力雪糕麻糬窩夫 $82 嚟到甜品一環，其實，都幾難選擇，梳乎厘鬆餅、窩夫、法式千層酥……等等，樣樣都想試，不過，知道老婆喺朱古力控，就一早預定喺試呢款三重朱古力嘅麻薯窩夫。其實睇落都唔止三重，可以講有五重：朱古力味麻薯窩夫、朱古力脆片、迷你朱古力蛋卷、朱古力雪糕，以及朱古力醬。麻薯窩夫都喺第一次食，都幾有驚喜，咬落先喺一陣陣脆口，食落就有QQ嘅口感，而因為有多種朱古力食材襯托，所以非常之香濃好味，加上多款食材嘅混合令到口感多變。
三重朱古力配朱古力雪糕麻糬窩夫
$82
8 瀏覽
0 讚好
0 留言
鮮奶咖啡 $42食甜品點都要搵杯咖啡嚟襯吓，有睇過小弟嘅食評都知，去親咖啡店，嗌鮮奶咖啡喺必然之選。眼前呢杯鮮奶咖啡，小弟就好滿意喇，雖然個拉花唔喺好花巧，但喺拉得平滑，線紋細緻且對稱，而咖啡味道醇和，有果仁香氣，完全無攪過，飲落每一口都好均勻，口感有種厚身感，沖泡手勢一流。
老婆就讚今晚啲嘢好食，又有亮點，我都有同感，加上今晚客人唔算多，所以，可以寧靜咁享受呢餐飯。
張貼
