影片
更多
2014-04-13
181 瀏覽
以前啲樓上鋪多數都喺啲café仔，不過，依家就有唔少高級餐廳都「上晒樓」，加上食廈嘅概念不斷成熟，一幢又一幢嘅食廈相繼出現，造就成更多有質素嘅餐廳開晌商廈之內。就以銅鑼灣計，之前試過嘅The Sky Bar、Secrettaste、Eden Rose、Barg……等等，都喺一啲坐得舒服，食出質素嘅「樓上」西餐廳，都仲未論及啲樓上鋪日本菜、韓國菜……呢！今晚，好開心又同三幾位食友嚟到主打意、法菜嘅Sun Palace試新菜，在此多謝晒 ！因為喺食廈嘅緣故，一出電梯就喺餐廳「玄關」，事後所知，原來店主好喜歡水晶吊燈，所以，門口位除咗有個太陽標誌，由門口、大廳、貴賓房都裝上晶瑩璀璨、閃閃耀目嘅水晶吊燈 ；再者，胡桃木地板、絲絨梳化椅、柔和嘅燈光，充滿一份典雅，卻不落俗套 。最不可思意喺可容納8-10人嘅貴賓房，除裝修同樣華麗之外，竟然無最低消費 ，當然，提前預訂喺基本需要啦。 Sunflower $38 無論飲品餐牌，抑或主餐牌，封面都以太陽系為設計概念。翻開飲品餐牌，雖然有唔少餐酒、雞尾酒、啤酒選擇，但因為仲未領有酒牌，要稍後才有供應。不過，其他飲品亦不少。小弟揀嚟一杯非酒精嘅
因為喺食廈嘅緣故，一出電梯就喺餐廳「玄關」，事後所知，原來店主好喜歡水晶吊燈，所以，門口位除咗有個太陽標誌，由門口、大廳、貴賓房都裝上晶瑩璀璨、閃閃耀目嘅水晶吊燈 ；再者，胡桃木地板、絲絨梳化椅、柔和嘅燈光，充滿一份典雅，卻不落俗套 。
最不可思意喺可容納8-10人嘅貴賓房，除裝修同樣華麗之外，竟然無最低消費 ，當然，提前預訂喺基本需要啦。
Sunflower $38 無論飲品餐牌，抑或主餐牌，封面都以太陽系為設計概念。翻開飲品餐牌，雖然有唔少餐酒、雞尾酒、啤酒選擇，但因為仲未領有酒牌，要稍後才有供應。不過，其他飲品亦不少。
小弟揀嚟一杯非酒精嘅雞尾酒Mocktail，以橙汁、西柚汁和石榴糖漿溝成嘅sunflower，色澤橙紅，以西柚味為主導，入口微酸，感覺清爽。
主餐牌內，菜式分為海鮮冷盤、餐湯、前菜及沙律、意粉及意大利飯、主菜、甜品等類別。此外，亦有晚市套餐提供，包括：前菜、餐湯、主菜三揀一、甜品二選一、以及啡茶，價錢就視乎所選主菜而定 。
迷你百吉包及牛角包 無論散叫定套餐，餐前包喺指定動作，最正喺唔單只配送香草蒜蓉牛油伴食，大手筆嘅喺餐包呈上百吉包及牛角包，尤其後者，鬆脆軟熟，富牛油香，好易一個接一個食唔停手 。
第一輪先嚟3道前菜熱熱身，有濃膩，有清甜，正正能發揮大廚心思。
香煎鵝肝伴西柚香燈蘋果蓉 $148 Pan-Fried Foie Gras Served with Grapefruit, Orange and Apple Puree
雖然香煎鵝肝一向予人重口味嘅感覺，但加上西柚肉、香橙肉、少少食用花葉，令人感覺輕盈得多。鵝肝煎得焦香，外層焦脆，內裡粉嫩，甚有入口即溶嘅感覺，塗少少西柚香燈蘋果蓉，既能減低嚟自鵝肝嘅油膩度，更有種鹹香帶甜嘅平衡感 。
蟹肉牛油果卷伴三文魚籽 $138 Crab Meat and Avocado Roll Served with Salmon Roe
賣相極精緻嘅一道頭盤，以牛油果捲上鮮拆蟹肉，仲要鋪上三文魚籽，果然功夫細膩。牛油果非常綿密軟滑，蟹肉亦很鮮甜，而三文魚籽鹹香味突出，整個組合好別出心裁 。
農場水煮蛋配香草炒野菌黑松露醬 $108 Melange of Seasonal Mushroom with Black Truffle
Served with Poached Egg, Sautéed Wild Mushroom, Truffle Hollandaise Sauce, Yellow Frisse and Balsamic Vinaigrette
野菌本身已經帶有菌香，加埋黑松露醬，可想而知有幾芳香馥郁。佐以水煮蛋、荷蘭醬、葡萄醋汁沙律菜，可稱為野菌版嘅賓尼迪蛋（Egg Benedict），拌勻之後，香滑兼備，味道及層次都嚟得有趣味 。
品嚐咗3款有個性又美味嘅前菜之後，期待下一道菜又喺乜嘢。何解拎壺果茶嚟？咦，原來唔喺果茶，喺店家其中一款招牌靚湯 。
馬賽漁夫湯 $138 Seafood Bouilabaisse Served with Mussel, Prawn and Scallop
馬賽漁夫湯佐以時令海鮮，包括青口、海蝦、大蜆和帶子，單睇依份「湯料」如神仙放屁，不同凡響 ；再將橙紅色嘅海鮮魚湯淋落去，真喺熱切期待。幾款海鮮都十分鮮甜，尤以帶子略煎過，不只厚肉富彈性，多份香口嘅感覺；至於個「湯底」，非常鮮香，誇張啲講句，真喺猶如將海洋精華飲落肚 ，據介紹原來此湯以大量蝦蟹鮮魚熬製，確喺叫人感受到嗰份真材實料。唔介意俾多少少錢嚟試好嘢，依個漁夫湯真心推介 。
牛肝菌意大利飯配松子仁黑松露醬 $188 Porcini Risotto Served with Pine Nut and Black Truffle Sauce
似乎大廚都幾喜歡以野菌配松露醬，當然，小弟都好喜歡依兩樣食材，加埋意大利，又喺另一鍾意嘅食材。意大利飯煮得煙韌有咬口，醬汁夠多，入口濕潤，牛肝菌菌味香，松子仁又鬆脆，配搭一流 ！
餐湯過後，卒之輪到主菜嘅觸目登場。是夜，細心嘅公關安排咗4道主菜，有魚、有豬、亦有牛和雞，希望讓大家試到唔同嘅食材。
蒸智利鱸魚柳伴魷魚、枝豆海鮮汁 $298 Steamed Chilean Seabass with Baby Squids, Edamame and Seafood Broth $298
鱸魚屬深海魚，所以矜貴在野生，無飼養，所以，蒸好後嘅鱸魚魚味都相對濃，而且肉質細滑，配以海鮮汁，清甜但又無蓋過魚鮮味；魷魚及枝豆作為點綴，簡單輕盈。
烤加拿大豚肉配胡合蘋果醬 $288 Grilled Canadian Pork Rack (10oz) Served with Baby Spinach, Potato Puree and Apple Rhubarb
據介紹，大廚選用加拿大豚肉，喺因為比一般豬肉肉質細嫩，油脂分佈平均。豚肉入口，確喺唔錯，有油香得嚟唔會覺得太肥膩；最稱心喺配上酸酸甜甜嘅蘋果醬，帶起豚肉嘅脂香，但又有種中和嘅作用 。伴以嫩綠菠菜葉、軟滑薯蓉、洋蔥絲及三色椒絲，都令人食得開懷。
慢煮美國牛肋肉伴甘筍蓉 $298 Slow-Cooked U.S. short Rib Served with Carrot Puree, Baby Onion and Beetroot Reduction
賣相甚有藝術及立體感，亦喺小弟是夜最欣賞嘅菜式，一來以慢煮方式，牛肋肉極之軟腍，肉味豐厚，卻又肉汁豐盈 ；淋上紅菜頭汁，既健康，又特別，雖然店家有提供法式、英式芥辣，但就算唔沾點，一樣好好食；再伴以甘筍蓉、洋蔥仔，都喺少見嘅特色配菜，故此，又點可以錯過。
香煎黃油雞伴脆藜麥、甘筍蓉、法國椰菜、無花果汁 $ 288 Pan Fried Yellow Chicken Served with Crispy Quinoa, Carrot Puree and Cabbabe Savoy
嚟自法國嘅黃油雞，同樣有用慢煮法，再煎香，所以，外皮香脆，雞肉嫩滑，蘸點帶甜嘅無花果汁，幾特別；而配菜又寧舍豐富，有甘筍蓉、法國椰菜絲、意大利煙肉、法邊豆，但要數特色莫過於近期大熱嘅藜麥餅，混和埋芝士、薯蓉搓成，慢火細煎，外層香脆，內裡煙韌，最重要喺佢可血壓、減膽固醇，有益健康嘛 ！然而，本土雞隻唔輸蝕得去邊，個人認為食法國黃油雞太重皮嘞。
其實，嚐過以上菜式，已叫人感到稱心滿足，但若然加埋一系列甜品，又使人點可以唔帶著幸福回家呢！甜品方面，餐牌中共有7款選擇，除經典嘅意大利芝士餅、法式焦糖燉蛋外，其他嘅都喺意、法頗有代表性嘅甜品。雜莓乳酪奶凍 $78
Panna Cotta with Mix Berry
意式奶凍又喺經典意大利甜品之一，奶凍做得挺身而軟滑，入口滿滿忌廉奶香，配合埋酸咪咪嘅雜莓果肉及紅莓果醬，唔花巧，唔造作，但簡單，而味美 ！
香蕉朱古力吉士拿破崙蛋糕 $88 Chocolate Custard and Banana Mille Feuille
個人不嬲都好欣賞拿破崙餅依款法式甜品，因為功夫何其多，技巧何其重。但配朱古力吉士的確少見，再棄用芒果，改用略煮過嘅焦糖香蕉片，究竟好唔好食？應該問有幾好食，柔細嘅吉士，鬆脆酥皮，焦糖嘅蕉片，襯上自家製真材實料嘅雲呢嗱雪糕，真想叫多客囉 ！
法式歌劇院蛋糕 $88 French Opera Cake
自從晌工聯會參加過示範班，知道佢喺又一製作麻煩至極嘅法式甜品後，只會出街幫襯而唔會試做。海綿蛋糕、軟心朱古力漿、咖啡牛油忌廉，一層疊一層足8層，再晌餅面加上開心果仁碎，以及迷你紅莓馬卡龍，配以小片金箔，更顯出其經典及高貴。其實，歌劇院蛋糕本身頗甜，但眼前食到嘅已略為減甜，軟心朱古力漿及咖啡牛油忌廉均非常香滑，很有水準嘅一道甜品 。
板粟蓉冧酒慕絲 $88 Chestnut Mousse with Rong Rum
最後出場嘅慕絲餅，單睇面層嘅栗子蓉，已知餅廚手功細緻，加上一粒糖漬蜜餞原粒栗子，點點金金箔，碟邊圍有雜莓及開心果仁碎，高雅而不俗氣 。板粟蓉粉香軟綿，粟子味濃，內裡喺冧酒慕絲夾海綿蛋糕，略嫌冧酒味太弱，似有還無，但喺，依然喜歡這甜品呢 ！
無論前菜、餐湯、主菜，抑或甜品，都有好出色嘅表現，加上舒適嘅用餐環境，及窩心熨貼嘅服務，當然食得稱心開懷。不過，睇睇以上單價就明白依個喺一個等價交換，但絕對值得，尤其歡渡一些人生特別嘅紀念日呢 ！
張貼
