90s Lazy (先施大廈) (已結業)

純粹見人影個得意餐牌而被吸引來食💛 對於中意食all day breakfast 嘅人來講好岩😍 價錢合理抵食 款式都算多🤣 食物來講正常發揮都冇咩特別😛 食過兩次 一次叫左個是但 (腸仔 炒蛋 茄汁豆 薯餅 多士 沙律菜) ($55) 而另一次叫左個懶人包 lunch set (腸 煙肉 炒蛋 茄汁豆 粟米粒 薯餅 多士 沙律菜) ($62) 因為係樓上cafe 所以都算靜靜地可以同朋友傾下計😙 但野飲方面比較茶餐廳式 唔同一般cafe 有好多咖啡款式可以揀🙈 不過想飲特別d 佢都有茶有奶昔有沙冰可以選擇🤤

年輕人的創意無限，數個九十後年輕人走在一起，可以創出一片天。更重要是能夠找到自己有興趣的工作，即使辛苦，也會全心投入於這間cafe當中。能夠擁有一家自己用心經營的cafe，老實說我也很羨慕。裝潢有家的感覺，巧妙地運用了薄窗紗將外面的舊唐樓隔開，增添私隱度。午餐包括簡單飲料，都是大路的茶餐廳貨色：朱古力、柚子蜜、咖啡。實在太餓的關係，所以捨棄了all day breakfast而點了飯。牛肋條煮得非常軟腍，西芹和紅蘿蔔也很香。不過略嫌醬汁較稀，味道也較淡。若加點茄膏於紅酒汁當中，會能增加色香味。這個是最豐富的all day breakfast，包羅萬有，腸仔也有兩款。多士烘得香脆，薯餅有薯粒得來也很脆口而不過油。要讚的是滑蛋炒得很出色，幼滑得來是真材實料的雞蛋，沒加水溝淡。這裡的性價比很高，而且餐牌名字也很有創意，貫徹九十後年輕人的作風。希望這裡能繼續努力下去，不被疫情拖垮。

第一次發現先達樓上有cafe，所以同家人一齊試下。冬天見到呢個光度，其實幾舒服。希望呢粒牛油果會成功長大☺植物擺設令食客心情輕鬆愉快 😍食物篇:可能環境太好，對食物都有啲期待我點懶人包，姐係all day breakfast.配一杯flat white 最好不過，可惜呢度唔系咖啡店，(只得普通咖啡） ，而咖啡店的all day breakfast 會好味啲🤦薯餅冇咩薯粒，就有啲失望 (但好香脆）其他就中規中矩 家人點就扁意粉，一上枱好香蒜蓉味，不過整體黎講都係冇乜特別另一位成員則點鰻魚蛋包飯，一上枱賣相吸引，鰻魚size都大塊；燒汁甜度同份量都不搶鰻魚味；呢個推介👍👍飲品推介紅棗水，健康同料多，好味同好岩女仔飲呢度係cafe 價錢同中上質素，擺枱唔擠逼，而且舖頭引入太陽光，係幾好坐。 離開嘅時候見到門口好多人排隊，但當時店員冇刻意收碟暗示我哋要離開，加分👍👍。

咁岩喺OpenRice見到旺角有主打年青人新開嘅樓上Cafe而且相片見裝修唔錯所以即刻去試吓去到嘅時候大約兩點幾，仲有午餐Menu見大部份人都係叫all day breakfast所以我哋有決定襯下熱鬧分量唔算太大，價錢合理，女仔食啱啱好而且lunch set免費跟熱飲一杯另外仲有全素選擇肚餓嘅朋友叫咗一個雞扒飯，雞扒即煎大大件非常有良心三個人埋單$180 ，算係抵食餐廳實際環境比影相嘅細，我哋喺星期六下晝兩點幾去到，咁岩好彩有一張枱可以馬上入座之後嘅客人就要排隊等入座了👀有機會的話下次會來試吓晚餐

放假黎到先達行個圈行到有少少肚餓見到隔離先施大廈有人宣傳新開既cafe,天氣咁熱又唔想行咁多路就入左去.入到去地方雖然唔係好大但有種好舒適休閒既感覺,擺設有好多盆栽同樓下車多人多既大街形成強烈對比.雖然以openkitchen形式地方細細但餐牌選擇十分足夠款式都幾多.午餐點左份懶人包同煙三文魚蜆肉忌廉意粉.懶人包簡單即係all day breakfast,以$58食到咁好質既all day breakfast真係好難揾到,炒蛋好香滑一入口好香既牛油同奶香味加上烘得均勻既多士入口2面同樣好脆,薯餅炸得鬆脆外脆內軟.雖然$58但香腸用料一d都唔會hea,有齊香草腸同法蘭克福腸.值得一試.三文魚蜆肉忌廉意粉都十分滿意,意粉彈牙煙三文魚帶起意粉咸香味又唔會太多忌廉汁令到意粉太膩.朱古力沙冰大大杯,咁熱飲返一杯即刻冰涼晒.唔受得太凍既我就揀左凍紅棗茶,底內好多紅棗片又唔會過甜,好解渴.