90s Lazy (先施大廈) (已結業)

你間餐廳一入去就已經好舒服 我係晏晝去嘅所以唔算多人 嗰時待應帶咗我哋去一個偏向角落頭嘅位 我哋四個女仔一齊坐都幾開心相對安靜啲 不過唯一唔好就係有啲熱因為間餐廳係有啲陽光嘢食方面我覺得都相對抵食 叫咗兩個煮食一個小食四杯嘢飲每人都係百幾蚊 嘢食都好食嘅 而且可以坐好耐可以慢慢傾偈😽嘢食方面叫咗一個意大利飯同埋一個意大利粉 個名係乜唔記得啦但係兩樣都幾好食 夠熱而且好夠味 好夠忌廉味😂 個小食係有雞翼同埋薯條兩樣都炸得好脆 最後每人$150左右我覺得好合理☺️🙏🏻 如果係為咗嘢食而去嘅可能就會有啲失望 但係如果你想搵一個舒服嘅地方可以傾偈嘅就非常之適合！

●黑松露忌廉野菌闊條面($58)●係完sem之前 要搵啲藉口出街 就係去cafe溫書😂😂 呢間黃店出名夠chill同啲嘢食好 食lunch time嘅價錢仲要勁抵😍😍成個環境都好文青feel 本身都好掙扎應該要食闊條麵定蒜香意粉 結論係why not both xd 松露味都夠 啲面都幾QQ 連平時唔係幾鍾意食闊條麵嘅我都接受到 同埋唔會太多汁 令到太濟 但係但係將嘅味道可以再濃郁啲 爭咁啲層次:// -●蒜香蜆肉意粉($58)●呢個伏味有少少濃... 對我嚟講太濃味 鹹咗少少🥺🥺好容易食多幾啖就味覺疲累同埋蜆肉嘅份量都唔係幾夠食~~得幾嚿未夠送曬成碟意粉 🤣🤣感覺有啲似我喺屋企自己整嘅嘢食😂💭💭💭好味(6/⑩)抵食 (7/⑩)💭💭💭

和朋友到旺角行街行到差唔多就開始搵嘢食上網見到好多人推介依家黃店啲嘢食又好似好靚咁我哋就決定試一試佢餐廳位置有d難搵，係樓上舖環境好文青feel打卡聚會一流明太子扁意大利粉配飛魚子💰118呢個明太子超級超級推介啖啖都係汁包裹住扁意粉每一啖面都可以食到明太子食落好濃郁，好鍾意明太子果種粒粒分明既可口感呢個必食！！！好味到我地叫兩兜黑松露芝士忌廉野菌闊條麵💰95呢個黑松露闊條麵都不錯麵條口感啱啱好黑松露汁加上野菌超級match美國BBQ汁豬肋骨半份💰98豬肋骨醃的入味香甜軟嫩超多肉汁牛油果沙律💰78由於超鍾意食牛油果所以無論牛油果嘅產品我都會話好味😹😹😹🥗好新鮮，好爽口啤酒薯條配黑松露醬💰55薯條炸得真係好香脆配埋黑松露醬簡直係無敵其實我哋係食咗豬肋骨嘅薯條後覺得唔夠喉😹又額外嗌咗一份薯條

一入到去就見到啲員工圍威喂，坐埋一枱㩒手機，已經覺得唔係好得。之後落嘢食，服務態度都好差，一個人做樓面，根本就唔夠，揾佢就黑面，冇嘢做就㩒電話。至於嘢食方面真係好一般，叫左個煙肉薯條，同埋五個主菜，薯條差唔多成最後先到，仲要係暖嘅，唔係熱嘅，不過好彩係脆嘅。朋友叫嘅黑松露燴飯，好淡味，啲飯又好冧，好似食緊粥。我嗰個就好一般。最重點嘅係，跟餐叫左杯30蚊嘅朱古力奶昔，佢一放低我已經即刻飲，完全冇朱古力味之餘，我覺得自己飲緊奶水，好稀嘅奶昔，冇食到有雪糕or任何cream狀物體，總之係一杯冇裝飾、好淡味嘅奶水，佢真係對唔住個價錢。如果佢唔係黃店，我會寧願飲麥當勞嘅奶昔。老闆應該係好慳家嘅人，亦有黃店應有嘅水準，完。

同朋友一行三人去試了呢間cafe, 呢間打佢佢地話都吾洗預約，直接walk in 就得。上到去，我地3人坐了圓台位置，感覺上有啲迫，如果可以安排4人位就好（見到有啲2人都坐4人台，我諗先到先得掛）。我哋叫左3個lunch set 加一個小食（薯條），最後都有叫埋甜品（cheese cake 同Tiramisu) , lunch set 都吾貴，平均一個$60-70左右，最後賣單$305，每日都無$100左右，性價比高，直得再回來。P.S:不過當日樓下有裝修，非常嘈吵，傾計都有時聽唔到講咩。

🔸青醬野菌扁意粉 🍝青醬味道調校得唔錯，兩粒帶子都夠大粒，味道鮮甜，意粉軟硬度適中，而且份量都幾多👍🏻🔸牛肝菌野菌意大利飯🍄個人覺得呢個意大利飯比較遜色，食落似蘑菇味罐頭湯既感覺，菇菇唔夠多，飯比較硬身。🔸凍朱古力& Oreo奶昔🥤飲品不過不失，正常水平。整體來講， Cafe環境都幾舒適，周圍都有啲植物做裝飾坐得都舒服，好適合同朋友傾偈食飯。不過餐廳嘅油煙系統做得麻麻地，食完覺得自己成身油煙味🙈

純粹見人影個得意餐牌而被吸引來食💛 對於中意食all day breakfast 嘅人來講好岩😍 價錢合理抵食 款式都算多🤣 食物來講正常發揮都冇咩特別😛 食過兩次 一次叫左個是但 (腸仔 炒蛋 茄汁豆 薯餅 多士 沙律菜) ($55) 而另一次叫左個懶人包 lunch set (腸 煙肉 炒蛋 茄汁豆 粟米粒 薯餅 多士 沙律菜) ($62) 因為係樓上cafe 所以都算靜靜地可以同朋友傾下計😙 但野飲方面比較茶餐廳式 唔同一般cafe 有好多咖啡款式可以揀🙈 不過想飲特別d 佢都有茶有奶昔有沙冰可以選擇🤤

2021年訂了幾個year goal，其中一個就係試盡香港既café。恰巧今日要去90s lazy café附近辦事，所以就上左去，開始我第一篇cafe食評。上到去第一感覺就好似之前既食評咁，好舒適既空間，啲枱唔會迫到密側側，唔嘈，啱晒我呢D要打躉2-3個鐘既人上去做野。原諒我孤家㝰人黎食飯，所以注意力去左其他人嗌咩野食，傾咩話題到。原來隔離枱坐住個係韓國讀完書既小小直播主，足足打卡打左廿分鐘。我望一望餐廳既環境，電燈同啲佈置都好熟口面，係ikea會搵到既貨仔。可能係舊工廈既關係，個冷氣機都幾貼頭頂。店內仲有好多盆栽，我見店員得閒就會照下燈淋下水咁。呢個格局既簡約程度，令我感嘆冇野係可以阻止直播主自拍。既然店主唔著重佈置，我對嗌左既食物就充滿期待。打到連隔離枱都寫埋，足足等左半個鐘，個餐終於出，唔知點解遲過我黎既客人已經食完（一樣都係意粉），我個餐先啱啱到。可能搵唔到更好既配料，所以要用嗰兩條打交叉既豆苗去做裝飾，係有少少搞笑既。同埋作為菇控既我，見到呢個菇既份量真係有少少傷心。不過入口陣黑松露味幾香，大路野所以個sause同啲herbs mix埋零違和感。汁好夠，意粉偏硬，唔怪，可能

Cafe放左好多小盆栽、木裝飾物、枱凳都係木做，入到黎有種悠閒既感覺😌呢個Lunch Set都係$5x-$7x 連飲品。仲有All Day Breakfrast系列，由普通Size $5x到大大份 $9x都有，岩哂英式早餐控😋✨"是旦" $52有法蘭克福腸、滑蛋、薯餅、多士、茄汁焗豆、沙律。薯餅同多士都好脆，個蛋炒得好滑。呢個價錢食到咁多料，夠飽，仲好抵。✨黑松露忌廉野菌闊條麵一擺上枱就聞到好香"菇"味，麵條好煙韌。跟餐飲品有得揀紅棗茶，好健康。呢度週末Lunch Time人多，早少少或者下午茶先黎較好。

《廢物女孩👭食の覺醒》#旺角篇👧🏿向左碌碌◀️◀️🍴香煎雞扒飯配法式蜜糖芥末籽汁 HKD 58先講雞扒 煎得金黃同都大塊 賣相唔錯🙈味道上都幾唔錯 雞肉好嫩 同juicy👍蜜糖芥末籽汁酸酸地 好香芥末籽味 用來送飯一流🤪整體配合上感覺良好🥳🍴窩夫配雪糕 HKD 52呢個窩夫就有少少敗筆😣本身都好奇怪點解窩夫上菜咁快（仲快過個雞扒飯😅上菜時覺得賣相都幾靚同幾香😂點知一食落口就知出左事 個窩夫入邊竟然係未熟曬嘅🤯口感上好濕 仲有少少蛋漿嘅味🤯蛋漿入邊D糖仲好似未完全混合到咁 食到沙沙地嘅口感🌚味道覺醒指數:3/5 抵食指數: 3/5服務指數:3/5.

先施大廈啫係先達大廈嗰度😬一入到去成個環境都好文青feel好靜叫咗個黑松露野菌忌廉汁闊條麵好香黑松露味 唔會太濟但如果可以再creamy啲就好啲 因為有啲乾蒜香蜆肉意粉有啲淡味 差咁啲日式饅魚蛋包飯個汁多咗啲不過蛋夠滑而且饅魚都好好食 仲叫咗個法式蜜糖芥末籽雞扒飯呢個我就無試到但老豆話好普通總括而言呢間好啱聚會環境好靚打卡一流 勝在夠靜！不過上野既速度就有啲慢因為佢地係逐樣逐樣煮如果你趕時間我建議你下次再食90後黎講算係唔錯可以去試下支持下佢地🥰

有一日經過旺角見到之前有blogger 推介呢一間90後主理嘅樓上店就上咗去食咗個tea☕️😆 雖然先施大廈比較噏耷 但係估唔到一邊暗藏呢一間幾有feel 良心小店😤👍🏻美味指數 😋: ⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔹 黑松露忌廉意大利粉 $55 一嚟到見到佢嘅份量其實有啲少 不過整體都算靚仔😛 味道就中規中矩啦 說實話未至於好突出🙈 不過以呢一個價錢食到黑松露都算係咁✨ 蕃茄大蝦野菌扁意粉 $62 個人會比較推薦呢一個意粉🍝 原因係呢一個比較有特色 至少係配菜方面都叫有幾隻大蝦同埋野菌點綴下🦐 味道都只係中規中矩 未去到令人有食過返尋味嘅感覺🧐雖然食物唔算突出但係佢嘅環境的確係不錯👏🏻 佢走嘅係小清新路線 室內裝修亦都有啲文清嘅感覺🍀 晏晝嚟嘅時候有啲陽光曬入嚟都幾有feel🌅 不過大家要留意嘅係佢係open kitchen 同埋廚房都比較細🤯 peak hour 人多嘅時候油煙味有機會比較重 同埋等待嘅時間都可能比較長⏳

90s Lazy係一間森系Cafe，餐廳環境佈滿綠色植物，店內有多個打卡位，環境不錯，但食物質素好一般😖◭ 明太子蟹肉忌廉扁意粉 $128我哋試咗一啖，意粉係凍架....我哋好意外，因為影相都唔係影咗好耐，未至於影完意粉就凍曬另外，意粉汁好「杰」身，同埋每條意粉捲起嘅時候，好容易碎開..成個感覺好差◭ 鮮茄大蝦珍珠帶子意大利飯 $118意大利飯係熱嘅，但飯質地偏硬身，鮮茄味又假假地...似係罐頭開出嚟嘅鮮茄醬大蝦同帶子普普通通◭ 啤酒薯條配黑松露醬 $55份量好大份嘅炸薯條，不過不失，無咩特別雖然環境舒適，但食物質素有待改善

約左朋友係旺角行街，想食小小野先，就去左呢間cafe到食all day breakfast 啦睇左openrice 都知佢係平價all day breakfast 專登去食下都有幾個all day breakfast 揀我地就揀左B2 whatever是但 同B3 No idea 我唔想諗啦都有其他lunch set 可以揀拎黎打下卡又幾靚既蛋 茄汁豆 腸 都正常煙肉好脆好好味窩夫本身諗住係即叫即整果隻原來係窩夫餅 有小小失望 只係合理價錢 唔算好抵...大致上都差唔多 薯餅都脆呢個價錢 合理既表現！打卡都唔錯既 同朋友有個地方吹下水

朋友帶我去旺角先達附近的樓上cafe，入到去就比舒適的環境吸引。望望餐單，lunch 選擇唔算多但都有心水。揀咗日式鰻魚蛋包飯，肥厚嘅饅魚配上香滑唔乾嘅蛋包飯，仲有好多燒汁食到最尾都唔會乾。加杯凍啡一個飯腳，就可以吹足一個下晝。90s lazy個環境實在太舒適啦，而且食物質素高又唔貴，lunch time去一人一個套餐再加多份薯條都係一人百二蚊，捧住肚走。