留家廚房

營業中

休息中

話說老友 “安妮亞” 相約潮州菜二人飯聚, 世事如棋, 最後演變成八人中菜飯局, 選址 “留家廚房”, 最驚喜係 “長介母后” 俾面出席 🥰.📖 “留家廚房” 由劉健威劉晉父子打理, 主攻冇味精傳統粵菜, 於2004年喺天后清風街開業, 2012年於灣仔設分店.🤗 今晚老友 “意大利長介” 負責訂位點菜, “長介” 堅持安排廂房, 座位闊落, 環境舒適, 服務殷勤到位, 十個讚. 食物方面, 初嗜太史戈渣, 菊花魚雲羹, 臭豆腐雲吞, 大開眼界! 整體食物質素Ok, 用餐愉快.🥢 "長介" 預早點咗三個頭盤, 七道主菜, 兩款甜品, $6,080+茶芥+10%. “長介母后” 即場追加兩個頭盤, 一道主菜, 覇氣盡現.🐚 頭盤... 醉鮑魚. 正常發揮.🤗 太史戈渣, 點砂糖食. 鎮店名菜之一. 聽講成份有雞子, 蛋白質香味濃郁. 我覺得唔點砂糖仲好食. “長介母后” 聽到我話好食, 即埸追加多一碟 😂. 📖 翻查資料: “戈渣” 源於北方叫鍋炸嘅甜點, 傳至南方後, 江太史改良變成鹹點. 江太史又係乜水? 晚淸時期, 最後一屆科舉進士江孔殷, 身居要職, 更是有名食家. 由於他曾進翰

留家廚房係一間以傳統天然粵菜打出名堂既中菜廳，仲係2011年榮獲米芝蓮1星殊榮，bookmark左好耐，終於有機會試留家叉燒選用豬既稀有部位「梅頭嘴」，唔用鬆肉粉&人造色素，以廖孖記醬料醃製，即叫即燒，燒至燶邊，叉燒好腍帶少少肥，蜜汁一d都唔吝嗇，好好味留家煙燻雞以鹵汁浸熟後以乾玫瑰花蕾，片糖、甘庶煙燻而成，隻雞真係好滑，淡淡既煙燻味芬香撲鼻，好出色太史戈渣以上湯同雞蛋製成，係北京既街頭小食，食落係有d似玉子，但質地係更加軟滑，幾得意鳳凰焗魚腸面頭放左d油炸鬼，魚腸份量都唔少，真材實料，平時真係好少機會食到呢道菜，可惜原來我不太喜歡魚腸既腥味蝦子柚皮柚皮製作工序繁多，需要花好多時間既一道傳統粵菜，柚皮一d苦澀味都無，個茨汁用上金華火腿雞湯熬製而成，再撒上蝦籽，濃郁好味懷舊芝麻卷唔太削亦都唔太爽，煙韌度岩岩好，甜度適中，芝麻味可以再香d就更好了蛋白杏仁茶杏仁味唔算好香，甜度則岩岩好芒果雪葩用上當造印度芒果新鮮製成，真係好似食緊啖啖芒果肉咁，清甜好食每一道菜都係心機菜，而且食完一d都唔會覺得口渴，價錢都合理抵食，CP值高既一間粵菜餐廳

一直想去這間由知名食家創辦的餐廳，拖拉了一段時間，今日終於剔起心肝一家人去一探虛實。「留家廚房」位於灣仔一幢普通商業大廈樓上，地理位置唔算特別理想，室外景觀完全欠奉。至於室內裝修，只可以用「平實」兩個字去形容。「留家廚房」的賣點並不是鮑參翅肚等名貴菜式，而係原汁原味、不添加任何味精雞精的心機粵菜；部份菜式雖然有點似住家菜，卻是考功夫兼花時間的老派粤菜，即類似近十年八載大熱的私房菜。以上幾點宗旨以今時今日的飲食潮流來說沒什麼特別，但「留家廚房」開業於2004年，以當年的標準來定義，已經比別人走前了一步，直逼五星級酒店中菜廳的水準了。餐廳一直十分重視菜式選材，既與元朗八鄉農莊合作採購本地種植有機蔬菜，甚至搜羅大嶼山二澳種植的本地稻米！老闆積極支持本地農業復耕的態度實在十分值得推崇。除了二澳米之外，尚有其他三種靚米選擇。為了突顯這四種優質稻米的珍貴，特別採用「高溫蒸氣電磁感應 IH 電飯煲」煲飯，並且高調陳列在餐廳顯眼處，還要一律只賣 $20 一碗。對比普通白米飯都要 $16 一碗，就一點也不覺得貴了 ⋯⋯ 只可惜是結帳後，走到餐廳門口才發現有四種靚米可供選擇，所以沒有機會一嚐。留家煙燻雞(