影片
更多
2010-12-31
449 瀏覽
BOOK咗6:30，準時到達，已約好大秘書同阿蘇亦都喺門口等緊枱，其他人均遲到(當晚共7位，不過只有四位準時)，終於入場啦，被安排咗一樓枱，諗住好過地面點知......一坐低不斷催你落單，同佢哋表明想等齊人先落ORDER....但都係咁問你叫咩....吹脹~哎算啦，攪到未齊人都叫咗個海底椰拼沙爹鍋、手切肥牛、鮮鵝腸先上.....點知等咗好耐上咗個海底椰唔知咩菌鍋，因為有人唔食得菌所以好肯定我哋唔會叫錯，同個年輕待應講，佢就同個兇相女待應講，點知個兇相女待應大大聲周圍問啲其他待應係咪我哋落錯......有冇攪錯....第一: 我哋一定冇ORDER錯，第二: 如果個客要換，你都要換架啦...。跟住個兇相女待應超唔願意走埋嚟拎走個鍋囉，超差~再等七點三到，朋友到齊個鍋先再嚟，咁做咩之前要係咁催....好啦想加ORDER叫黑柏葉，個男部長一頭捧喝話"冇呀"，咁我再問普通白柏葉有冇，再一句頂心，語氣超勁差咁話"冇"，未食到一成已經一肚氣，啲嘢食又等鬼咁耐先嚟，問有咩鮮魚，個男部長又大大聲，好似叫你食唔起就唔好問咁....攪到本應想叫條活魚都俾佢啲態度攪到我唔想ORDER......食物方面真係好
一坐低不斷催你落單，同佢哋表明想等齊人先落ORDER....但都係咁問你叫咩....吹脹~
哎算啦，攪到未齊人都叫咗個海底椰拼沙爹鍋、手切肥牛、鮮鵝腸先上.....點知等咗好耐上咗個海底椰唔知咩菌鍋，因為有人唔食得菌所以好肯定我哋唔會叫錯，同個年輕待應講，佢就同個兇相女待應講，點知個兇相女待應大大聲周圍問啲其他待應係咪我哋落錯......有冇攪錯....第一: 我哋一定冇ORDER錯，第二: 如果個客要換，你都要換架啦...。跟住個兇相女待應超唔願意走埋嚟拎走個鍋囉，超差~
再等七點三到，朋友到齊個鍋先再嚟，咁做咩之前要係咁催....好啦想加ORDER叫黑柏葉，個男部長一頭捧喝話"冇呀"，咁我再問普通白柏葉有冇，再一句頂心，語氣超勁差咁話"冇"，未食到一成已經一肚氣，啲嘢食又等鬼咁耐先嚟，問有咩鮮魚，個男部長又大大聲，好似叫你食唔起就唔好問咁....攪到本應想叫條活魚都俾佢啲態度攪到我唔想ORDER......
食物方面真係好一般，個湯底無可口非係沙爹香濃，海底椰都又濃又甜，手切肥牛都幾好，又軟又滑又有微微牛油香，鮮鵝腸係帶膏嘅新鮮貨，炸魚皮係自家製，又鬆又脆再同加上啲避風塘，真係唔錯。其餘之外不值一提，尤其係個咩招牌四寶丸，見到眼都噴火...咩招牌呀....佳寶貨色貢丸、魚蛋、包心丸+鮮墨丸各四粒....吹脹成$68....俾啲誠意吖....
牛皇星....只有手切肥牛、牛粒、牛脷....咁再問兇相女待仲有啲咩有關牛可以order啦，佢大大聲話黑柏葉喎.....成枱人呆咗，跟住即刻order一碟，佢又真係有得嚟喎............. 大家可想而知.....服務質素.......如此..........
成晚7個人$18XX，因為我哋自己帶咗支酒去，唯一 好處冇開瓶費，但係我哋係咁叫梳打水，都係錢吖，叫佢哋俾個jar同冰都好唔願，總之成晚一行7人都食得好唔高興，仲點可以令我哋食到食物味道吖，總之一家冇下次......................完。
張貼
