靚煲皇 (已結業)

時隔咁多年，終於等到开关可以回流反梨香港，趁住天氣又开始凍，約埋幾個舊知己去老地方（靚煲皇）聚下腳先，見到老細反梨，估唔到佢仲認到我老實咁講，咁多年呢度都無點變过，唯獨味道呢方面真係改變左，好食左好多，今日點左個靚煲皇食，咁多年都依家咁驚喜，個煲又大啲料又足，個湯真係好濃郁，啲豬骨好多，仲有啲蝦干吊片令到個湯底好鮮甜今日嗌左個手切肥牛，啲牛好嫩，好易咬，好濃郁既牛味，揮之不去，每次必點之菜！！手打蝦丸同埋個双滑都好彈牙，好香各自各既本身既味道炸午餐肉甘多年都係做小食最一流既，炸出梨個口唔會好油膩，而且仲好外脆內軟好奈地無試过脆鯇片係脆既，反梨香港之後就算試过去街市買过梨食，但都係唔脆既最後就係個貴花蚌，好鮮甜，好味菜籃就唔多講啦整體梨講，真係甘多年都屹立不倒證明佢真係好好食，同埋價錢真係好值，每人平均消費都係$400左右我見到佢除藥膳雞煲之外仲有羊腩煲，當然仲有其他湯底里，过幾日可以再梨試下先題外話，呢度咁多年都冇變嘅係有得睇世界盃，正😁

去靚煲皇同朋友補祝生日, 呢間靚煲皇果然名符其實, 無令我地失望。我地點左老闆推介的 <招牌靚煲皇湯底> 同散叫左幾碟火鍋料, 等左一陣已經上齊晒。首先當然睇下<靚煲皇湯底>, 原來係海鮮+豬骨湯。值得一讚係湯底足料火喉夠, 好鮮甜直情可以就咁飲, 搞到我都忍唔住飲左碗湯, 入面d豬骨超軟淋俾我地清晒。連手切肥牛都咁靚極上黑豚肉除左火鍋配料, 仲有熟食的小菜可以散叫。我地點左兩個小食 <豉酒皇鵝腸>及<泰式墨魚餅> 都好入味, 大家一定要試下 😋我都好耐都沒試過一間湯底足料, 食材又新鮮的火鍋店, 價錢仲一點都唔貴, 屬於中價。今次朋友們都非常喜歡這間火鍋店,極力推介

呢排天氣凍最適合打邊爐嘅日子同啲朋友行咗好幾間就嚟咗呢間火鍋店打邊爐跟住我哋就坐低眼見到周圍枱都係叫肥牛於是我哋成班牛魔王就叫咗肥牛展，手切肥牛，響鈴等等嘅食物跟住再加咗一個豬骨煲 咁我哋等咗一陣 咁就豬骨煲同埋啲火鍋配料就一齊上嚟啦首先我哋試咗肥牛展口感非常 爽口而且好彈牙，跟住我哋就是咗個響鈴，今次呢個響鈴 我同啲朋友都估唔到原來佢地 即叫即炸當然我哋就等係試一試 咁就入口就非常鬆脆，之後我哋就食我哋嘅重頭戲 手切肥牛肥牛入口好軟熟好重鮮牛味而且不肥膩脂肪同牛肉嘅比例係十分配合 所以好香 到最後再講埋呢個豬骨煲 用料十足 所以呢個豬骨煲加呢個火鍋配料係非常配合， 鍾意食牛嘅朋友不妨可以嚟到呢一間火鍋店 嘗試

正值二十四節氣之大雪我們又一起出動吃火鍋被安排在露天位置北風送爽更有風味先點兩款頭盤作開場禮泰式蝦餅香口惹味豉油皇鵝腸煙韌肥瘦適中胡椒豬肚湯是暖胃之選材料超多還有鮮嫩滑雞湯底濃厚不沾豉油也ok二人點小份手切肥牛已足夠牛肉比較瘦削但肉味濃厚極上黑豚肉豬味超濃半肥瘦雖邪惡但非常美味鮮蝦雲吞大大粒扇貝一客共有四顆鮮甜好味肉質爽口手打芝心墨丸是心思之作一口咬下去芝士湧出又是另一邪惡之作白鱔片油脂豐腴又嫩滑獨有的味道令人吃上癮響鈴新鮮炸起燙口泡在湯頭裡五秒就可以食用二人滔滔不絕的重溫中學舊事邊吃香邊喝辣樂趣無窮

秋風起就諗起打邊爐上次係靚煲皇食過番尋味因為材料真係好新鮮，而且都幾抵食老闆服務一流又好傾，佢會主動教我地點食先係最好食所以今次聚會地點又決定黎番呢到其實我係貪佢有usb插頭叉電同埋wifi多到比我開直播都得其實仲有響玲同烏冬！不過只可以擺12張相，見上次擺左就忍痛放棄啦🙈鮮炸自家製響玲極度推薦大家試！真係新鮮腐竹炸出黎🤤🤤所以可能比其他食物耐小小先到，但岩岩炸完個下真係香到癲，吸埋個湯勁好食，每次黎都必叫！烏冬又係勁彈牙，都係自家制架！無普通烏冬既酸味，建議大家淥一陣就好食，唔好浸到淋曬，曬左個靚烏冬呀！

又到捉精靈時間 為左捉 我地真係周圍去今晚走到大角咀 轉角呢間靚煲皇睇下係咪店如其名先🤔可能位置有點唔就腳 唔算多人我地一行4人㨂左店員推薦嘅艇皇扇貝煲有4大隻扇貝 魚片 紫菜 等等 勁鮮甜手切肥牛少不了 超有牛味 而且好大碟降霜牛粒 同樣有牛味 比較有咬口啲丸真係不得之了 勁大粒之餘 勁彈牙鮮水餃 應該係自己包 勁大粒 皮又薄最尾少不了炸魚皮 又係勁大籃同勁脆 爆正埋單大約$250一位 食物質素有返咁上下而且份量十足 大家都覺得唔貴

見近排的天氣有點涼涼地, 又係去打邊爐的好時機, 上星期便相約友人去了位於旺角的靚煲皇食飯.坐下後, 店員先奉上醬汁, 自行混醬.不久就送來一碟小食, 麻辣雲耳. 我話我沒有點到, 原來是送架, 咁又幾好喎.雲耳幾爽口, 對於不太食得辣的我略為辣了一點, 愛食辣的朋友會鍾意.湯底選擇也有不少, 最後我選了細的靚煲皇.火鍋上枱拉~材料相當豐富, 當中包括扇貝, 豬骨, 魷魚乾, 翠肉瓜, 粟米, 紅蘿蔔和白蘿蔔.店員話當湯滾起, 便可以先食料和飲湯.愛飲湯的我, 當然第一時間試下湯的味道.湯夠鮮甜, 我就一口氣飲了兩碗. 另外, 又要食下材料先, 否則太滿打不到邊爐.扇貝幾新鮮, 質感幾彈牙.豬骨我自己鍾意食, 基本上已經離骨, 肉夠腍身.而各款配料吸收晒湯的精華, 所以特別清甜.單單食這個鍋, 已經飽了幾成. 我地只是點了手切肥牛和白魚蛋.手切肥牛色澤鮮紅, 而且脂肪分怖平均.我自己不食生嘢, 牛肉即使全熟也幾嫩滑, 完全不會覺得硬和乾.而牛味尚算濃郁, 味道不錯.由於食了較為多肉, 所以點了一份白魚蛋.魚蛋口感不俗, 幾彈牙, 而且吸收晒湯裡的精華, 更加鮮美.我自己最怕食太多粉整成

歲半的B女已嫌棄她的「飯仔」要跟我們出街食飯。每次都要揾間有湯麵的餐廳, 有些悶。今日改去打邊爐, 希望B女喜歡。揀間在openrice評語不錯而且街坊價錢的「靚煲皇」評語不錯。 (地址寫大角咀, 其實都好近旺角地鐵站, 好彩!)「靚煲皇」名字好local及街坊, 門口放了幾張枱櫈冬天坐外面氣氛不錯, 但是夏天都是躲入有冷氣的室內最好!室內不太大, 但有電視。而且每張枱有藤籃方便客人放袋, 又有3層鐵架放火鍋料, 比出名的火鍋店更貼心。最特別除有免費wifi外, 竟然有usb方便客人叉電 真厲害。店員先送上2款免費小食, 脆花生及麻辣青瓜豬手。這個自家製麻辣青瓜豬手幾惹味, 豬手起骨再切粒, 每粒都有豬皮及豬軟骨, 充滿骨膠原, 爽口又有質感。醬料只有葱花、辣椒粒、炸蒜蓉、生蒜蓉及芫茜。選擇比較少但竟然要$10/位。最後這醬料比較失色, 可能缺少了沙茶醬、麻油這些香口醬料。湯底有多款選擇, 店員落力推介她們的皇牌湯底靚煲皇$238, 可惜只有我、老公及小B恐怕太多最後揀了冬瓜瑤柱鍋$68。這湯底有不少冬瓜、瑤柱粒及什菌。湯底清甜, 適合我這類怕熱氣的人。火鍋料選擇大路, 價錢大衆化。我

香港人除咗生活急促，生態仲好獨特，例如鐘意冬天食雪榚、夏天打邊爐，突然挑起條筋想試下「如何大熱天時打邊爐」。不過人大咗，相對起「任食」，「質素」更形重要，記起大角咀有間「靚煲皇」，搬鋪後一次都未去過，於是就約埋男公關再次出征。成年無嚟過，由樓上鋪搬去對面街樓的地鋪，雖然Size好似差唔多，不過裝修同座位都大有進步，由平民化升級感覺更高檔。檯凳新束束之剩，亦有椅背，坐都坐得舒服啲。冷氣通風都唔錯，雖然夏天，有冷氣打邊爐無難度，而且食完唔會個身一陣「邊爐味」。仲有細檯仔同籃用嚟放袋用，相當貼心。特別要讚嘅係除咗有電視，仲有Wifi同USB差電口，慢慢一邊打爐，一邊打手機Game長期作戰無難度！一埋位阿姐就送上前菜，花生瞬間掃清，但酸瓜對好多人嚟講就真係太酸，幾乎無乜食過。除咗前菜，阿姐亦會遞上醬料Box，方便客人依個人口味「混醬」。邊爐湯底有好多種，除咗平時嗰啲「沙嗲」、「皮蛋芫荽」等，仲有「冬陰功」、「豬骨煲」、「花膠海參雞」等多種特色湯底。亦有少量鑊氣小炒，不過打得邊爐就唔叫Lu。靚煲皇 $238雖然想叫「花膠海參雞湯」，不過因為有朋友唔食花膠，最後都係要「靚煲皇」。本身就係胡椒豬骨煲