湘聚小廚

營業中

休息中

香港人來說，本人算比較食得辣，第一次挑戰湖南菜，還是叫小辣比較穩陣。但比起寡淡的廣東菜，湘菜真的南轅北轍， 一於和友人淺嚐箇中澳門。 干鍋肥腸（$118） 重口如我一早盤算好要吃肥美的辣味菜式，果然沒有失望。雖然辣，但並非川菜般辣得叫人痛哭流涕如聾如啞。 鍋以明火保溫，菜式卻神奇的不黏底。青、紅辣椒，以大量薑、蔥、蒜和洋蔥爆香；帶出鹹，鮮和辣之餘，依然保留大腸的甘美風味，以及爽嫩兼備的口感。 手撕包菜（$88） 刺激過後總得有點溫和的蔬菜平衡一下。簡單的木桶炒菜，以臘肉和少量辣椒提味。沒錯，依然是又鹹又辣，但非常送飯，已經是這餐飯的小清新代表了。 雜糧包（$59） 本來想要的艾葉粑粑（用艾草製作的茶粿/糯米糍）竟然售罄，不抱期望之下，以賣相普通的雜糧包代替，總比白飯過癮。 意外驚喜是，沒有北方粗糧饅頭的乾硬粗纖；包身軟熟，更帶撲鼻麥香。嚥下彷彿有喝完烏龍茶的甘醇餘韻。半球體的兜形包，供盛載鹹鮮梅菜，非常惹味。 一籠八個分量奇大，打包回家後，包子不免沾到肥腸的紅油。以氣炸鍋翻熱，竟有「多士塗牛油」的香脆效果，喜出望外。 915 炸花生（$8） 海帶絲（$8） 另設加一服務費

好日唔黎西環，朋友搬左過去係咁話好多好野食，今次帶我地去食湘菜。好地到嘅一間湘菜店，店員都係講普通話，不過當然都識廣東話啦。 成個menu都係紅色辣椒，不過好似可以揀辣/唔辣，所以大部份人都岩食。呢個鐵板魷魚鬚好好食，好香好膩味，魷魚份量都好多，成大碟都係滿滿魷魚鬚👍🏻呢個味道唔算太辣，香口有鑊氣。手撕包菜同其他地方食嘅唔一樣，多少少汁，爽口，唔辣，不過送飯一流。朋友重點推介孜然寸骨，唔好比佢紅色辣椒嚇到，其實唔算辣，孜然味重，肉亦唔鞋唔硬，好鬆軟。口水雞亦係另一推介，佢雞肉好滑，個「口水」汁好好食，香味好濃，辣度適中，停唔到口。雙椒蒸茄條我所有朋友都食唔到，話太辣，不過我食好鍾意，茄條林滑，冇澀口，香辣好味，不過未必個個都抵得住個辣度。最後再黎多個水煮牛，勁大個煲，份量勁多，好多好多牛肉，牛肉亦都唔會過熟，入面亦都有火煱粉，好香好好味😋整體感覺好好，正宗唔貴份量大，多d人一齊食最好，可以多叫幾味。

呢排愛上左食辣野，係朋友介紹下得知西環有間食湘菜既小店，而我又好少去港島食，就去試下啦🤤呢間店鋪雖然唔係大街，但平日晚飯時間仍然滿座，可見食物質素應該唔錯啦！又於太肚餓關係，我地都叫左幾多野下，第一樣係鐵板魷魚，賣相唔錯，魷魚鬚燒得好惹味，雖然好多辣椒，但唔太辣，好岩我呢d唔係好食得辣既人，好岩送飯，下次黎一定要encore呢味！跟住就要左個水晶粉，酸酸地應該落左醋，食落好開胃，食到最底原來有蛋，撈埋一齊食應該幾正由於好似叫左好多肉咁，就叫返個菜，唔好睇佢係普通椰菜，但炒落好香，唔會太辣又叫左我最喜愛既口水雞呢到既口水雞好新鮮，雞皮都好爽，配埋garlic同獨有既醬汁，食完一舊又一舊唔好睇呢碟有咁多辣椒，其實都唔太辣架，孜然味好重同入味，燒得好香，而且價錢唔貴呢碟水煮牛肉好足料！之前都食過其實餐廳既水煮牛肉，粉量都冇咁多，我地4人已經不停咁食，仲靜返好多牛肉，除左牛肉外，仲有芽菜同透明既粉，好彈牙同入味最後就叫左個茄子，呢個先係重頭戲！勁辣！其他菜睇落好多辣椒，唔太辣又夠香，但呢碟茄子加了尖椒同紅椒，超級辣😂無論辣味同麻味都好勁，配埋蒸茄子好入味，鐘意食辣既人唔好錯過香港好少餐廳食湘菜