汎花餐廳 (已結業)

汎花餐廳位於長沙灣順寧道近東京街，係一間非常素食 friendly （蛋奶素為主）嘅泰式 fusion 餐廳。🇹🇭睇完餐牌之後我覺得啲價錢都好平，想食 lunch 但又睇中咗特色 4 道菜素食套餐嘅椰汁雜菜意大利燉飯，我就問老闆娘可否當 lunch 咁叫，佢好好肯幫我做。🤗其實點解我唔直接叫 4 道菜餐，因為我果刻誤會咗果個係二人餐，返屋企睇真張餐牌先知自己搞錯咗，唔好意思麻煩到老闆娘添 😂。其實 4 道菜餐好抵食，因為有埋頭盤，餐湯同飲品（而 lunch 只可選餐湯或飲品），午巿仲有七折。所以大家千祈唔好學我叫得咁騎呢。🤣初初以為個素湯係雜菜湯，但原來係雜菌忌廉湯，好夠熱又好鮮味。😋🥥 椰汁雜菜意大利燉飯份量好多，好 creamy 又食到淡淡嘅椰奶香味，意大利飯軟硬適中。配料除咗見到嘅青瓜同車厘茄外，仲有粟米粒同豆角。🌱另外我想試打拋肉芝士焗大啡菇 $58 轉新豬肉（加 $20），但老闆娘話未有新豬肉，佢就建議我轉做粟米粒，都好似唔錯喎，都只係計返正常版嘅價錢。😃🍄 大啡菇好鮮嫩多汁，芝士夠香濃又有拉絲，配粟米粒都唔錯，但想像到配新豬肉會好好味呢。另外仲有啲洋蔥粒响入面。🧅另外叫咗凍

呢間餐廳面積唔大，但裝潢簡約，整體風格和諧溫暖❤️係泰式fusion菜，店員仲好nice，上菜都好快🫶特色4道菜套餐 $138 x 2sets叫左2個套餐，每個套餐都有沙律、餐湯、主菜、飲品同甜品，非常豐富。🔹️冬蔭功大蝦意粉 (主菜)大蝦大隻加厚肉，肉質鮮甜爽彈，揉合酸中帶微辣的泰式冬蔭功醬汁，酸酸辣辣很是開胃。意粉煮得剛好，彈性中帶點煙韌的麵質，咬口嚼勁，意粉都掛滿汁。🔹️煙三文魚紅咖哩意大利燉飯 (主菜)賣相好吸引，面頭係煙三文魚包裹住三文魚籽，而Risotto咬下煙韌，吸飽了紅咖哩醬汁，食起來濃郁夠味，配埋帶有鹹味和煙燻香味既煙三文魚同三文魚籽一齊食，更惹味。🔹️泰式燒菠蘿沙律 (沙律)烤過的菠蘿變得不再澀口，配埋新鮮沙律菜，味道非常清新。🔹️泰式青木瓜沙律 (沙律)將青木瓜切絲以泰式傳統調味料調味，再加入清新蕃茄，青木瓜清甜，味道開胃又清爽。🔹️是日餐湯今日係雜菌忌廉湯，忌廉湯入口濃厚滑溜，菌香撲鼻，味道比想像中豐富。🔹️手標泰式檸茶濃厚的茶香和檸檬果香，可以中和餐後油膩。🔹️精選甜品係椰子雪糕配芒果汁，食落雪糕有椰絲，椰子味濃郁，配微酸既芒果汁，味道豐富。