越一越南牛肉粉專門店 (已結業)

平日夜晚放工，攰到嘔，真係想食餐好少少嘅。落荃灣轉車，咁就順便食埋晚飯先返屋企啦～～喺地鐵站附近有太多選擇，花多眼亂！行過力新地下，有間食越南野嘅，不如今晚就試下啦～～去到門口，剛好有人走，等一陣就有位～～原來佢哋有Gulu可以拎飛，咁下次食就方便喇～～都好多選擇喎，夜晚仲有餐可以order，唔錯喎～～Order杯飲品飲住先～～前：《椰汁紅豆冰》後：《椰汁三色冰》兩杯都唔太甜，味道剛好，不過如果可以多少少紅豆會更好！《火車頭湯河粉》濃濃嘅湯頭，牛味幾重，配上河粉好好味！餸嘅份量都幾多，有牛腩、牛肉、牛丸、牛柏葉《生牛肉湯河》湯頭一樣濃，個人比較鍾意配生牛肉，可能牛肉係浸熟，所以肉質keep到滑身，好味！Order多兩款小食《扎肉蒸粉包》蒸包餡料夠多，重點一定要配埋蔥油同炸蒜一齊食更香口！《牛油蒜蓉雞翼》炸得夠乾身，蒜味好夠，唔會係死鹹，肉質都算幾嫩，味道不錯！整體嚟講佢哋嘅質素不錯，款式多，而且價錢大眾化，店員有問有答，禮貌真的算不錯！值得一贊！

好耐冇食過越南野啦 呢間越一 有陣時晚市都幾多人😯 今日weekday早食 見有位就去食dinner啦😛我哋兩個人叫咗一碗粉 想叫多啲小食食下😝叫得越南牛肉粉專門店 就梗係叫下佢嘅推介越一生牛肉湯河😋 轉金邊粉或者檬粉都唔使加錢🤣 所以我就決定要金邊粉啦！🤣生牛肉貌相好吸引 真係只係用湯浸熟😍 牛肉都keep到好嫩 牛肉味滲晒落湯底度😍 令到湯底特別好味😋 餐廳亦比左青檸 想食酸少少開胃啲嘅可以落埋青檸😙想食啲菜所以就要左豬頸肉青木瓜沙律🥗 豬頸肉比得一啲都唔孤寒 起碼有五至六塊😍 不過師傅連刀切 雖然睇落靚啲 但食嘅時候有啲麻煩要咬開😂見到廚師十大推介入邊有法式牛油蒜蓉雞翼同扎肉蒸粉包 我哋望見都想食啦😍雞翼超級香牛油同蒜蓉味 不過粉漿厚左少少🤔 可以唔使落太多 其實雞翼本身都好大隻 牛油令到成件事好好食又邪惡！扎肉蒸粉包都OK嘅 扎肉唔係切碎放喺粉包入邊 而係放喺粉包面頭！扎肉仲有粒粒胡椒味！點埋魚露食又開胃 輕鬆食晒四件😋😋

又喺同老友星期六嘅行山日，呢次得我哋兩支公，可以揀啲難少少嘅，就一於行龍門郊遊徑，但就由城門行番上川龍，撐吓樓梯級。行咗兩個半鐘，算喺咁上下。行完，就無晌川龍飲茶，反而落番荃灣食越南粉麵，喺老友介紹，就即管試吓。「越一越南牛肉粉專門店」位處路德圍嗰邊，正正晌紅十字會側旁，地方四正企理，一室木系帶點小清新，少少越南嘅竹帽做掛飾，餐廳尾又有一大張越南風景相，喺邊度嚟就唔知，有機會我都想再去多轉越南，暫時越南足跡只及河內及下龍灣 。午市時段，主要喺供應午市套餐，一系列湯河、飯、撈檬，定價$45-$62，全包一杯基本熱飲，但可加錢轉為其他越式特飲，此外，亦可升級加配越式小食。目測店員都喺啲後生仔女，服務都算幾勤快，唯一甩漏喺我杯凍飲落錯單。而餐具、魚露，放晒晌枱上，自由取用。扎肉米紙卷 +$12見啲小食加配都喺十零、廿蚊，感覺幾抵吓，就即管試試，不過，試過之後就覺得性價比低。先講米紙卷，其實只有一條，一開二，睇佢送到嚟就知幾迤吓。米紙卷塞滿扎肉條、甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，算喺唔錯。扎肉蒸粉包 +$16一客兩件，而扎肉唔喺加入粉包內，而喺放

當晚，跟荃灣工作的街坊食友走到荃灣青山公路 <越一越南牛肉粉專門店> 食越式晚餐，餐廳正是南豐中心對面，力生廣場隔離，位置方便就腳！這裡環境舒適！供應：多元化的越南菜，亦有二人套餐！二人套餐 $198元肉桂圓茶 +$18桂圓是龍眼肉，清肝明目的杞子，有益健康！卻是一杯好甜的飲品！上湯蘿蔔熟透而清甜的蘿蔔，食落無渣，吸收湯底精華，更帶出清甜！牛油雞翼蒜香味特濃！雞翼外層金黃香脆，保持內裡多汁！香茅豬扒河粉湯底以牛骨熬製，鮮甜味濃！令人回味！雪白、薄身而幼身的河粉，滑溜略富彈性！掛湯入味！香茅豬扒肉質鬆軟入味！柚子沙律最後送上的柚子沙律，柚子飽滿多汁，而且份量豐足，卻是其辣味霸道！扎肉蒸粉包 $42她好想食蒸粉包，所以加點！一客四件，蒸粉包好飽滿！粉包質感柔軟帶煙韌，內裡滿載餡料，包括：粉葛、冬菇、肉碎、...惹味不已，一濃一淡，配搭剛好！這間越南餐廳的越式美食，除了合口味之外，而且又好抵食呀！