高興 (已結業)

剛好在附近工作，同事介紹高興餐廳。聽到個名以為係啲茶記，無諗過原來係間Cafe。高興係觀塘一個工廈既地下，唔洗搭𨋢都幾方便。臨近萬聖節放左🎃做裝飾。青醬欖油辣肉腸意大利粉 $62抹茶拿鐵 跟餐加$10感覺街上好少見青醬，不過就算有都好少整得好味，所以叫左，的確味道一般。唔能夠怪佢，因為好少遇到好食既。份量都好大碟，算抵食。餐飲加左$10，飲抹茶拿鐵。只係加$10已經加晒分，仲要有拉花，味道唔錯。話說呢度既餐飲都好多選擇，唔洗加錢既可以飲玻璃樽維他奶都好特別，就算加錢都只係加$10就就各種飲品。餐飲係值得讚既。另外同事叫左兩個意粉都勁大碟：野茵黑椒汁雞扒拼法蕑克福腸 配意粉 $70龍脷柳忌廉汁意大利粉 $62整體黎講份量同餐飲性都好抵，係味道一般，以下係餐牌同埋餐廳環境：

高興 Happinesssss Cafe📍：觀塘成業街19-23號成業工業大廈地下2號舖🚗：觀塘地鐵B3出口 步行3分鐘📞：+852 2650-0028💲：~HKD70/head for lunchFood quality✔️：韓式泡菜肥牛烏冬鍋、蕃茄湯豚肉豆腐烏冬鍋👌🏼：南瓜汁鮮蝦意大利粉、抹茶拿鐵、巧克力oreo沙冰、士多啤梨乳酪沙冰總結：👍🏼觀塘港式風情抵食工廈cafe 環境走懷舊60年代feel 幾特別 午餐60-80蚊 份量多 +10蚊又有杯大沙冰 簡直係打工仔嘅抵食食堂👍🏼好正又唔係 但呢個價錢嚟講係幾好食又抵食 唔怪得咁大間都要排隊👍🏼南瓜🎃汁幾綢 好味😋我覺得可以再濃啲 但撈埋落意粉度有啲太淡 但我覺得只係做南瓜湯應該一流 蝦🦐只得兩件 而意粉又畀得太多 差別懸殊太大 我覺得應該畀4件先啱👍🏼韓式烏冬鍋比較辣 畀嘅肥牛超多 蕃茄烏冬鍋嘅豆腐同豚肉又係份量超多 比較抵食 推薦👍🏼+10蚊換沙冰真係超抵 大杯而且唔伏真係收貨 👎🏼食物唔係話好打卡able 又唔係超好食 所以唔值得特登嚟食 但喺觀塘區打工或者路過嚟食就唔會失望👎🏼沙冰上嘅忌廉超難食 建議大家唔好亂撈

高興係一間懷舊做主題既餐廳，裡面以理髮店為背景，牆身擺設都好岩女仔打卡-一入到去座位都好多，好多人三五成群咁食緊野傾緊計，都幾嘈下，感覺好熱鬧。Menu 係簡單既木板加紙，菜式都算多，飲品更加有好多唔同種類，滿足到唔同人既喜好-抹茶拿鐵抹茶味好濃，偏澀，有d失望，因為佢唔係熱既，上枱果陣只係暖。而且一飲就飲得出係粉沖出黎，入到口仲飲到好細既粉不過不能不說畫花畫得幾靚-榛果摩卡只能說中庸之作。高興鵝肝手打牛肉漢堡鵝肝都叫做大塊，中間既菠蘿減低左肥膩感，配埋佢既醬汁，令人食唔停。手打牛肉厚身，多肉汁，啖啖都係肉既感覺好充實呢！-地中海香草焗原條鱸魚貓精化身既我無魚不歡，好少見到有西餐廳有原條鱸魚食，期待萬分咁叫黎試下。佢係即叫即焗，所以等待需時⏱不過值得既！原條鱸魚份量中等，男仔食可能會唔夠飽，不過一個人食哂成條魚實在太爽香草係放係魚裡面，出面用好多既鹽包住，焗完出黎好香既香草味，鹽仲帶出左魚既鮮味肉質唔老，食過返尋味_係高興食野，果然令人好高興。雖然飲品比較失色，不過野食搭救。環境亦夠寬敞，情侶朋友黎聚會都係幾好既選擇。

星期日無無聊聊搵野食，亂行之下搵到呢間餐廳。由於餐廳係位於工廈，所以我地夜晚8:00去到大廈正門已經落左閘，要由停車場入口入。入到餐廳即刻'嘩'左一聲，裝修超懷舊勁有特色😍未叫野食已經忍唔住係咁影相📸原來餐廳岩岩開左一個月左右，所以好新淨👍🏻我地叫左3樣野：1）蕃茄湯肥牛烏冬鍋 $62呢個烏冬好味👍🏻湯底好濃蕃茄味配稻庭烏冬❤️2）松露雜菌意大利飯 $70個飯正常味道，份量適中👍🏻3）抹茶拿鐵 $32比較多奶，抹茶味比較少，可以接受😊