Gontran Cherrier (Restaurant) (已結業)

一直都聽聞過呢間食牛角包都好出名嘅巴黎名牌pastries店，一直都心思思想試🤤，前排咁啱行Musea嘅時候突然間醒起🤣 所以就即刻去買左個嚟試下！喺好多種唔同口味之中揀咗抹茶味(鬼叫我係個茶控🤪)，佢嘅賣相好靚仔，面頭鋪滿左抹茶粉同糖霜，酥皮層次好分明，咬落去口感好豐富，有勁多層layers，仲幾酥脆添！而味道就食到好濃厚嘅牛油香味🤤，但抹茶味就只限於面頭嗰啲抹茶粉，裏面都係原味牛角包，如果裏面都有抹茶餡就會更加出色啦😆總括而言，呢間店嘅牛角包果然係幾唔錯👍🏻 食落牛油味好香，而且又夠酥脆，推介！怪唔得之佢一直都keep住咁長龍，如果要去試，真係要趁平日去先得🥺

自從法國著名麵包店「Gontran Cherrier」 進駐 K11 Musea，地庫 Food Playground 經常出現人龍。 佢出品嘅牛角包被《華爾街日報》封為「巴黎最好味嘅牛角包」！麵包店設有開放式廚房，可以見到師傅在內整麵包，新鮮麵包香味撲鼻，十分吸引。除咗牛角包，店內供應不同種類麵包同糕點，例如法包、英式鬆餅、brownies、焦糖法式凍餅等。麵包全日不停出爐，唔洗怕空手而回。「Gontran Cherrier」亦設 Cafe，供應法式熱食、餐點，最啱同朋友聚一聚。主打牛角包十分熱門，有多款口味；當日新鮮出爐的款式有經典原味、抹茶、亞麻籽、芝士火腿。排隊埋單嘅人龍，每人手上最少一個。=========================原味牛角包＄24顏色金黃；切開後，酥皮層次分明；入口時，一層層酥皮喺口中散開；外層酥脆，內層鬆軟充滿牛油香，每一口混合著兩種截然不同嘅口感。抹茶牛角包＄28抹茶建基於原味牛角包， 面頭鋪上抹茶粉及糖霜，牛油香明顯冇原味咁重，帶淡淡抹茶味；不過口感同原味一樣有層次。開業一年多，人龍仍然長，埋單等候需時。 以當天來講， 我大概排咗五至八分鐘， 時

Weekday同女朋友喺K11 Musea食晚飯，點知要等位🤦🏻‍♂️ 弊傢火！女朋友開始肚餓🤯 為保命仔之際，靈機一觸！「不如食個你想食好～耐嘅牛角包先啦😃 」放工時間，人龍長期keep住有十鬆啲人排隊。不過麵包店嘅牛油香、多種款式嘅pastry，令女朋友十分樂意排隊（好彩😅 ）牛角包除咗原味之外，仲有cheese & ham croissant, raspberry cloud croissant等等。有鹹有甜，梗有一款啱心水。唔食牛角包唔緊要，仲有scones, brownies, 法包供客人選擇。新鮮熱辣嘅麵包keep住出爐😌＝＝＝＝＝＝＝＝＝＝＝＝＝抹茶牛角包 $28女朋友作為抹茶控就梗係叫左抹茶牛角包啦！牛角包非常鬆脆，酥皮層次分明，脆到咬一啖已經跌左d酥皮落地下😅，美中不足既係牛角包既抹茶味唔重，可能俾牛角包頂糖霜既甜味cover左，牛油味相對唔明顯。不過整體黎講都好好食，一個唔夠喉呀！