GUM "JENG!" X 御前上茶 (已結業)

星期日, 4:30PM, 等左30MINS先入得, 不過抹茶控點可以唔試丫.新鋪乾淨舒服, 冷氣夠夏天最岩. 店員都有禮又勤快. 要求再要餐具都好快送黎.抹茶聖代, 一杯滿足哂, 有齊抹茶JELLY, 杏仁豆腐, 脆米, 紅豆, 白玉, 抹茶雪糕, 好豐富丫.抹茶雪糕厚身香滑, 茶濃味甘. JELLY又滑又彈牙, 好中意.所有配料都好味又夾. 只係白玉太硬身.抹茶鬆餅配焙茶雪糕, 試埋焙茶雪糕, 所以叫呢款.但好失望, 焙茶雪糕冰感重, 一點甜味都冇, 極為甘茶. 比較岩男生食.幸好抹茶鬆餅出奇地, 抹茶味好濃, 又唔太甜. 配紅豆及JELLY食, 感覺冇甘乾.

超滿足的食完放題後，小妹又嚷著要食甜品，所以便和S先生來到這間位於旺角廣華街，這間與香港品牌GUM "JENG"合作開設的抹茶甜品店，來自臺北高雄的「御前上茶」。一聽到來自臺北的過江龍，就好有衝動立即去潮聖一下。去到廣華街個頭，見到外面排滿人在等位就一定係佢了。因為店子座位唔多，我地兩個人等6個籌都約要二十分鐘，最後都係避免唔到要搭檯。.店子走日本風路線，簡約既木紋裝潢，沒有過多的裝飾，感覺寫意舒適。.看看餐牌，同樣十分簡單，以宇治抹茶同焙茶甜品為主，暫時新開試業，所供應既甜品包括抹茶拿鐵、聖代、抹茶鬆餅、雪糕等。價錢由$32-$70不等，唔算貴。由於仲係飽既關係，所以叫左杯拿鐵同鬆餅。.抹茶拿鐵豆腐飲 $38豆腐飲個名好特別，一邊攪拌既時候會見到有豆腐在內，豆腐同抹茶其實幾夾，但奈何杯抹茶飲第一啖已經覺得好甜，抹茶所帶既甘醇味道都唔覺有，得個甜字，飲左兩啖就放棄，味道同貢茶出品既抹茶莎莎又幾似喎。.抹茶鬆餅配焙茶雪糕 $68黎到呢度我地竟然無揀到抹茶雪糕而要了焙茶口味的，因為聽說焙茶味道的會比較濃郁。等左十五分鐘終於黎到，用木盤上桌，賣相美觀，有四塊宇治抹茶鬆餅、一杯焙茶雪糕、一小碟