Coti (京瑞廣場2期)

營業中

休息中

今日過開嚟石門，男朋友就search到呢間餐廳好似都幾啱口味，就決定過嚟試吓喇☺️店內係半開放式，唔多坐位，咁啱我哋坐到最後一張，之後就要等位喇～食物種類選擇唔算多，不過見到九成客都係食all day breakfast，應該都係招牌菜🤣咁受歡迎，點都要食全日早餐 ($74)啦😂呢個all day breakfast真係好豐富😋令我好驚嘆嘅係麵包，外脆內軟，加埋半溶牛油好好味，超級融合😋另外覺得塊雞扒都好juicy，調味適中😆其他材料就正正常常，都食得好滿足😚另外叫咗個蒲燒鰻魚滑蛋飯 ($88)～滑蛋有好多蛋汁，對得住佢個滑字🤣鰻魚質素都係普通，不過勝在好大條，幾乎長過隻碟，味道都算ok😌嘢飲方面，抹茶鮮奶 (加$24)奶味唔係太濃，抹茶味亦都有少少淡，一般般～另一杯鮮忌廉朱古力 (加$24)有忌廉一定又邪惡又好飲啦！呢杯就比抹茶鮮奶好飲，濃味，唔太甜，就算溶埋啲冰都唔會淡，唔錯😌呢間all day breakfast的確係幾出色，唔係都唔會枱枱都叫啦🤣

今日去開沙田石門辦証件，辦完証件都差唔多下午兩點，見今日放假有d時間，又未行過石門，就順便行吓兼睇吓有乜食店好食吃返餐先在商場內經過間食店聞到好香咖啡味俾佢吸引左埋去，睇餐牌見d食物都幾吸引，就即管坐低試吓好唔好食先，叫左兩個飯和兩杯飲品蒲燒鰻魚玉子燒飯：賣相一流，有唔同新鮮蔬菜伴碟，玉子燒入囗軟綿綿，鰻魚肥美甘香烤慢煮豬肋排飯：大大件豬肋排，咬落去軟腍腍，味道美味抹茶鮮奶：好香濃嘅抹茶味，加埋鮮奶入囗好香好滑，賣相和拉花好靚有汽檸檬咖啡：檸茶、檸水和檸樂都試過，檸啡真係未試過，係好有特式嘅咖啡，將咖啡撞入有汽檸檬汁，原來出來效果好正聞到好香咖啡味，入囗首先感覺到檸檬嘅清新和酸味，之後感覺到咖啡嘅香濃苦澀味，但兩樣夾埋一齊，個味道又好特別唔難飲估唔到又發現到一間味美嘅食店，佢哋嘅咖啡尤其出色

下午一點去到就見到已經Full House，仲要好多人等外賣🥡好彩附近office嘅lunch hour都差唔多完，所以都唔使等好耐😌我哋叫咗2⃣️個 set lunch，包2杯飲品，見到佢哋嘅 Signature Coffee好似幾特別，就加錢upgrade其中一杯☕️抹茶鮮奶，雖然抹茶粉已經🈶️糖，不過鮮奶同抹茶比例好好，出嚟效果茶味夠濃但又唔會太甜。天然蜂巢咖啡呢個配搭好特別，少量嘅蜂巢蜂蜜加咗落咖啡度，原來係好夾又唔會蓋過咖啡嘅香味。明太子鰻魚意粉嘅鰻魚肥美啲汁又唔會太鹹，明太子醬亦都好惹味。烤牛肋骨飯份量非常足，而且牛肋骨非常入味，送飯一流。