芝加哥串燒酒場 (太和中心)

做完野8點幾收工，難得第二日打風，可以飲收工啤，即刻睇下大埔有咩餐廳選擇，就揀左呢間串燒酒吧一坐低，侍應會放低一杯花生，幾好食😋叫咗兩款小食，第一款係芝士條，要趁熱食先由拉絲效果，之後凍咗食已經爭少少。本身諗住叫薯條，好可惜薯條賣晒，唯有叫番薯條，點蜜糖都幾好食😍串燒叫咗八款，第一轉嚟咗培根蘆筍卷，車厘茄雞髀肉，羊肉串，3款都幾好食，我哋呢間咗小辣，更加惹味🥰第二轉串燒，有牛舌，白鱔，娃娃菜，茄子，豬頸肉，最好食係個牛舌，厚切軟身，而且帶少少鹹香。白鱔都好肥美，如果燒燶少少，個皮脆啲更加好。其餘三款都好好食👍啤酒我就飲左三款，Chicago Logo Beer，Red Horse，Samual Adams Sam’76，三杯之中，Chicago Logo Beer係最好飲，啤酒入邊加咗1塊乾菠蘿，飲落去會甜甜地，幾易入口。Samual Adams Sam’76，都係帶少少甜，比較淡味。至於Red Horse，相對地比較苦，我自己唔太鍾意🤣下一次如果唔使揸車，我都會過嚟啤一啤🍻

聽朋友介紹過呢個酒埸好多次，成日都話呢樣好食，果樣又好食。今日終於嚟左。。。結果係……👍首先要讚侍應💁‍♂️們都好有禮貌、耐性。事緣進食期間，隔離枱突然有一家三代五口子坐低左，包括嫲嫲、父母及一對年幼仔女。父母問侍應:老人家唔食熱氣嘢，有無唔係燒烤嘅嘢食?? 隔一會又問: 我對仔女細，有無非酒精類嘅cocktail ???? 當我同朋友聽完問題都想笑及反白眼之際，侍應們係仍然耐心咁為他們逐一介紹食物及飲品。侍應嘅專業同敬業真係要讚。餐廳除左食物好，服務都極其重要，呢種服務態度加埋美食，呢度又絕對會成為我以後會繼續光顧嘅餐廳之一。🍽講完服務，講食物，我地叫到成枱嘢食，總共12樣嘢食，無錯係12款唔同嘅食物，呢個係另一樣值得讚嘅地方，餐廳主打串燒，而串燒係可以逐串叫，而且價錢唔貴，你想食多幾款嘢食都可以，唔洗就住叫，驚大大碟食唔晒。按個人感覺好味程度排序:鹽燒鮮白鱔串 ($58)、芝士年糕($29)、燒腩仔($118)、新鮮翠肉瓜($18)、拉絲水牛芝士條($58)、鹽燒三文魚頭 ($68)、大葱雞脾肉串($24)、燒大啡菇($32)、燒羊架($39)、風味燒雞腎串($18)、一口和牛串($

平時好少去大埔，今日咁啱入去搵朋友，緊係搵間坐得舒服又可以傾得耐傾嘅餐廳食飯喇。行過見到有間酒場氣氛唔錯，就揀咗呢間餐廳食個晚飯。呢間餐廳食物種類嘅選擇有好多，但因為我地唔算好肚餓，所以都係叫咗串燒炸物食，無叫到主食，決定慢慢食下串燒傾下偈。𝐎𝐫𝐝𝐞𝐫::【串燒】⧐韮菜燒 |$15⧐一口和牛串 |$29⧐招牌茄子燒 |$35⧐浦燒鰻魚串 |$26⧐牛油帆立貝 |$35⧐炭燒豬頸肉 |$22⧐蜜汁燒黑豚肉 |$42⧐芝士雞髀肉串 |$23⧐水牛城燒雞翼 |$25⧐大蔥雞髀肉串 |$24⧐安格斯牛肉蔥串 |$32⧐日本一口蕃薯仔燒 |$19【炸物】⧐炸辣雞鎚 |$38⧐拉絲水牛芝士條 |$58【啤酒】⧐sᴀɴ ᴍɪɢᴜᴇʟ ᴄᴇʀᴠᴇᴢᴀ ʙʟᴀɴᴄᴀ ᴅʀᴀᴜɢʜᴛ|ʜʜ $𝟽𝟸⧐ʟɪᴛᴛʟᴇ ᴄʀᴇᴀᴛᴜʀᴇs ᴅᴏɢ ᴅᴀʏs ᴅʀᴀᴜɢʜᴛ |ʜʜ $𝟼𝟻串燒原來係一次過一板咁上，見到都嚇親，原來都叫左幾多野食🤣好彩最後慢慢食都食得哂。串燒燒得好好，唔會𝘰𝘷𝘦𝘳𝘤𝘰𝘰𝘬𝘦𝘥，而且佢嘅調味做得唔錯，可以係落單嗰陣選擇辣嘅程度，因為我唔係好食得辣，今次揀左唔辣。個人幾推介韮菜燒、一口和