泰嘟嘟

營業中

休息中

嚟之前睇左好多食評，知道唔BOOK枱就無位，所以一早whatsapp訂枱😏。當晚星期日，唔少無BOOK枱嘅食客摸門釘。星期一至日都有套餐，不過星期六、日及假日會貴$20。我地一行四人，點左個四人餐$508，注意套餐唔包飲品，但可以半價柯打特飲，不過椰青除外。套餐好豐富，五樣食物，而且每款份量都好足夠。🤓招牌焗黃咖喱麵包軟殼蟹見唔少食評都話正，但我同男友都覺得唔好食。首先個軟殼蟹炸粉好厚，油膩感提升，蟹味又唔香😥；咖哩偏甜，唔係我杯茶。麵包烘過，食到尾D邊位都依然脆。月亮蝦餅份量算大，有成八塊咁多。呢個蝦餅有別於平時食開嘅泰式蝦餅，佢加入左好多香料、蔥頭去整，所以食落香料味好出，蝦味無乜存在感；建議快快脆食，因為放耐左嘅話，外層塊皮會變軟同油。 我都係鍾意食平時嗰款大額蝦餅多啲😅蝦餅配左兩款醬，一款係偏甜嘅泰式雞醬、另一款係更甜嘅醬。招牌去骨豬手煲雖然個煲用蘭芥菜墊底，不過豬手份量唔少，炆到好軟好沐，不過偏甜、無乜藥材香料味。蟹肉炒飯呢個飯望落好淺色、唔似炒，但其實係全餐最好味!! 炒得夠乾身、粒粒分明、少少鑊氣、另外仲有炸蔥頭提味，唔錯。泰式明爐大蜆鍋材料除左大大隻蜆外，仲有肥肉碎、粉

一開始係俾個餐廳設計吸引咗😆好似坐咗喺架篤篤上面食飯咁😂入到餐廳發現有四人餐可以嗌，可以嗌5樣餸😋非常吸引四人餐（$408）1️⃣炭燒豬頸肉最有誠意嘅一點係會成個爐熱住啲豬頸肉上🤣建議食嘅時候真係燒耐啲，因為會香好多同熱啲食就好味啲😬2️⃣泰式生海蝦海蝦都爽口而且辣椒加蒜頭係真係辣！唔食得辣嘅唔建議加晒蒜頭同辣椒🥵海蝦方面有兩隻汁浸住，就咁食都幾有味了～3️⃣招牌去骨豬手煲豬手真係好夠淋！配埋個泰式醬汁好惹味😋同埋好大煲，都幾抵食～4️⃣泰式小食拼盤最鍾意拼盤有月亮蝦餅🤩每人半舊可以試下味之餘又可以試埋其他春卷、串燒咁～正呀👍🏻5️⃣招牌焗黃咖喱麵包軟殼蟹呢個就無咩記憶點😬不過就係有麵包飽下肚咁～不過不失6️⃣芒果糯米飯最後嘅甜品就唔包括喺四人餐到～芒果🥭味道清甜，想食飯後甜品的話都唔錯㗎📍總結：-餐廳比較擠逼，好彩坐到喺tuk tuk 到就比較舒服，而環境佈置都幾有心思嘅-愈多人食就愈抵，可以試到更多菜式🤤

之前放lunch見呢間新開食咗個午市，感覺好唔錯，放工見餓，反正大角咀都唔多人，就試埋呢間嘅晚市啦呢度嘅卡位好得意，扮到好似泰國嘅篤篤車，咁colourful，好泰國呀呢度嘅沙冰好好飲㗎，超足料芝士好厚，飲落更加過癮食豬手唔使lur骨，簡直係豬手控嘅福音，啖啖肉啖啖骨膠原榴槤波波好脆，似煎堆皮咬落好煙韌，仲好香榴槤味𠻹椰青飯成座山咁高，仲好多海鮮好juicy𠻹呀唔好睇佢好似好乾，其實一啲都唔會，仲要勁有椰香叻沙湯底好濃，濃到似咖喱汁粉麵仲要幾多吓，而且好索味呢個晚餐隨時滿足過飛去泰國

限聚令調整到只可以兩個人一枱食飯，於是約朋友去奧運一帶行街兼食野，行過哩間餐廳見到都幾多人等外賣，於是朋友就話不如哩間，我地好好彩，一入去有兩個卡位，卡位甚有特色，設計成泰國的人力嘟嘟車一樣，燈光閃閃，別出新面，而店內都掛著好多泰國特色物品，感覺被泰國風情所圍繞住。睇下餐牌點餐，我地叫左個去骨豬手煲、冬陰功鮮蝦肉碎炒飯、椰青海鮮焗飯、火龍菓芝士沙冰、加咸檸檬梳打水，食物出得好快，朋友杯火龍菓芝士沙冰成杯紫紅色，面頭有一團白色忌廉狀的物體，應該是忌廉芝士，朋友話火龍菓好甜，混埋咸咸地的忌廉芝士味道都幾特別。去骨豬手煲既豬手燜得好琳，D肉放落口完全唔洗咬都會鬆開，皮的部份完全無脂肪，同樣好琳好軟滑，我食唔停口。冬陰功鮮蝦肉碎炒飯好大碟，我分左一半比朋友享用，原本仲奇怪點解無蝦係當中個名會叫鮮蝦肉碎炒飯？但當食到底時先發現寶物沉歸底，個飯雖然叫冬陰功，餐牌上無辣椒圖案，仲以為應該唔辣，但食落係有小小辣的。椰青海鮮焗飯，飯當中有好多嫩滑既魷魚條，飯面有兩隻青口加兩隻無殼既蝦，方便食用，而椰青內的飯加左椰漿混和，食落甜甜流流。食飽飽未到九點，同朋友係店內打卡先埋單。

夜晚晚去左大角咀嗰邊，行經見到呢間泰國餐廳都幾坐滿下人，見好似唔錯決定同朋友黎試下。因為朋友做完GYM嘅關係，見有D肚餓，於是就叫左 泰式生海蝦6隻($88)、香芒軟殼蟹米紙卷($78)、招牌去骨豬手煲($98)、香蔥蒜蓉包6件($42)、燒菠蘿($32)、泰式鐵板蠔仔炒蛋($88)、泰皇咖喱牛筋腩煲($108)、泰式馬拉盞炒椰菜苗($68)、鮮蝦炒金邊粉($78)、油飯($14)、火龍果芝士沙冰($32) 、波蘿芝士沙冰($32)泰式鐵板蠔仔炒蛋：鐵板熱辣辣咁上，份量都唔細，蠔仔肉夠多，蛋都幾滑下，點個辣醬仔黎食幾正香蔥蒜蓉包6件：好似層層疊咁疊起左，蒜蓉味夠香，就咁食或左點D咖哩汁黎食都好好味泰皇咖喱牛筋腩煲：好中意食咖哩，所以點都要叫返碟咖哩試下咩質素呢到個咖哩都幾香，唔係調味粉溝出黎，而係自己煮，食得出落左唔同香料落去，味道幾香而且辣度適中。薯仔煮得夠淋，牛筋腩嫩滑唔UN而且入晒味泰式生海蝦6隻：有別於一般泰式餐廳用碟上，佢每隻生蝦放喺杯仔到，類似試管架咁樣上菜，每杯紅綠色醬汁相隔，賣相相當吸引生蝦夠新鮮，加埋泰式醬汁連埋生蒜粒一齊食幾好食香芒軟殼蟹米紙卷：米紙卷個皮幾薄又夠煙