維港灣餃子坊 (已結業)

公司有同事介紹我食呢間餃子，所以今日聖誕節都決定食我最鍾意食嘅餃子（仲要係💛店）嚟慶祝！每一款湯餃都好吸引，所以叫咗個招牌四拼餃。湯餃有跟埋一碗粉葛豬肉湯，好清甜冇乜味精。餃子每一粒都脹卜卜，好足料，韭菜同芫茜特別出色。肉同菜份量嘅比例做得好好，個皮薄得嚟唔易爛。由於好鍾意食芫茜，另外叫咗一個雙重芫茜湯餃。但嚟到發現唔止係雙重，起碼係三重芫茜！芫荽好新鮮，浸一浸落啲湯度等啲芫茜熟返少少會比較容易入口。但係真係拎到芫茜控非常興奮！每一啖食入口都有好濃郁嘅芫茜味，好幸福🥰再叫多咗三隻流沙鹹蛋蝦肉餃，有意外驚喜！個鹹蛋流沙得來一啲都唔膩，味道亦都唔會太濃，搶咗蝦肉嘅鮮味，食得出隻蝦新鮮好爽口！而且炸得剛剛好，食落去唔會覺得好油膩，真係好好食，一定要試！

呢排一直心思思想食🥟，阿媽又懶得包，見到呢間餃子店評價幾好，咁就去買黎食😋 而家6pm後禁堂食，所以買外賣返屋企慢慢嘆。等緊嘅時候都有好幾個街坊黎買🥟 餐廳門口擺放住優惠價出售嘅醬汁，入面裝修幾有心思，牆紙上啲字幽默過癮💛🥟 招牌四拼餃（8隻） $43寫住招牌，而且係推薦菜式，梗係要試下啦！有齊大白菜、韭菜、香芹、芫荽，一次過可以試曬，大滿足🤤 每款都好鮮甜，餡料豐富，菜同肉嘅比例平均👍🏻 呢款好抵食🥟 韭菜鮮肉餃（8隻）$40原本想食鹹蛋黃芥菜鮮肉湯餃，不過賣曬😢 所以改為呢款都係店家推薦嘅🥟 韭菜同豬肉比得足，隻隻都脹卜卜🥣 是日靚湯（2碗） $0買🥟就會送湯，無添加味精，唔會口渴，可以飲曬🍠 香芋地瓜丸 （5粒）$23見幾多人都推介呢款小食，一於試下！咬感煙韌，芋泥綿密，食唔停口🤤🍵 銀菊露（自家製）$8自家製果然健康啲！飲落仲有回甘💰 $114（外賣自取）

近年香港開了多間餃子專門店，窩夫與蝦子餅日前試了元朗開業不久的維港灣餃子坊。維港灣餃子坊牆上的書法和畫都很有心思，值得留意。除了餃子，還有不少其他小食選擇。飲品方面，窩夫點了自家製銀菊露($8)，蝦子餅則點了酸梅湯($6)，味道都不錯。招牌四拼餃($38)的四款餃子分別是大白菜、韭菜、香芹和芫茜，每款兩隻，窩夫與蝦子餅可以一人試一隻。餃子看來很飽滿，皮夠薄，調味不太重手，可以吃得出饀料的鮮味。流心芝士煎餃($42)一客六隻脹卜卜，流心芝士饀加了粟米，減少油膩感，如果煎得再香脆一點會更好吃。

係元朗賣餃子麵食既鋪頭越黎越少，最為人熟悉既係「梁記」。以前真係覺得「梁記」好好味，又自家制又多款式。但近年佢d 餃子越黎越差，越黎越鹹，鹹到無法入口。咁啱係「維港灣」附近做完運動👯‍♀️👯‍♀️，絕對無可能食肥膩食物做晚餐，係周邊氹吓發現左呢間清清地既「維港灣」餃子。8點半以後都有人排對！第一次食想試多d唔同款式既餃子，所以叫左招牌四拼餸，包括大白菜🥬、韮菜、芫茜及香芹餃。所餃子🥟既調味都好好，唔會覺得鹹。而濃味既芫茜/芹菜/韮菜份量到位，唔會搶晒鮮肉既味道。最值得一讚既係佢用自家制老火湯做湯底，無落味精（飲完夜晚都無口渴既感覺）👍🏻👍🏻👍🏻 餐廳會不定期更新湯底，好有新意！