滬點 (已結業)

在10月份最後的一個星期，我為自己訂了位於炮台山的5星級海景酒店，實行 Happy Halloween long staycation！我問媽咪有無興趣來體驗一吓？！有得游水又不用搭飛機，又有度假 feel，還要不用她花錢，她絕對不容錯過！食飯，我們不一定在酒店，會選擇港島區的餐廳吧！印象中，在灣仔軒尼詩道早前開了間上海菜館 <滬點>，除了堂食之外，還可以外賣！一於帶回酒店開餐吧！供應：小食、湯、肉類、海鮮、粉麵飯、甜點...等！外賣等約 10分鐘開洋蔥油拌麵 $62散發香氣，醬汁甜美，麵條入口軟硬適中帶煙韌，鹹鮮的蝦米提升口味不少！十三香煎蔥油餅 $48就算外賣返酒店，外層金黃色的香煎蔥油餅，依然好香脆！內裡充滿翠綠色的蔥粒，內外兼備！招牌小籠包 $48一客4個，未嚐已見到小籠包的摺位好工整，可見師傅的手勢好！滿載鮮美的豬肉，亦有不少肉汁！灌湯牛肉餡餅 $72輕輕一咬開薄薄的餡餅皮，鮮味的牛肉汁湧出來！ 這是4款當中，味道最好的！

這間＂滬點＂在電車站旁交通方便就腳，又多一間上海滬菜聚餐不錯的選擇😋酸辣湯$76材料相當豐富，酸辣平均非常醒胃。招牌小籠包$48皮薄湯汁多，鮮肉新鮮香氣四溢，吃完一籠馬上再encore 👍🏻招牌熗海蜇頭$98海蜇頭厚肉爽脆，微微酸酸辣，味道調教得剛剛好，絕不霸道🤗馬蘭頭百頁卷$62很多上海舖已沒有製作這道精緻功夫菜，馬蘭頭再多一點麻油攪拌應該更加出色金腿江邊四季豆$78四季豆夠鑊氣，加了金華火腿更加鮮味，下飯一流😋雪裡蓮藕炒年糕$86年糕軟熟煙韌有彈性，加上爽口蓮藕配搭在一起，咬出不同的層次，又唔肥膩，越食越唔夠喉😝杏汁高力$52即叫即炸，來到鬆軟熱辣辣，獨特杏汁的清香甜而不膩，很獨特👍🏻

同朋友係銅鑼灣行完街 知道呢度開咗間新嘅上海菜所以諗住試吓新野😝我哋夜晚嚟都算多人 好彩唔洗排隊醉香雞好香酒味 個個雞都好滑 少骨 易咬 唔錯十三香煎蔥油餅炸得好鬆化 好味招牌小籠包 蟹粉小籠包不過不失 普普通通 唔一定要試糖醋咕嚕肉超級推介！！！佢同平時食個啲咕嚕肉唔同 好特別 同埋炸得好脆個汁配埋都好好火腿津白都唔錯 火腿同津白個味互補龍王杏汁高力個質感都唔錯 不過如果可以中間再多啲杏汁會更加好我覺得餐廳整體表現都唔錯 絕對會再嚟試埋其他餸😍😍😍服務都好好 見到冇茶會主動倒茶 亦會主動換骨碟👍🏻特別推薦炸嘅嘢食 炸得好香好鬆化Menu:

受到了疫情的衝擊，本地各行各業都紛紛步入了寒冬時期，其中飲食業尤為顯著，隨著大大小小的食店結業，大家應該開始逐漸感受得到當中的影響，但其實香港人就是有打不死的拼搏精神，在大家仍在咬緊牙關的時期，筆者仍樂見有不少迎難而上的食肆開張創業，在這困倦時刻為大家添上一點口福！就像前陣子筆者造訪了一間鄰近軒尼詩道鵝頸橋，最近登場的上海菜館，裝潢設計走新派時尚路線，紅黑的對比，型格得來帶點氣派，讓路過的行人無不駐足探究一下。店內裝潢同樣以紅黑色為主調，配上偏暗的燈光和水泥牆身、青磚簷瓦，加上中式燈籠燈飾和不同的港味霓虹燈及掛畫，工業風內滲著中國古典味道， 年輕潮趣中亦不覺有違和感，在內用餐舒適自在。細看圖文並茂的餐牌，菜式覆蓋頗為豐富，除了上海傳統的涼菜小碟、馳名包點之外，也有不少道地菜餚和甜品供應，選擇眾多，定價合理，讓人心大心細難以抉擇。先點來兩款前菜醉香雞，一端上來已傳來陣陣酒香，雞件份量不少，酒味濃而不澀，皮爽滑而肉鬆軟，肉質入味恰到好處，只是略嫌有點未夠嫩滑，但其實調味尚算不錯，酒香亦豐富了層次，令整道菜生色不少。陳醋水晶肴肉，一般吃到的肴肉大多是鹹鹹香香啫喱狀的，而這款陳醋水晶肴肉於水晶

夏日炎炎，午飯時段冇胃口，晚上六點左右已經開始肚餓了；見到這間開張不久的上海小館，門面裝修非一般，走新派型格風；可能時間太早，店內一個客人都沒有，一於試試新店。裝修風格年輕，但同時採用了深棗紅色為主調，滲出了點點中國傳統風情。其中一堵牆壁更加採用了青磚及瓦片作為裝飾，彰顯了中式古風；但又配上了LED光管製作而成的上海點心燈飾圖案：小籠包、餃子、上海湯麵及古風黃銅茶煲 ⋯⋯ 整體感覺充滿趣味。餐牌印刷精美，分門別類、圖文並茂。每一款菜式都定價相宜。醉香雞（$68）調味恰當，酒香鹹味平衡，並沒有因為太多花雕酒變得苦澀。雖然只是雞胸肉，但肉質不粗嚡；只略嫌雞皮賣相唔夠光滑，咬落亦未夠爽滑。與坊間其他上海小館比較，招牌小籠包（$48）算抵食。賣相亦相當出色，有清晰摺紋；與香港其他小籠包名店比較，並不遜色。夾起一隻小籠包，雖然未至於皮薄盪漾，但質素已相當不錯。最重要當然是味道。咬開一個小口，小籠包內湯汁非常豐富。整個小籠包放入口中，味道鮮甜；豬肉糜餡料豐富，而且幼滑冇渣。如果不是另外叫了一個牛肉餡餅，一定追加多一籠。灌湯牛肉餡餅（$36）煎至金黃焦香，沒有一丁點多餘油份沾在表面，但又唔會覺得乾癟

中午途經軒尼詩道發現有間新餐廳上海菜式也是我喜歡之列即刻入內試試啦內部裝修新穎有特色座位尚算寛敞先來個冷盤～醉香雞件頭足、雞夠滑、酒味又恰當好處，酒味不會過苦搶蓋雞味，正合唔飲酒的我，入口後有甘甜餘韻！灌湯牛肉餡餅這個令我想起九龍城的名物～牛肉餡餅呢個仲正size不會太大，一口一個剛剛好皮薄外脆、肉嫩、又熱又多汁，正啊！必食推介！食的時候真係要好小心！估唔到咁多汁，嘩！差點就淺到對面啦招牌小籠包以前次次夾都好有壓力，怕弄破皮但呢個唔會啊！可能係皮的厚度剛好啦，夾兩隻都成功啊仲皮薄餡嫩、又係好多湯汁架燻魚印象中就是濃油赤醬的產物，既乾又柴的但這個令我改觀，魚仍保留濕潤度、又不會死甜滋補潤喉羹從未試過這道甜品，入口感覺難以形容，味道既特別又有趣有近似燕窩碎及啫喱的口感，味道清甜、又有淡淡似陳皮的味道，再加上柚子肉及薄荷葉，正好撞出清爽涼喉的感覺！呢個真係要試順帶一讚，樓面服務夠貼心，加茶次數頻密