女人街食飯公司

營業中

休息中

今日OT到夜一夜，所以揀咗間喺旺角嘅樓上大排檔貪佢開到12點，食飯都唔使咁趕～呢間餐廳用懷舊大排檔嘅風格黎裝修，玩味十足之餘，又有勁多打卡位，一望真係會覺得自己返左八、九十年代既香港咁！✨ 招牌杏汁燉豬肺個湯呈乳白色，一飲落去就有好香濃既南北杏既味道，而且個嘴邊仲會有膠質漿住既感覺。成個湯既份量好多，我地兩個人飲每人都有3、4碗，煲底仲有好多瘦肉、白果、豬肺當餸食。豬肺洗得好乾淨，冇異味，而且仲煲到軟稔稔。✨ 梅菜扣肉煲扣肉肥瘦相間，睇落超吸引！個層肥膏做到即化既口感，豬肉軟滑，連豬皮都唔會韌，食落相當鬆化。梅菜洗得好乾淨完全冇沙，味道係甜既梅菜黎，加上豬腩肉既油脂甘香，唔會死鹹之餘仲好啱餸飯～✨ 金菇沙茶肥牛煲牛肉既份量好多，而且唔會淨係得肥膏。沙茶醬甜中帶少少辣，散發住香甜既蝦乾氣息，金菇同粉絲吸哂沙茶醬既味道，非常惹味，餸飯一流！而呢到菜上面除左青椒、紅椒之外，仲有酸酸甜甜既菠蘿，可以中和返成個煲既油膩咸香。✨ 炒蟶子皇曾經都會擔心樓上既大排檔會唔會唔夠鑊氣，但呢碟餸上檯之後就知自己完全多慮！蟶子皇好肥美厚肉，肉質彈牙鮮甜，加埋豉椒去炒，鑊氣足之餘仲香氣撲鼻，超級惹味！順帶一提，

平時叫餸食飯🍚🍲多數都會去舊式嘅大排檔或者打冷舖，而今次就同屋企人一齊去到旺角通菜街嘅一間樓上大排檔🤩😋店內嘅設計保留返80年代香港懷舊氣息嘅風格，場內都比較寬敞及乾淨整潔，又有足夠嘅冷氣，炎炎夏日之下都可以係有冷氣嘅地方食享受大排檔嘅美食❤️❤️今次就叫咗兩餸一湯，再加一個小食🥰🤤兩個人食岩岩好👍🏻⭐️招牌杏汁燉豬肺 💰$168超鐘意呢一款湯🤤賣相白雪雪嘅湯已經好吸引❤️飲第一啖就有香濃嘅杏仁味，帶有淡淡嘅豬骨味，我已經愛上左杏汁燉豬肺🥰湯嘅功效唔單只有止咳，仲可以潤肺平喘🤤👍🏻⭐️黑椒蜜餞薯仔牛柳粒 💰$168這一款撚手小菜，係我經常會叫嘅小菜之一🤤唔單只有「鑊氣」，而其中嘅牛柳粒軟嫩多汁🥩，薯仔粒外脆內軟🥔，再配上黑椒蜜糖醬汁，十分惹味。❤️⭐️金銀蒜蒸大元貝 💰$192/4黎到大排檔又點少得食海鮮👍🏻 墊在扇貝下面的粉絲吸收晒扇貝及蒜蓉的精華，加上彈牙鮮甜又大粒嘅扇貝，真係啖啖鮮味。真係好正👍🏻⭐️黑松露鮮蝦多士 💰$28x3=$84蝦多士係港式地道小食之一，嚟到大排檔一定要叫🤤外脆內院嘅多士，再加上爽口彈牙嘅蝦🦐🍤，再點一點佢啲特製嘅黑松露沙律醬，食完第一舊會想繼續食埋第二舊😍🤤🤤離開大排檔

成日都想試下呢間大牌檔係tvb或其他飲食channel介紹呢間餐廳都有好幾次。今晚終於約到朋友黎食，佢淨係開晚市6點後。但可能太多人book, 我地只可以食2個鐘 7點至8點。環境打卡真係好有feel， 超有中式旺角江湖大佬既道地味道。野食都有水準，招牌杏汁燉豬肺，黑松露鮮蝦多士正！好味道。我地太健康主要叫左菜類既食物haha所以無太多大牌檔小炒feel。坐得好舒服，地方好闊綽，又有冷氣下次都係約多d男士黎食就可以試多d菜式。

一直聽朋友講旺角女人街有間幾出名嘅大排檔，仲話佢有個湯係超級好飲😆 鍾意周圍捐窿捐罅搵食嘅我，今次就帶埋屋企人一齊上去踩場，試試佢個湯有幾正😎飲湯前，我哋嗌咗份喺嗰度都相當出名嘅小食——蝦多士！$28一件，仲要有黑松露😜 蝦多士炸到十分鬆脆，多士搽咗牛油，食落好香好好味😋 蝦都幾大隻下，配埋面頭嘅黑松露醬同埋黑松露沙律醬，非常之夾！雖然好邪惡，但食到停唔到口😌無錯！我哋全家人就係為咗呢個湯而嚟🤩 見到有唔少人都嗌咗呢個湯，本身我自己麻麻哋杏汁嘅，不過佢呢個湯嘅杏汁味又唔會勁重，飲落帶甜而且好潤喉，可以連續飲幾碗，果然無介紹錯😚 而且仲有一大碗湯渣食，好足料🤣鍾意食咕嚕肉嘅我嚟到呢度梗係嗌返碟試吓💁🏻‍♀️ 呢度嘅咕嚕肉份量唔算好多，細細碟咁，性價比就唔算好高。不過個咕嚕肉炸粉都幾薄，而且都啖啖肉，同埋每舊都幾大舊下，而個配料都幾有驚喜，菠蘿食得出係新鮮菠蘿，而唔係罐頭菠蘿，如果比多幾舊就仲好啦！小炒皇都係我哋去食大排檔嘅至愛，佢嘅小炒皇好足料，有超多魚乾仔、腰果同韭菜，仲有幾舊大蝦球同魷魚仔，不得不讚佢個蝦球真係好爽口🤩 味道方面，因為加咗XO醬，食落鹹鹹香香咁，用嚟送酒就最適合不過！🔸

🇭🇰捉緊舊香港特色室內大排檔😝~圓枱大碟菜最啱聚舊🍻😆🍤黑松露厚蝦多士 $84/三件黑松露香味飄逸，加上賣相精美，一見到就垂涎三尺🤤講番其實呢個蝦多士同傳統有啲唔同🧐 多士塗上牛油烘得好乾脆輕身，散發好香嘅麵包牛油味~每件多士面有一隻大蝦🍤上加有黑松露，再配特製黑松露醬食用，多重口感味道層次😋非常推介👍🏻 特別係鐘意黑松露嘅朋友😙留意落單至少三件😉🐤瑤柱招牌口水雞 (半隻) $138半隻都有滿滿一碟😍雞件厚肉皮薄，雞肉熟度恰到好處，冇見血但又唔會鞋口面灑上鮮美彈牙瑤柱碎，同大量香脆可口炸蒜粒及蔥花，增添趣味😆另配有蔥油醬同泰式甜酸醬，小JunJun偏好滋味啲嘅甜酸醬😝🫁招牌杏汁燉豬肺 $148湯水乳白滋潤，匯聚豬肺瘦肉杏汁精華，滋潤美顔，以形補形😂 每盅内有大量湯渣，職員會幫手將其𢳂出，可盛足足兩大碗☺️ 湯水乳甜帶鹹，杏味淡出去腥羶味🥛蛋白杏仁茶 $28好好飲🥺🥺 杏仁味清香易入口，唔係藥水味個種味道，加上配上蛋白，味道好協調🤩，似杏仁奶糖水，甜度適中，質地不稀不稠冇杏渣😋😋🍽 餐廳整體質素中上，裝潢細節講究，設有霓虹燈，舊窗花、鐵閘、髮型屋等打卡位，氣氛好適宜聚舊食飯🍻🥢食物亦有特色

平時嚟旺角行街都係女人街度粗粗地搵Ｄ野食，估唔到朋友約我嚟呢間女人街食飯公司，話D野食好正，最緊要係可以影埋相！食個大牌檔都好影😹？！ 點知上到嚟真係好多打卡位！大影特影前緊係醫飽個肚先啦✨重點推介✨招牌杏汁燉豬肺必點嘅老火湯，好入味，夠晒火喉，真材實料，無味精飲完唔會覺得鹹，成個人潤晒黑松露厚蝦多士超香！個多士香脆到不得了，內裡仲有超厚爽彈嘅蝦肉鳳梨咕嚕肉咕嚕肉脆卜卜，加埋菠蘿肉非常開胃胡麻鮮淮山略滑嘅鮮淮山配上胡麻醬更甘甜，兩者好夾酒香醉豬手酒香四溢，食完更有豬手的鹹香，口感軟腍一口臭豆腐夠鑊氣，夠臭！食落又香又臭就知出色啦，鍾意食嘅絕對會encore黃金炸魚皮超級好味嘅脆炸魚皮！外層包住厚厚嘅黃金咸蛋非常香脆生炸脆皮鴿皇外皮香酥，內裡肉嫩汁多，咬落一d都唔鞋又脆又juicy絕對係高質味覺享受👍🏻食完野我地就周圍影下，仲帶埋衫襯返！呢度走舊年代懷舊大排檔風格有好多舊式香港霓虹燈招牌、舊式剪髮鋪、茶餐廳水吧、綠色鐵閘車仔麵檔、酒樓喜宴金龍等作裝飾，淨係影相都夠影成晚而且空間夠寬敞，老板好客又有人情味，記得攞返個戰鬥碗同老細＆朋友啤啤佢！（我唔記得影個飲酒專用戰鬥碗呀🤣）

想食大排檔懷舊菜，絕對要去旺角既女人街食飯公司😎 是日晚餐去左呢度，真係無來錯👍🏻 叫左好多碟餸都好正🤤🤤..叫左黑松露厚蝦多士🦐蝦多士唔係度度有，蝦好爽，仲要有黑松露！好正😋 然後叫左鐵板黑椒豬手，好惹味🤤豬手既肉質燒得好軟，入口即溶!..唔少得要叫招牌杏汁燉豬肺，杏汁好香好濃👍🏻 豬肺好滑，成碗湯都好好味好潤。再叫左碟瑤柱招牌走地雞，好多料，而且俾埋兩碟醬汁，一碟係薑蒽，一碟係泰式酸辣醬，一啖薑蒽雞，一啖酸辣雞，正呀。..再叫左乳鴿食，好好味好嫩滑，唔夠喉再叫左鐵板尖椒醬爆大腸，聽個名都知夠火喉夠鑊氣，堅好味，鵝腸吸收哂醬汁～..最後叫返碗麵同豉椒炒大蜆作結，好滿足😋呢度既裝修都有好多影相打卡位！

朋友話出旺角食大排檔，我仲諗住天氣咁熱，又落雨、濕粒粒，唔好啦啩...朋友仲話：放心跟我黎！點知嚟到又幾驚喜喎😆門口一對龍鳳，好似以前啲舊式酒樓擺囍宴咁😂裏面嘅裝修，就好似舊式樓下大排檔咁😚招牌杏汁燉豬肺 $148個湯好靚、奶白色，白果味好濃。我發現原來除咗有煲爛咗嘅白果之外。仲有薏米🤭唔怪得知個湯可以煮得咁杰啦😁豬肺洗得好乾淨，白雪雪、無臭味，正👍🏻而且燉湯好大盅，夾夾埋埋可以分左成11碗呢😆馬拉盞通菜牛肉煲 $98呢煲菜上枱時啫啫聲、熱辣辣，勁有鑊氣😋而且牛肉大大片仲好滑👍🏻送酒一流👍🏻乳香藕苗炒豬頸肉 $98南乳味好香，蓮藕苗口感好得意，我以為會好似出面舖頭咁，切開細細粒煮，估唔到呢度時會係切成絲。廚師刀工一流，藕苗絲幼得黎好爽口😋😋豬頸肉爽口、醃得好入味生炒和尚肉脆米飯 $98生炒和尚肉呢個名好特別，所以叫左碟試下。原來和尚肉係牛肉...由來呢？🤷‍♀️后來我查了下，應該係指用和尚頭嘅肉黎炒飯。（和尚頭即係牛後腿內側）炒飯配埋少量炸米，口感好好豉汁蒸鱔 $168豉汁蒸鱔味道調得好好、好惹味，鱔好新鮮，一啲泥味都無。忍唔住又食多左飯🙈🙈🙈可能我地早食飯，所以上菜好快。食食下，發現舖

想食大排檔小炒又唔一定去D好踎嘅地方，上網見到有人介紹呢度，地方夠大，仲有好多打卡位，即刻叫朋友陪我嚟試試～～平日中午時段都幾多人嚟幫襯，呢度有午市套餐，我哋人多就決定叫小炒開心些牙。大排檔食物最吸引人之處就係最基本嘅菜式加上適當控制嘅火喉，會撞出想像以上嘅味道！蟹籽蛋白野菜脆米炒飯 $88蟹籽份量多到無論你點撈都一定會食到好多，因為夠火喉所以Ｄ飯無會黐立立，真係做到脆米效果；咸度適中，唔會食食下覺得好咸要飲水，反而會越食越開胃，野菜、脆米同蟹籽分別帶唔同程度嘅口感出來，加埋滑滑地嘅蛋白，所有食材恰到好處，滿分之作。豉油皇炒麵 $98越係簡單嘅菜式越係難做得真心好食，呢個炒麵開頭我都係抱住基本心態，但事實上佢係TOP3！油光閃閃嘅炒麵一Ｄ都唔油膩，鑊氣成功令炒麵更有彈性同逼出多餘油分，加上適當分量嘅蔥絲進一步減膩，我相信一位男士絕地可以一個人KO碟炒麵。蒜蓉時蔬 $78有豆苗嘅情況下當然老虎蟹都要叫豆苗啦~~D菜好新鮮，就算炒完都係好爽口唔會爛曬，有油氣但唔油膩，蒜蓉份量剛剛好令碟菜更惹味，唔錯唔錯～黑松露鮮蝦多士 $78多士每一件都係超大件，上面幾乎係原條蝦咁上，聽講蝦多士係每日新鮮