川粤時空時尚小廚

營業中

休息中

今日咁啱同老公出去觀塘行下，醒起曾經有朋友同我推介過一間川菜嘅餐廳，就即刻問佢係咪呢間餐廳🤣🤣朋友仲推介我地一定要試招牌水煮魚🐟一上枱我地就聞到超級香既辣油味，啱晒我依啲鍾意食辣嘅人😆😆佢嘅份量比起出面嘅餐廳要多完全食得飽🤓仲要係魚片嚟嘅，方便晒我呢啲懶人🥳魚片食落去好滑同埋好鮮。佢既配料都比得好多，例如豆卜、萵筍片、芽菜、蓮藕片及寛粉。配料最欣賞就係佢哋嘅寛粉，超級彈牙同埋煙韌，食落去唔會好霖，超讚👍🏻🥰而家嘅天氣又開始轉涼，啱晒而家嘅天氣食，食完之後食好暖身😙😙大家咁啱經過又想試下川菜可以試下呢間餐廳實會有驚喜😆招牌水煮魚 $168

天氣凍，就好想食辣嘢🤤經過巧運工業大廈見到新開咗呢間主打川菜及中菜嘅新餐廳，上到餐廳感覺幾舒適，除咗一般座位、卡位仲有VIP房🔸前菜醃製咗嘅粉絲，食落辣辣地，幾有口感🥔麻辣土豆絲土豆絲切到粗幼不一，食落去更有口感，個汁好惹味，辣得嚟帶有微酸，好開胃🦐時尚麻辣鍋材料好豐富😍分別有蝦、腩肉片、午餐肉、牛柏葉、蓮藕片、椰菜花及萵筍片，要咗小辣，個鍋下面有蠟燭可以Keep住個溫度，啲食材吸曬啲汁好入味，非常惹味😋好鐘意佢唔會太油，小辣辣度剛剛好，又好夠味，正💯🐠招牌水煮魚 生魚片份量都幾多，食落好滑完全冇刺，配料有豆卜、萵筍片、芽菜、蓮藕片及寛粉，例牌份量都好足！啲配料吸曬啲汁，相當惹味，小辣食落好夠味😋如果唔係好食得辣，叫小辣就剛剛好，呢個好抵食呀！🍻青島食辣要配啤酒先爽整體嚟講💕環境舒服，味道幾出色，非常惹味嘅川菜，除咗川菜亦有中菜㗎，啱啲唔食辣嘅朋友